periodico banat socsksargen

periodicobanat (pebrero 03, 2011)

2011-02-03T08:36:00.000+08:00

‘ABLI NA GYUD’--Makita dinhi sa taas nga hulagway si Tampakan Mayor, Leonardo Escobillo (pinakawala) kauban ang mga opisyales sa embahada sa Switzerland nga si HE Ambassador, Ivo Sieber, Australian Consul General, Hugh Wilson, New Zealand Deputy Head of Mission, Andrew White ug SMI Gen. Manager, Mark Williams (pinakatuo) samtang nagpreparar sa pagputol sa ribbon isip simbolo sa pag-abli sa Mobile Community Information Resource Center (mCIRC) samtang sa ubos nga hulagway, gitudlo dinhi ni SMI General Manager, Mark Williams kung unsaon pag-gamit ang mga himan nga hi-tech sulod sa mCIRC tent ngadto sa mga langyaw nga bisita.. (pbanat caption)

*88888

KUNG WALA’Y TAMPAKAN PROJECT MAYOR ESCOBILLO AMINADO
TAMPAKAN ‘WA-IL’ SA KALIBOTAN

TAMPAKAN, SOUTH COTABATO—Mismong ang amahan na mismo sa lungsod sa Tampakan, South Cotabato ang nagtug-an sa kadaghanan nga ‘wa-il’ o wala ilhi ang iyang lungsod kung wala mahidangat ang proyekto sa Tampakan Copper-Gold Project nga gipanag-iyahan sa higanteng kompanya sa mina nga Sagittarius Mines, Inc (SMI).

Kagahapong adlawa, atol sa pagbukas sa Mobile Community Information and Resource Center (MCIRC) sa lungsod diin gitambongan usab ug mga bisita gikan sa Embahada sa Switzerland, Australia ug New Zealand, mapasalamaton si Mayor Leonardo V. Escobillo tungod sa dakong epekto nga hatod sa proyekto sa SMI sa iyang dapit.

‘Kung wala ang Tampakan Project, dili gyud mailhan ang Tampakan sa tibuok kalibotan (If it we’re not for the Tampakan Project, Tampakan will not be known in the whole world),’ pintok nga pamahayag sa Amahan sa lungsod sa Tampakan.

Dugang pa ni Escobillo nga sukad nga misulod ang kompanya sa mina, mitaas usab ang kaledad sa kinabuhi sa mga taga-Tampakan ilabi na nga daghang mga oportunidad sa pangempleyo ug panginabuhian ang gihatod sa kompanya luyo saw ala pay todo nga operasyon niini.

Nahimong dinapit nga bisita sa Tampakan, sila si Hon. Ivo Sieber, His Excellency Ambassador sa nasod Switzerland, Hon. Hugh Wilson, Consul General sa nasod Australia, Hon, Andrew White, Deputy Head of Mission sa nasod New Zealand ug si Mark Williams, ang SMI General Manager.

Ang MCIRC usa ka proyekto sa SMI nga mohatod ug klarong pagpasabot ngadto sa katawhan may kalabotan sa lihok ug operasyon sa Tampakan Copper-Gold Project (TCGP) diin gigamitan ug mga hi-tech nga himan sama sa mga widescreen televisions, mga detalyadong mine life cycle, touch screen televisions ug uban pa.

Ang MCIRC sa Tampakan molungtad hangtod karong Pebrero 12 diin sukad pa kaniadtong Hunyo 2010, naglibot na sa mga dapit sama sa Kiblawan, Hagonoy, Malalag puro mga lungsod sa Davao del Sur ug mismong sa dakbayan sa General Santos ug Koronadal City. (pbanat news desk/jong gorgonio)

*888888

MGA SAMARON NGA REBELDE GIPATAHAN ARON PATAMBALAN

GENERAL SANTOS CITY—Gi-awhag karon sa mga sakop sa 73^rd Infanty Battalion sa Philippine Army ang mga samaron nga mga sakop sa rebeldeng New People’ Army (NPA) nga motahan na lamang ug mosurendir aron mapatambalan sila sa kagamhanan.

Matod ni Major Adolfo Espuelas, Jr., ang Commading Officer sa 73^rd IB nga katulo na kahigayon ang nahitabong engkuwentro sa mga sundalo ug sa mga rebelde sa kabukiran sa Malapan, Sarangani Province ug pinaka-ulahi niini mao ang sa Sitio Lagimit, Upper Suyan, Malapatan.

Sulti ni Espuelas nga daghang mga miyembro sa rebelde ang na-angol ug igo na lamang gidala sa mga kaubanan niini sa pag-ikyas.

Gipasalig pa ni Espuelas nga panahon nga mosurendir ang mga rebelde, dili sila hilabtan sa gobyerno ug igo lamang silang patambalan.

Matod pa sa labaw sa mga sundalo nga puwede silang mo-adto sa mga opisyales sa kabarangayan o dili ba kaha sa detatsment sa mga sundalo.

Dili pa lang dugay, niadtong milabay nga mga adlaw, usa ka kumander sa NPA Guerilla Front 71 ang nakabsan sa iyang kinabuhi human nga naigo sa engkuwentro sa mga tropa sa gobyerno ug NPA. Naila ang napatay nga mao si kumander Toklay. (pbanat news desk/vert castro)

*88888888

SA KIAMBA, SARANGANI

MAG-UUMA GIBUNALAN UG TUBO SA 15 KA MGA SUSPEK, PATAY

GENERAL SANTOS CITY—Gi-imbestigahan na karon sa mga sakop sa Kiamba PNP, sa maong lungsod ang usa ka panghitabo may kalabotan sa pagkamatay sa usa ka mag-uuma nga matod pa gibunal-bunalan ug tubo sa kinse ka mga armado nga naka-bonnet ug naka-jacket niadtong milabay nga mga adlaw.

Sa report nga nakuha sa Periodico-Banat, naila ang biktima nga usa ka Mario Ona, 37 anyos, minyo ug residente sa Lardizabal Farm, Kiamba, Sarangani Province.

Ang inisyal nga imbestigasyon nagbutyag pa nga kalit lamang nga gisulod sa lima ka lalaki ang panimalay sa biktima samtang kauban ang asawa niini ug puwersahang gikuha ang biktima.

Tungod sa maong insidente, gilayon mikuha ug usa ka mahait nga sundang ang biktima aron modipensa sa kaugalingon apan, gitabangan na kini sa mga suspek ug bunal ug tubo hangtod kini mamatay.

Samtang ang laing mga suspek maoy mikuha sa asawa ug gitali sa usa ka punoan ug giba-atan ang baba aron dili makasinggit.

Matod sa asawa nga si Celia Ona, hangtod karon wala pa nila masuta kung unsa gyud ang motibo sa mga suspek sa paghimo sa maong krimen. (pbanat news desk/vert castro)

*88888888

INTERNATIONAL YEAR OF THE FORESTS, GI-ANDAMAN NA SA DENR

GENERAL SANTOS CITY--Sa pakigtambayayong sa mga nangunang grupo sa nasud nga naay paghigugma sa kinaiyahan, giawhag ni Environment Secretary Ramon J.P. Paje ang tanang stakeholders nga suportahan ang nasudnong paglusad sa 2011 “International Year of the Forests,” dungan sa pagsaulog niini sa Estados Unidos karong Pebrero 2 ning tuiga.

Gusto lamang sigrohon sa DENR nga ang naasoyng kasaulogan mamahimong mahinungdanon sa kadaghanang pilipinhon ilabi na sa mga mas apektado sa pagkadaot sa kinaiyahan kon ang mokabat sa 25 milyones ka mga gitawag nga “upland dwellers” nga gikonsiderang pinakapobre sa mga pobre.

Sumala pa ni Paje ang pagsunod sa nasud sa selebrasyon niining “International Year of the Forest” dili lamang makapadangat ug kalibutanong kahibaloan nahanungod sa pag-amping sa kinaiyahan, apil na matud pa ang panginahanglanon sa reforestation ug pagpakubos sa gas emission samtang ginasuportahan sa katawhan ang “biodiversity” nga makabenepisyo ug daku sa mga Pilipino ilabi na ang mga lumulupyo sa kalasangan.

Ang nasangpit nga okasyon suportado sa University of the Philippine, Los Banos-College of Forestry; Society of Filipino Foresters (SFF); Philippine Wood Producers Association (PWPA); Philippine Tropical Forest Conservation Foundation (PTFC); Yakap Kalikasan; Women’s Initiative for Society, Culture and Environment (WISE); Bantay Kalikasan, Conservation International-Philippines (CI-Philippines); Foundation for Philippine Environment (FPE); World Wide Fund for Nature (WWF), Food and Agriculture Organization (FAO), the United States Agency for International Development (USAID); ug German International Cooperation (GTZ). (pgfruylan/PIA-SarGen)

*88888888

periodicobanat (pebrero 01-02, 2011)

2011-02-02T07:21:00.000+08:00

‘DISGRASYA’--Makita dinhi ang usa ka sakop sa Malungon PNP samtang ginabantayan ang mga kahon sa softdrinks nga nayabo atol sa pagkatumba sa trak de karga didto sa Nagpan, Malungon Sarangani Province niadtong milabay nga adlaw. Ang dalan diin nahitabo ang aksidente ilado na kaayo nga usa ka delikadong dalan diin daghan ng kinabuhi ang nakalas. (pbanat caption/kuha sa malungon info office)

*88888888

MATOD SA BOARD MEMBER SA SOCOT

PAGDILI SA OPEN MINING ILLEGAL

KORONADAL CITY, SOUTH COTABATO---Mitingog na karon ang usa ka sakop sa Sangguniang Panlalawigan sa lalawigan sa South Cotabato may kalabotan sa kontrobersyal nga isyu sa Provincial Environment Code diin nagdumili sa pagpahigayon ug open pit mining sa probinsya.

Sa usa ka pamahayag, giklaro ni Sangguniang Panlalawigan Member, Attorney, Cecile Diel nga ang pagdumili sa Environment Code sa pagpahigayon sa open pit mining, usa gyud ka illegal nga gimbuhaton sanglit ang Kongreso lamang sa nasod ang adunay katakos nga mo-usab o mo-amyenda sa usa ka nasyunal nga balaodnon.

‘Ubos sa 1995 Mining Act ug sa Financial and Technical Assistance Agreement (FTAA), ang contractor adunay katungod nga modetermina kung unsa ang pinakahaum nga pamaagi sa pagmina base sa ilang gihimong technical study, (“Under the 1995 Mining Act and the Financial and Technical Assistance Agreement (FTAA), a contractor has the option to determine the most feasible mining method based on a technical study made”)’ batbat ni Diel sa gihimong committee hearing sa mga nagpabor sa Envi Code nga gilangkuban sa mga opisyales sa simbahang Katoliko dili pa lamang dugay.

Kahinumduman, si Diel mao ang kanhing SP Legal Committee Chairperson sa dihang napasa ang Envi Code niadtong milabay nga tuig. Sukad pa kaniadto, ginasulti na ni Diel nga ang Envi Code usa ka ‘ultra vires’ nga balaodnon tungod kay nisapaw na kini sa usa ka nasyunal nga balaod nga mao ang Republic Act 7942 o ang Philippine Mining Act of 1995—diin si kanhing South Cotabato Governor, Daisy Avance Fuentes ug karon kongresista na, usa sa mipirma kaniadto sa maong balaodnon sa Kongreso.

‘Kung ang usa ka ordinansang lokal nga gihimo mo-amyenda sa bisan unsa nga probisyon sa mas taas nga balaod, kana ‘ultra vires’ (“When you enact an ordinance which in effect amends any provision of a superior law, that’s ultra vires,”)’ dugang saysay ni Diel.

Gi-esplikar pa sa babayeng board member nga ang RA 7942 o Philippine Mining Act of 1995 wala nagdumili sa pagpahigayon ug open pit mining ug tungod nagdumili ang Envi Code sa pagpahigayon sa open pit, klaro kaayong gina-amyedahan niini ang usa ka nasyunal nga balaod—nga bisan unsaon dili gyud puwede ug illegal.

‘Bugtong ang kongreso lamang ang maka-amyenda sa balaod (“Only Congress can amend a law”),’ dason pa sa board member.

Gi-igo pa ni board member Diel ang South Cotabato Environment Code nga nagkulang sa pagtuon ug dili kini komprehensibo. ‘Kulang sa research ug dili komprehinsibo (“It lacks research and it is not comprehensive”)’ pintok nga pamahayag ni Diel.

Niadtong milabay nga Nobyembre 2010, usa ka memorandum ang gipakanaug ni Department of Interior and Local Government (DILG) Secretary, Jesse Robredo nga nagmando sa mga opisyales sa South Cotabato nga i-rebyu ug amyendahan ang pag-ban sa open pit mining sanglit panglantaw sa maong ahensya nga sukwahi kini sa polisiya sa kagamhanan nga mopahigayon ug usa ka responsableng pagmina.

Bisan si kanhing Supreme Court Chief Justice, Reynato S. Puno mipadayag usab sa iyang opinion diin nagpasabot nga ang mga ‘kritikal nga industriya sama sa pagmina kinahanglan gyud nga bantayan sa nasyunal nga gobyerno ug mismong sa kongreso.’ Dugang pa ni Puno nga ang mga lokal nga panggamhanan, dili pa preparado ug walay kahanas sa pagdumala ug pagbantay sa mga kritikal nga industriya sama sa pagmina (Local governments are not prepared to take on the function of regulating critical industries such as mining,)’ si Puno nagkanayon. (pbanat news desk/popoy contreras)

*888888

HUBOG NALUMOS-PATAY

GENERAL SANTOS CITY---Wala nay kinabuhi ang usa ka 24 anyos nga lalaki human kini nga nalumos-patay samtang naligo sa Rajah Beach niadtong milabay nga adlaw nga hubog.

Sa report nga nakuha sa Periodico-Banat, naila ang biktima nga usas ka Raffy Fabroa, 24 anyos, ulitawo ug residente sa Octavio Village (Cannery), Polomolok, South Cotabato. Sa inisyal nga imbestigasyon sa Tambler PNP, ang pamilya sa biktima maayo ang paglipay-lipay sa maong beach resort apan, tungod sa mga gi-inom nahubog ang biktima ug naligo. Wala gilayon makit-an ang biktima ug sa ilang pagkadiskubre, igo na lamang kining naglutaw-lutaw nga wala na mag-ginhawa. Gidali pa ug hatod sa Labella Hospital sa barangay Calumpang si Fabroa apana, gideklarar na kining patay ni Dra. Anabelle Labella. Kasamtangan na karong gi-andam ang patay nga lawas ni Fabroa aron ihatod didtosa Polomolok. (pbanat news desk/vert castro)

*8888888

GIKARNAP NGA MOTORSIKLO NAREKOBER

GENERAL SANTOS CITY---Naka-iskor karon ang buhatan sa Lagao PNP, ubos ni PSI Aldrin Gonzales human usa ka motorsiklo nga gidudahang gikawat ug gipatay pa ang tag-iya niini ang malampusong na-rekober sa Malandag, Malungon Sarangani Province niadtong milabay nga adlaw.

Sa report gikan sa Lagao PNP, mi-adto ang grupo sa Lagao PNP sa Malandag, Malungon Sarangani aron kumpirmahon kung ag usa ka motorsiklo nga usa ka Jiashe Dagger, may kolor nga itom ug pula ug plakang IP-4555 gipanag-iyahan sa usa ka Mobarak Alonto Radia, kansang gibalitang gipatay sa mga karnaper niadtong milabay nga tuig.

Sa pagsusi sa mga pulis kuyog ang asawa ni Radia nga mao si Naimah Alonto, didto nakumpirma nga ang motorsiklong anaa sa kustodiya sa Malandag PNP, mao gyud ang motor sa bana niining gipatay.

Nasuta usab nga sukad pa niadtong Oktubre 30, 2010 nawala ang motor samtang gimaneho sa tag-iya nga si Mobarak apan gidagit sa wala mailhing mga suspek ug gipatay pa ang biktima. Pipila na ka adlaw diin gi-istambay ang maong motor sa usa ka tunghaan sa Malandag hinungdan nga kini gikustodiya sa kapulisan. Gi-andam na karon sa kapulisan sa Lagao ang kasong ipasaka batok sa mga suspek nga nailhan na usab sa mga awtoridad. (pbanat news desk/vert castro)

*88888888

3 KA MGA PUSHER SIKOP SA GENSAN

GENERAL SANTOS CITY---Nahimong malampuson ang gihimong operasyon kontra droga sa mga elemento sa Police Station 6 niadtong milabay nga adlaw human nga tulo ka mga suspetsadong drug pusher ang nadakpan.

Sa report nga nakuha sa Periodico-Banat, naila ang mga suspek nga sila si Rorado Dorado Dua, alyas Ding, 21 anyos, ulitawo, walay trabaho ug residente sa Purok San Vicente, Silway ning siyudad, samtang ang kauban niini nga nailang si Dan Albert Purok Kong, alyas Kim, 21 anyos, ulitawo ug residente sa Purok 5, New Society Apopong ug John Rey Tupingan, alyas Nog-nog, 22 anyos, usa ka habal-habal driver ug residente sa Lot 3, Yu Village, Apopong malampusong nakorner usab sa mga operatiba nga gipangunahan ni PSI Hoover Antonio ug PI Rodel Rosario.

Dugang sa pulis report, nadakpan ang grupo sa Zone-2 Bula ug nakuha gikan sa ilang mga posesyon ang upat ka mga plastic sachet nga may sulod nga shabu ug dili moubos sa 3 ka gramo nga gituohang nagkantidad ug P30,000.00. Nakuha usab sa ilang posesyon ang pipila ka mga paraphernalia sa illegal nga shabu ug kasamtangan na karong gina-andam ang kasong paglapas sa Republic Act 9165 o Dangerous Drugs Act samtang gibalhog sa selda sa Bula PNP. (pbanat news desk/vert castro)

*88888

PDEA 12 GUKDON ANG MGA ILADONG PERSONALIDAD NGA NALAMBIGIT SA DROGA

GENERAL SANTOS CITY---Gipasalig karon sa buhatan sa Philippine Drug Enforcement Agency Regional Office 12 nga mas todo pa ang ilang himuong pag-gukod sa mga iladong personalidad nga nalambigit sa illegal nga droga sa rehiyon12.

Matod ni PDEA-12 Regional Director, Yogi Filemon Ruiz, dili nila undangan hangtod nga dili mabutang sa selda ang mga nagpayuhot ug illegal nga droga.

Niadtong milabay nga tuig lamang, miabot ngadto sa P37 milyones ka pesos ang kantidad sa nakuha ug nakumpiskang mga illegal nga droga ug paraphernalia niini.

Niadtong milabay nga semana, tulo ka mga suspetsadong drug personalities ang gipasakahan na ug kasong kriminal human sa usa ka gihimong raid sa Silway, barangay Dadiangas West.

Samtang sa pikas bahin, gisulti ni Ruiz nga nahimong mas epektibo karon ang PDEA-12 sa operasyon niini batok sa illegal nga droga tungod usab sa kumpiyansa ug pagsalig sa katawhan sa rehiyon ngadto kanila. (pbanat news desk/jong gorgonio)

*8888888

SHABU LAB SA BOARDING HOUSE GIRONDA

GENERAL SANTOS CITY---Gironda sa mga sakop sa National Bureau of Investigation (NBI) ang usa ka boarding house nga matod pa gihimong usa ka laboratory sa illegal nga droga nga shabu.

Sa report nga nakuha sa Periodico-Banat, gironda sa mga sakop sa NBI ang usa ka panimalay nga gipanag-iyahan sa usa ka Melchor Yap sa may dalang Salazar St., barangay Dadiangas South pinaagi sa usa ka search warrant nga gi-isyu ni Judge Oscar Noel sa Branch 25 sa RTC.

Sa maong pagronda, nakumpirma gyud nga usa ka kitchen type laboratory sa shabu ang nadiskubrehan ug daghang mga paraphernalia sa illegal droga ang nakuha sa maong panimalay.

Gilayon nga gi-aresto si Yap ug ang asawa niini nga nailang si Love-Love Yap.

Nahimong malampuson ang pagronda sa panimalay ni Yap human matod pa aduay reklamo nga nakuha ang NBI nga usa ka suki niini ang nagreklamo nga nakapalit ug pait kaayo nga shabu. Gi-andam na ang kasong paglapas sa RA 9165 batok sa nadakpang si Yap. (pbanat news desk/crispen chavez)

*88888888

periodicobanat (enero 30, 2011)

2011-01-30T09:56:00.001+08:00

‘MADAMO GID NGA SALAMAT’--Daw mao kini ang gisulti ni BFP-12 Outgoing Regional Director, FCSUPT, Samuel Perez (nagtindog) ngadto sa iyang ginsakpan sulod sa pito ka tuig niini isip labaw sa mga bumbero sa rehiyon 12. Gihulipan si Perez nga mao na karon ang Deputy Fire Chief for Administration sa tibuok nasod ni FSSUPT, Alejandro Cagampang (pinakatuo nga naglingkod) nga gikan pa sa Cagayan de Oro City. (pbanat caption/kuha ni philip chan)

*8888888

SA SOUTH COTABATO

12 ORAS NGA BROWN-OUT KARON!

KORONADAL CITY—Mo-abot ngadto sa dose ka oras ang mahitabo nga pagkapalong sa suplay sa kuryente karong adlawa sa lalawigan sa South Cotabato.

Matod sa report nga nakuha sa Periodico-Banat, nga mismong ang buhatan ni South Cotabato Electric Cooperative I (SOCOTECO I), General Manager, Santiago Tudio ang mipagawas sa anunsyo nga gikan sa National Grid Corporation of the Philippines (NGCP) nga ang mga dapit diin ginasuplayan ug kuryente sa SOCOTECO I, makatigayon gyud ug power interruption sugod karong alas sais sa buntag hangtod na sa alas sais sa gabii.

Dugang pa sa maong report, dapat nahitabo na ang maong pagkapalong sa suplay sa kuryente niadto pang Enero 16 apan gipahamtang na lamang karong adlawa tungod sa pipila ka mga rasong teknikal.

“The shutdown is for NGCP to commence the construction of the new General Santos –Tacurong 138kV transmission line and to facilitate the tapping of Koronadal/Surallah 69kV line at the section of General Santos-Tacurong 138kV line in Barangay Morales, Koronadal City,” matod ni Tudio.

Samtang magpahigayon sa ilang trabaho ang NGCP, mohimo usab ug mga preventive maintenance ang kawani sa SOCOTECO I, sugod alas sais sa buntag hangtod sa alas dos sa hapon.

Mawad-an ug mga kuryente ang mga lungsod sa Tupi, Tampakan, Tantangan, Surallah, Norala, Sto. Nino, Lake Sebu, T’boli ug Koronadal City, puro nahisakop sa SOCOTECO I. (pbanat news desk/jong gorgonio)

*8888888

KUMANDER SA NPA NGA PATAY SA GIYERA GIKUSTODIYA SA MAYOR SA MALAPATAN

GENERAL SANTOS CITY - Gitugyan na sa mga sundalo ang patayng lawas sa kumander sa New People's Army (NPA) nga napatay sa engkwentro ngadto kang Mayor Alfonso Singcoy sa Malapatan, Sarangani Province.

Sa pakighinabi gibutyag ni Major Adolfo Espuelas, commanding officer sa 73rd Infantry Batallion sa Philippine Army nga padayon pa nila nga giila karon ang pagkatawo ni Kumander Toklay sa Platoon Masda sa NPA nga napatay sa natigayong engkwentro sa Sityo Bukay, Barangay Kinam, Malapatan, Sarangani Province.

Sa pamahayag ni Espuelas nga si Kumander Toklay ang mipuli kang Kumander Yoyong nga gipapahawa sa pwesto gumikan walay accomplisments sa ilang area sa kabukirang bahin sa Sarangani og Davao del Sur. Natigayon ang engkwentro sa dihang gipangita sa mga sundalo ang mga rebelde nga mipatay sa usa ka barangay kapitan ug nakatagbo ang grupo ni Kumander Toklay hinungdan sa pagbinayluay og bala nga milungtad sa tulo ka oras. Upat ka rebelde ang gituohang samaron sa nasampit nga engkwentro. Ang grupo ni Kumander Toklay ang responsable sa pagpatay kang Barangay Captain Ramon Tanwata sa Barangay Datu Tanwata sa Malita, Davao del Sur.

*8888888

MGA BATA NASUDLAN UG ESPIRITU?

GENERAL SANTOS CITY---Kalit lamang nga nakugang ang mga residente sa Purok 2, Lanton Apopong, ning siyudad human matod pa duha ka mga bata sa maong dapit ang kalit na lamang nasudlan ug dautang espiritu.

Sa report nga nakuha, gitug-an nila Jessa Mae Basol ug Jerliza Sorabia, puro mga 14 anyos nga tulo matod pa ka mga dautang espiritu nga nailang sila si ‘Carlo, James ug Maria’ ang mga misulod sa ilang mga kalawasan.

Matod sa inahan ni Jessa nga si Gemma, nagsugod pa niadtong nakalabay nga Lune sang pagsulod sa mga gituohang mga dautang espiritu sa duha ka mga menor de edad.

Dugang pa sa inahan ni Jessa nga ang iyang nakatug-an pa kaniya nga ang mga gikaingon nga dautang espiritu nakagusto matod pa kanila. Hangtod karon nagpabilin pa gihapon sa balay tambalanan ang anak niini samtang ginahulat ang tinuod nga rason sa pagkasakit sa maong menor de edad. (pbanat news desk/vert castro)

*88888888

MISIS KRITIKAL HUMAN NATUMBAHAN UG LUBI

GENERAL SANTOS CITY---Usa ka misis ang anaa karon sa balay tambalanan human kalit lamang nga natumbahan sa usa ka punoan sa lubi didto sa kaugalingong panimalay niini sa Kablakan, Maasim, Sarangani Province

Matod sa taho, ang biktima nailang usa ka Kimberly Iban Tano, ug igo na lamang nakita sa silingan niini nga si Gina Pinya nga wala nay panimuot ug nadat-ugan ang ulo niini sa kapin 40 ka tiil nga lubi. Hangtod karon nagpabilin pa gihapon sa Diagan’s Clinic and Hospital ang nasangpit nga ginang ug kritikal lamang gihapon ang kondisyon.

Dako ang pagtuo sa mga silingan niini nga tungod sa kusog nga hangin, natumba ang lubi didto mismo sa panimalay ni Tano. (pbanat news desk/crispen chavez)

*88888888

periodicobanat (enero 27, 2011)

2011-01-30T09:51:00.000+08:00

‘BISITA SA MGA BUMBERO’---Gidawat dinhi ni Gensan City Mayor, Darlene Custodio sila si Bureau of Fire and Protection (BFP) outgoing Regional Director. FCSUPT, Samuel Perez, CESO VI ug umaabot nga bag-ong labaw sa BFP-12 nga si FSSUPT Alejandro Cagampang. Kuyog usab dinhi si Gensan Fire Marshall FCI Renel Belonio. (pbanat caption)

*88888888

BASAG KOTSE GANG MI-ATAKE NA POD

GENERAL SANTOS CITY---Mi-atake na pod ang Basag Kotse Gang sa dakbayan ug malampusong nakabiktima ug usa ka negosyante.

Sa report nga nakuha sa Periodico-Banat, usa ka Ramil Sioco, 38 anyos, minyo ug residente sa Rosario Village, barangay Lagao ning dakbayan ang mipatala nga ang iyang gimaneho nga usa itom nga Nissan Terano nga may plaka JBX-503 ug gipanag-iyahan sa usa ka Leonardo Sagales ang nahimong biktima sa mga kawatan.

Sa inisyal nga imbestigasyon sa kapulisan, igo lamang giparada ang sakyanan nga Terano sa may dalang Balimbing, barangay Dadiangas North ug pipila lamang ka minuto nabuak na ang walang bahin nga bintana.

Nakuha sa mga suspek ang usa ka bag nga gipanag-iyahan ni Sagales ug may mga sulod nga usa ka .45 nga Colt pistol, tulo ka mga magazines ug usa ka Nokia N73 dugang pa ang pipila ka mga tseke.

Hangtod karon padayon pa gihapon nga gina-imbestigahan sa kapulisan ang maong insidente. (pbanat news desk/vert castro)

*888888

BABAYE NAGHIKOG PATAY

GENERAL SANTOS CITY---Laing insidente na sab sa pagpakamatay ang nahitala sa kapulisan sa Police Station 3.

Sa report sa kapulisan, naila ang biktima nga usa ka Joy Diamante Inventado, 33 anyos, minyo, walay trabaho ug residente sa Diamante Compound, Purok San Isidro, Upper Baluan.

Ang inisyal nga imbestigasyon nagtug-an pa nga igo na lamang nakita sa usa ka Cristine Didal ang nagbitay na nga biktima sa kuwarto niini. Gilayon nga nangayo ug tabang ang nakakita ug gihatod sa balay tambalanan ang biktima apan, igo na lamang kining gideklarar nga patay na. Ginasuta pa karon ang tinuod nga motibo sa pagpakamatay sa biktima. (pbanat news desk/vert castro)

*8888888

PNP-12 ALERTADO HUMAN SA BOMBA SA MAKATI

GENERAL SANTOS CITY---Alertado karon ang tibuok puwersa sa PNP-12 human nga mibusikad ang usa ka bomba sulod sa usa ka bus de pasahero didto sa Makati niadtong milabay nga adlaw.

Sa usa ka pamahayag ni PNP-12 Regional Director, Atty. PCSUPT Gil Meneses, iyaha dayon gipanaug ang kamandoan sa todo nga pag-alerto sa tanang puwersa kapulisan sa tibuok rehiyon.

Tungod sa mando niini gipakatag ang tanan nga mga bomb squad units lakip ang mga K-9 dogs sa mga nag-unang dapit sa rehiyon sama sa mga siyudad ug dagko nga mga kalungsoran.

Gi-awhag pa ni Meneses ang tanan nga mga bus operators nga kinahanglan mohimo ug dugang nga mga pagsusi sa ilang mga sakyanan aron masiguro nga dili gyud makasulod ug makasakay ang mga dautang elemento nga adunay dautang mga bahad. (pbanat news desk/vert castro)

*88888888

DUGANG MGA SUNDALO GIN-DEPLOY SA SULTAN KUDARAT

KORONADAL CITY - Mas ginpahugtan pa sang mga suldado ang seguridad sa Columbio, Sultan Kudarat makaligad sang serye sang pag-atake sang mga rebelde nga New Peoples Army (NPA).

Suno kay Lt. Col. Joel Alejandro Nacnac, commanding officer sang 27th Infantry Battalion (IB) nga nagdeploy sila sang dugang nga tropa sa nabukid nga bahin sang Columbio agud maprotehiran ang mga residente batok sa harassment sang mga NPA nga ginapangunahan ni Kumander Joyjoy.

Sa subong, 10 ka pamilya ang nagbalakwit gikan sa Sitio Bantangan bangud sa kahadlok sa mga rebelde.

Gintawag naman sang opisyal nga "desperate retaliatory acts" ang ginhimo sang NPA, matapos nadulaan sang suporta gikan sa mga residente.

Humalin sang nagligad nga semana, tatlo ka pag-atake na ang ginhimo sang NPA sa Columbio, Sultan Kudarat.

Sa subong, nagapabilin nga naka-full alert ang 27th IB kag padayon man ang ila pursuit operation batok sa mga NPA nga naglunsar sang pag-atake.

*888888888

KAPIN 5 MIL KA MGA GUN PERMITS GINPAGAWAS NA

KORONADAL CITY-Ginpaguwa na sang Philippine National Police (PNP) ang masobra sa 5 mil ka mga provisional gun permits sa mga gun holders sa Rehiyon 12 nga nag-avail sang firearms amnesty program sang gobyerno.

Suno kay C/Insp. Romeo Galdo Jr., firearms, explosives, security agencies and guards section chief sang PNP-12 nga ila gin-isyu ang provisional ukon temporary licenses samtang ginahulat ang official registration sang tanan nga mga armas luthang nga sakop sang amnestiya.

Sa rehiyon 12, naglab-ot sa 5,867 ang nag-aplay sang amnestiya apang 5,107 lamang ang naaprobahan.

Ginpaathag pa ni Galdo nga sang nagligad nga Setyembre naaprobahan ang mga temporary license kag valid ini sa sulod sang isa ka tuig ukon tubtub sa tion nga mapaguwa na ang permanent licenses ukon registration. Sa subong, napadala na sa nagkalain-lain nga mga police units ang masobra sa 3 mil ka mga temporary licenses.

Sa pihak sini, wala gihapahanugutan sang provisional licenses ang pagdala sang armas luthang sa guwa sang ila sini mga puluy-an.

*88888888

LOKALISASYON SA PEACE TALKS SA MGA REBELDE NO PROBS SA MinDA

GENERAL SANTOS CITY---Gipadayag karon sa labaw sa Mindanao Development Authority (MinDA) nga walay problema alang kanila kung mamahimong lokal ang panag-istorya sa Kalinaw tali sa mga rebeldeng NPA ug sa gobyerno.

Sa pamahayag ni MinDA Chairperson, Lu Antonino, suportado niini ang pag-localize sa peace talks ngadto sa mga rebelde. Rason pa sa maong opisyal nga ang mga rebelde ug mga lokal nga mga opisyales dugay na nga magka-ila ug dali na lamang ang panaghisgut.

Dugang pa ni Antonino nga ang mga lokal nga lideres ug ang mga labaw sa rebelde ang mas nasayod sa tinuod nga sitwasyon sa ilang mga dapit ug dako ang posibilidad nga kini mamahimong malampuson. (pbanat news desk/popoy contreras)

*888888

periodicobanat (enero 26, 2011)

2011-01-26T09:25:00.000+08:00

‘TAMA NA GYUD’--Daw gipunting dinhi ni GSC Mayor, Darlene Custodio (tunga) kauban sila City Admin., Jong Gonzales (tuo) ug Asst. City Admin. Teody Dumagan (pinakawala) nga dili na gyud puwede nga mohatag pa ang City Hall ug dugang nga mga prangkisa alang sa mga traysikel sa siyudad atol sa gihimong press conference kagahapong adlawa. (cmo photo/pbanat caption)

*8888

Bagong retirement package para sa mga magreretirong Cotabato provincial employees

Koronadal City,– Handa na ang bago at komprehensibog retirement package para sa mga magreretirong kawani ng Pamahalaang Panlalawigan ng Cotabato.
Sa isang statement, sinabi ni Cotabato governor Emmylou”Lala” Talino-Mendoza na ang bagong retirement package ay para sa mga retirees na nakapagsilbi sa pamahalaang panlalawigan ng hindi bababa sa 15-taon.
Ang mga kawaning magreretiro ay inaasahang makakatanggap ng mula =P=200,000.00 hanggang P400,000.00.
Ang inisyatibong ito, ayon kay Governor Mendoza, ay bilang pagpapasalamat umano sa mga retirees sa kanilang kontribusyon sa pagkamit ng mission-vision ng pamahalaang panlalawigan. Nais umano ng gobernadora na maipadama sa mga magre-retirong kawani ang kahalagahan ng kanilang serbisyo at ang pagmamalasakit sa kanilang kapakanan pagkatapos ng mahabang taong pagsisilbi sa pamahalaang lokal.
Matatandaang noong taong 2009 ng simulang ipatupad ng Pamahalaang Panlalawigan ang programang“Salamat-Paalam” na kumikilala sa serbisyo ng mga nagre-retirong mga empleyado sa pamamagitan ng pagbibigay ng mga mahalagang ala-ala gaya ng 14-Karat Gold service ring at cash incentives. (ac agad PIA 12)

*8888

Pagtatapos sa pagbabalewala sa Mindanao, siniguro ni Pangulong Aquino

Koronadal City– Siniguro ni Pangulong Benigno C. Aquino III sa mga lider ng Mindanao na determinado ang kanyanag administrasyon na tapusin ang ilang dekadang pagbabalewala ng gobyerno sa Mindanao na lubhang nakaapekto sa mga Pilipinong Muslim.Sa mensahe ng Pangulo na binasa ni Mindanao Development Authority (MinDA) chair Luwalhati Antonino sa pagbubukas ng First Leaders Summit ng Mindanao Solidarity Conference (MSC) noong Biyernes, nangako si Aquino na isusulong ng kanyang administrasyon ang kapakanan, kagustuhan at kahilingan ng mga Mindanaoan habang pinaplano ng gobyerno ang isang komprehensibong pagbabago para sa Muslim, Kristiyano at mga Lumads.Dinaluhan ng mga government officials, civil society leaders at mga indibidwal na sumuporta sa pagkandidato ni Aquino noong halalan na nag-udyok sa pagkakatatag ng Mindanao Solidarity Conference- Center for Peace Progress and Development (MSC- CPPD) na pinamumunuan ng dating gobernador ng South Cotabato Ismael Sueno.Ani Sueno, nabuo ang MSC-CPPD upang maitatag ang isang Mindanao block bilang paalaala sa Pangulo sa kanyang pangako na hindi pababayaan ang Mindanao.Sabi pa ni Aquino ang pagtamo ng kapayapaan ay pangunahing prayoridad ng kanyang administarsyon na madali umanong makakamtan kung makikipag-isa mismo sa balikatin ang mga tao sa Mindanao.Dagdag pa ni Aquino na sa pamamagitan ng Mindanao 2020 peace and development framework plan ng MinDA ay malalaman ng gobyerno ang mga estratehiya kung paano matatamo ang kapayapaan.Iniulat din ng Pangulo na muling sinisimulan ang usaping pangkapayapaan sa pagitan ng gobyerno at ng Moro Islamic Liberation Front (MILF). (LMSalvo/ PIA 12)

*88888888

SOCOT nakig-upod sa DBP para sa pagprotektar sang palibot

Koronadal City Jan 25 (PIA) -- Napili sang Development Bank of the Philippines (DBP ang Gobyerno Probinsiya sang South Cotabato nga makig-upod sa programa nga may tuyo sang pag-atipan sang palibot.

Prayoridad nga programa man ini sang gobyerno nga mag-apin sa kahuyang sa igo sang pagkambiyo sang klima nga masami nga maaguman naton sa subong tungod sa wala untat nga pagpanapas sang kahoy kag pagguba sang natural nga manggad.
Sa isa ka pagpamangkot, ginsabat ni Gobernador Arthur “Dodo” Pingoy nga nakig-angot sa iya opisina ang dumalahan sang DBP para sa pagbinuligay sa programa sang bangko sa pag-atipan sang palibot kag natural nga manggad nga amo ang DBP Green Forest.
Sa nasambit nga pagbinuligay, nakatalana man nga maghatag sang pondo ang DBP para sa pagtanum sang mga puno sang kahoy sa may duha (200) ka gatos ka hektarya sang duta sa bug-os nga probinsiya.
Ang responsibilidad sang gobyerno lokal sa nasambit nga pagbinuligay amo ang pagpili sang mga lugar kon sa diin puwede tamnan sang mga kahoy. (EBdelaCruz/aca/PIA12)

*888888888

TRAIN, OPISYAL NA NGA CITY DIRECTOR SA GENSAN PNP

GENERAL SANTOS CITY---Opisyal na gyud ug dili na Acting City Director ang papel karon ni PSSUPT, Atty. Cedrick G. Train sa General Santos City Police Office (GSCPO).

Niadtong milabay nga adlaw lamang, usa ka sugo gikan sa National Headquarters sa kapulisan nga may numero G.O. No. 07, HQS PRO12 ang nagtantang sa pagka-Acting City Director ug gihimong opisyal nga City Director.

Kahinumduman, sa pagdumala ni Train sa kapulisan sa dakbayan, daghang mga insidente sa hapsay ug kalinaw ang iyang napatunhay ilabi na ang pag-gukod sa mga notoryus nga kidnap for ransom groups diin nahimong malampuson ang kapulisan sa Gensan. Sa termino usab ni Train, bisan tuod adunay mga gika-ingon nga mga gun for hire, pero ang sugal sa Last Two nagpabilin na lamang karon isip usa ka tago o dili ba kaha sekreto nga sugal tungod sa kampanya niini nga limpyohon ang siyudad sa mga illegal nga sugal.

Si Train, misamot ang pagkahumot sa sektor sa mga magpapatigayon human napamatud-an niini nga ang kapulisan sa siyudad sa bisan unsang orasa andam gyud nga moprotekta ngadto kanila.

Wala pa nag-usa ka tuig ang Koronel nga gilantaw sa mga sakop niini nga usa ka istriktong lider diin ang gidapigan lamang mao ang kamatuoran ug hustisya. (pbanat news desk/vert castro)

*88888

BALAY NI KONGRESMAN, BIKTIMA SA KAWAT

GENERAL SANTOS CITY---Wala na gyud kahadlok ang mga kawatan sa siyudad sa Gensan—ultimo ang panimalay sa usa ka kongresista nahimo pa gyud nga biktima.

Sa report nga nakuha sa Periodico-Banat gikan sa Police Station 4, nasuta nga mismong si Sultan Kudarat 1^st District Congressman, Cader Sakaluran ang nagpatala nga iya na lamang nadiskubrehan nga ang panimalay niini nahimo ng biktima sa kawat ug lungkab.

Sa inisyal nga imbestigasyon sa kapulisan, sa pag-uli ni Sakaluran sa panimalay niini sa Sarangani Homes, Barangay San Isidro, iyang nadiskubre nga abli na ang gate niini ug nangaguba na ang mga bintana nga jalousies. Sa dugang nga pagsusi nasuta nga nawala na ang refrigerator ug uban pang mga gamit sa balay rason nga midangop na kini sa mga pulis. Hangtod karon blangko lamang gihapon ang pulisya kung kinsa ang mga suspek sa pagsulod sa panimalay sa kongresista nga taga-Sultan Kudarat. Padayon pa gihapon ginahimo ang imbestigasyon may kalabotan ning insidente. (pbanat news desk/vert castro)

*888888

LAING 27 KA MGA MANANAGAT DAKPAN NA POD SA INDONESIA

GENERAL SANTOS CITY---Igo na lamang sa pagpangayo ug tabang ang mga pamilya sa 27 ka mga mananagat nga nadakpan sa nasod Indonesia dili pa lamang dugay tungod sa illegal nga pagpanagat.

Sa report gikan sa City Social Welfare and Development (CSWDO), nasikop ang mga mananagat nga gikan sa Lower Makar, barangay Labangal niadto pang Enero 15, 2011. Apan sa dugang nga pagsusi, niadtong Enero 03, 2011 pa milawig sa kadagatan ang panagatan sa Melvi Fishing ug didto na nasakpan sa mga awtoridad sa Indonesia sa Manado.

Gipugngan matod pa sa Indonesian Coast Guard nga maka-uli ang mga Pinoy nga mga mananagat tungod sa kulang nga mga papeles.

Nasayran usab gikan sa mga kabanay nga nangayo ug P800 mil isip panglukat ang ilang mga paryente apan wala kini mahinayon. Kasamtangan na karong anaa sa Betung, Indonesia ang mga nadakpan nga mananagat samtang padayon sa pag-asikaso ang mga kawani sa CSWDO sa mga papeles sa mga taga-Gensan nga nadakpan sa Indonesia. (pbanat news desk/crispen chavez)

*88888

MAYOR DARLENE NANGUSOG GYUD

DUGANG PRANGKISA SA TRAYSIKEL NO PUWEDE NA!

GENERAL SANTOS CITY---Daw nangusog na karon ang liderato sa city hall may kalabotan sa pagkuyanap sa daghan kaayong mga traysikel nga illegal nga padayong nagbiyahe-an sa mga kadalanan sa Gensan.

Kagahapong adlawa, mismong si Mayor Darlene Antonino-Custodio ang misulti atol sa gihimong press conference nga dili na gyud mohatag pa ug mga prangkisa ang iyang administrasyon sa mga wala pa makabaton ug prangkisa sa ilang mga traysikel.

“Kailangang balasehin natin. Kung lahat ay bibigyan ng franchise mamamatay ang lahat ng tricycle operators,” pintok nga pamahayag sa babayeng alkalde. Dugang pa niini nga ang ginahatagan lamang ug igong proteksyon sa kagamhanang lokal mao ang mga traysikel nga aduna nay prangkisa tungod may kontrata ang gobyerno ngadto kanila.

Giduso pa ni Custodio nga kadtong mga nagmaneho ug mga illegal nga traysikel (green plate) mas labing maayo moadto na lamang sa buhatan sa Public Employment Service Office (PESO) ug didto puwede silang makapili ug mga trabaho nga haum alang kanila.

“Maraming negosyante ang naghahanap ng trabahante para sa business nila… Pwede silang (non-franchise drivers) magparehistro sa PESO at mahanapan ng ibang trabaho o kaya ay mabigyan ng ibat-bang klase ng kabuhayan gaya ng nasa LEAD program,” dugang saysay ni Custodio.

Samtang sa susamang balita gihapon, gibutyag karon ni City Administrator, Atty. Jong Gonzales nga ang Gensan adunay kapin sa 6,000 ka mga traysikel nga adunay legal nga mga prangkisa ug wala nay plano ang kagamhanan nga dugangan pa kini. Apan sa ihap sa mga hugpong sa traysikel nga padayong nangayo karon ug prangkisa sa gobyerno, moabot ug kapin sa 8,000 ka mga sakyanang de motor ang nagtuyok sa siyudad.

Dili lamang ang mga may prangkisa nga traysikel ang mitiyabaw sa kadaghan na sa mga namasada nga walay igong mga papeles kundili lakip na usab ang mga dyip de pasahero ug mga taxi tungod kay matod sa mga operator ug drayber, gilamoy na sa mga walay prangkisa nga traysikel ug habal-habal ang ilang mga pasahero.

“Titingnan namin ang mga franchise holders kung operational pa ang mga units, if not babawiin namin ang franchise at ipapa raffle sa greenplates, sila lang ang maaring awardan,” sulti ni Gonzales may kalabotan sa prangkisa nga ginapangayo sa Nagkakaisang Green Plate nga grupo.

Mipahabol pa si Mayor Custodio nga panahon nga magpadayon gihapon sa pagbiyahe ang mga walay prangkisa nga motorsiklo sa dakbayan, dakpon gyud kini sa mga traffic enforcers. (pbanat news desk/jong gorgonio)

*888888

periodicobanat (enero 25, 2011)

2011-01-25T08:41:00.000+08:00

BAG-ONG GIMIK--Pormal na nga gipresenta kagahapon sa City Hall sa Gensan ang mga Dancing Traffic Enforcers sa mga kadalanan sa siyudad. Buot sa City Hall nga ang mga motorista mamahimong listo ug abtik sa ilang mga pagmaneho ug ilang nakita nga pamaagi sa mga nagasayaw nga traffic enforcers, malikayan ang mga disgrasya sa kadalanan. (kuha sa cmo/pbanat caption)

*88888888

HISGUTANAN SA MINA NA POD

PASTOR SA PENTECOSTAL MAY HAGIT SA MGA RELIGIOUS GROUPS

KORONADAL CITY, SOUTH COTABATO---Mibuhi karon ug usa ka hagit ang usa ka pastor sa United Pentecostal Church sa siyudad sa Koronadal sa pipila ka mga relihiyosong grupo nga nagpadayon sa pagbabag sa halapad nga operasyon sa mina sa lalawigan sa South Cotabato pinaagi sa pagduso ug pagsuporta sa kontrobersyal nga Environment Code sa probinsya nga nagdumili sa open pit mining.

Sa usa ka pamahayag, abli nga gisulti ni Pastor Romeo Gonzales, ang host pastor sa United Pentecostal Church sa Upper Balmores, Koronadal City nga kinahanglan angayan nga timbangon ug tan-awon sa mga lideres sa simbahan sa mga nagkadiayang relihiyon ang sitwasyon sa ilang mga parokyano.

‘Atong tan-awon ang kaugmaon sa atong mga flock o followers ug constituents...Dili lamang ang atong kaugalingon interes ang atong tan-awon kundili ang interes pod sa atong mga kaigsoonan nga naa sa kabukiran,’ pintok nga pamahayag ni Gonzales kagahapong adlawa.

Dason pa ni Gonzales nga ang ilang simbahan nagtuo nga pinaagi sa mga masusi nga pagbantay sa katawhan ug mismong sa mga kawani sa kagamhanan, maglisod ug binu-ang ang mga dagko nga mga korporasyon ug mga kompaniya nga buot manamastamas sa Kinaiyahan.

PABOR SA OPEN PIT MINING

Sa dugang pa nga pamahayag sa lider sa Pentecostal Church, nagsulti nga ang ilang simbahan ug ang mga lideres niini dakong pabor sa open pit mining ug wala sila’y nakitang dautan sa maong pamaagi sa pagkutkot sa minerales sa ilawom sa yuta.

‘Sa amo, okay kaayo mi nga mag-operate ang open pit mining tungod dako gyud kini nga bulig…Alang kanamo dinhi sa Pentecostal, Upper Balmores, dili gyud mi-against,’ saysay ni Gonzales.

Samtang, ang higanteng kompanya sa mina nga mao ang Sagittarius Mines, Inc (SMI), ang nanag-iya sa Tampakan Copper-Gold Project (TCGP) una ng nagbandilyo nga ilang nakitang haum nga pamaagi aron makuha ang mga minerales sa kabukiran sa Tampakan, mao gyud ang open pit mining.

Gidepensa pa sa maong kompanya nga pinakaluwas ug base kini sa ilang pag-estudyo nga gihimo hinungdan nga nakadesisyon sila nga sa pagsugod sa ilang operasyon, ilang gamiton ang pamaagi sa open pit.

Bisan pa man nga may mga gipakita na nga mga resulta sa ilang mga pagtuon ang kompanya sa mina, hugot gihapon nga mi-alkontra ug mibabag ang mga pipila ka mga hugpong sa katilingban, ilabi na ang Simbahang Katoliko.

Gipamahayag pa sa mga lideres sa simbahang Katoliko nga dako gyud ang mamahimong kadaut sa Kinaiyahan ug sa katawhan panahon nga mopahigayon ug open pit mining ang kompanya.

DAKONG PROBLEMA SA EDUKASYON, PANGINABUHIAN UG PANGLAWAS

Si Pastor Gonzales mipadayag usab sa iyang kabalaka nga panahon nga ma-undang na ang higanteng kompanya sa mina, magkasalimu-ang ang kagamhanan kung unsaon nga sulbaron ang kalit nga problema sa kawad-on sa edukasyon sa mga iskolar sa SMI, mga trabahante ug ang natad sa panglawas sa katawhan ug komunidad diin ang higanteng kompanya sa mina ang nagsuporta ug nag-abaga. Aminado pa ang pastor sa Pentecostal nga dili gyud makaya sa gobyerno sa South Cotabato nga abagahon ang ginahimo karon sa kompanya ngadto sa mga katawhan—nga kung buot huna-hunaon mao ang angayan nga himuon sa gobyerno ang paghatag sa mga nag-unang serbisyo.

Namahayag pa kini nga kinahanglan nga solusyon ang ihatag sa mga nagbabag ug nag-alkontra sa dakong proyekto ug dili dugang nga problema.

PASALIG SA KOMPANYA

Sa mga daghang pamahayag sa kompanyang SMI, gibalik-balik gyud niini nga tumong ug tuyo lamang nila mao ang paghatag ug usa ka malungtarong kalamboan nga gi-abagahan sa usa ka responsableng pagmina. Ang pagpitol sa kapobrehon ug pagpangabuso sa katawhang Lumad, ila usab nga misyon pinaagi sa mga programa ug proyekto nga direkta menteng ang mga stakeholders niini ang makabenepisyo.

Sa mga nahi-unang pamahayag, bisan ang tulo ka mga mayores sa mga lungsod sa Tampakan, South Cotabato, Kiblawan, Davao del Sur ug Columbio, Sultan Kudarat misulti na nga pinaagi sa proyekto sa kompanya nga gilantaw karon nga pinakadako nga imbesment sa nasod Pilipinas nga nagkantidad sa dili moubos ug $5.9 bilyones dolyares adunay maayong kaugmaon gyud sila nga hulaton ug lauman. (pbanat news desk/popoy contreras)

*88888

DIONESIA NAGKASAKIT UG PNEUMONIA

GENERAL SANTOS CITY---Gidagan sa usa ka balay tambalanan ang sikat nga inahan ni Sarangani Congressman ug Pound for Pound King, Manny Pacquiao nga mao si Dionesia human kini nga mibati ug grabeng kakapoy ug kulang sa tulog.

Sa report nga nakuha, gisulti ni Dr. Lamberto Chomi, attending physician sa PacMom nga adunay pneumonia ang inahan sa Pambansang Kamao apan anaa na karon sa maayong kahimtang. Kahinumduman, gidala sa hospital si Mommy Dionesia niadto pang milabay nga Biyernes. Gidugang pa sa doktor nga kinahanglan nga mopahulay gyud si PacMom sulod sa lima hangtod pito ka adlaw.

Pero, luyo sa abiso sa mananambal, mipugos gihapon nga mogawas sa balay tambalanan ang inahan ni Pacman tungod kay matod pa aduna kini showbiz commitment sa Manila alang sa pag-promote sa iyang album. Karong Enero 29 usab, molupad kini sa Singapore alang sa konsiyerto niini kauban si Cesar Montano ug uban pang mga artista. Karong umaabot nga Marso 21 usab, adunay himuon nga concert showdown si Dionesia ug ang sikat nga si Imelda Papin sa Lagao Gym. (pbanat news desk/crispen chavez)

*8888888

periodicobanat (enero 24, 2011)

2011-01-25T08:37:00.002+08:00

MATOD NI KONSEHAL RIVERA

BANAS UG RIVERA MAGKUYOG NA SA 2013 ELECTIONS

GENERAL SANTOS CITY----Bisan tuod nga aduna pa duha ka tuig alang sa sunod nga eleksyon, karon pa lamang daw nagsugod na ug kainit ang klima sa pulitikasa Gensan human mismo ang numero unong konsehal nagtug-an nga aduna gyud mahitabong panagkuyog sa mga iladong personalidad sa oposisyon batok sa bando sa Achievement with Integrity Movement (AIM) nila Mayor Darlene Antonino-Custodio ug kongresista Jun Acharon.

Niadtong milabay nga mga adlaw, mismong gikumpirma ni number one city councilor, Ronnel Rivera sa Periodico-Banat sa usa ka panagtigom sa mga lokal nga media nga posible gyud kini nga mopapili isip alkalde sa siyudad karong umaabot nga 2013 elections ug iyang bise mayor mao ang kasamtangang labaw sa Sangguniang Panlungsod nga si Shirlyn Banas-Nograles.

Matod ni Rivera, ila ng nabati nga nagkakusog na ang hugpong sa oposisyon sa siyudad ilabi na sa resulta sa nakalabay nga piniliay sa barangay.

Kahinumduman, daw halos gipanglapurnas sa mga iladong kandidato pagka-kapitan nga anaa sa bando nila Rivera ug Banas ang mga manok sa AIM ni Mayor Custodio. Ang mga dagko nga barangay sa General Santos City sa pagkakaron, gidumalahan na sa mga kapitanes nga nailang anaa sa grupo sa oposisyon.

MAYORYA SA KONSEHO

Samtang sa pikas bahin ning maong balita, hugot usab nga gi-almahan ni City Vice Mayor, Shirlyn Banas-Nograles ang kasamtangang set-up sa konseho sa dakbayan—diin mayorya sa mga konsehal nahisakop sa bando sa AIM.

Unang migawas nga kontrobersya ang daw pagkuha sa gahum sa posisyon sa bise alkalde ug ang pag-usab sa House Rules. Nakita kini ni Banas nga dili ensakto ug dili gyud haum ilabi na nga panahon sa mga botohanay sa pipila ka mga hisgutanan, balaodnon ug diskusyon permanente na lamang alkansi ang oposisyon tungod sa kulang sila sa numero.

Bisan ang yanong mga katawhan sa Gensan nakapani-id nga daw susama sa ‘Zarsuela’ ang nahitabo sulod sa Gensan SP sanglit daugon na lamang sa padaghanay ug sakop ang tanan nga mga hisgutanan.

WALA PAY KLARO

Luyo sa ginahimong preparasyon sa mga sakop sa oposisyon, ang administrasyon ni Mayor Darlene Antonino-Custodio wala nagpanumbaling ug matod pa sa pipila ka mga tinubdan nga magdaug lamang sa trabaho ug performance ang piniliay karong 2013.

DAKONG PABOR

Sa pamahayag usab ni City Vice Mayor Shirlyn Banas-Nograles, gisulti niini nga dako kining pabor sa plano ni Rivera nga gi-ilang usa sa mga miyembro sa pamilyang Rivera nga nanag-iya ug mga dagkong negosyo dinhi sa siyudad ug sa laing mga nasod. Si Nograles nagpunting pa nga kwalipikado si Ronel Rivera nga mamahimong alkalde sa siyudad tungod sa halapad niini nga kasinatian dili lamang sa negosyo kungdili lakip na ang pagserbisyo sa katawhan ug publiko. (pbanat news desk/jong gorgonio)

*8888888

PINAY NGA TAGA-GENSAN GIHIMONG PROSTI SA BANANG KOREANO?

GENERAL SANTOS CITY - Padayung gasinggit og hustisya ang pamilya Deocades sa General Santos City sa nadangatan sa ilang anak sa kamot sa iyang bana ug ugangan sa South Korea.

Matud ni Larino Deocades, amahan sa biktima nga si Cathy Deocades, 24 anyos nga dili niya madawat ang nadangatan sa anak nga gikaingong namatay didto sa nasampit nga nasud human maghikog. Dako ang pagtoo sa pamilya nga si Cathy, 24-anyos nga gituohan nalisuan sa pangisip human makapanganak, og wala namatay pinaagi sa paghikog. Niadtong Nobyembre 2010, nakuratan na lang ang pamilya sa dihang mitawag nga gapangayo na og tabang ang ilang anak. Nabatyagan matud pa sa amahan nga gitorture ang anak tungod sa tingog niining gapangayo og tabang. Dugang pa ni Deocades, nga ang anak gibaligya matud pa sa bana sa ubang lalaki gumikan dako ang utang sa dihang gidala South Korea human sa kasal. Nakaila ang Koreano pinaagi sa social networking site og nagkita sa kauluhan dayon nagminyo.

*888888

DAGHANG KASO ATUBANGON SA JAILGUARDS SA SARANGANI

GENERAL SANTOS CITY - Gikumpirma karon ni Provincial Legal Officer sa Sarangani Province nga anaa na sa iyang kamot ang mga affidavits sa mga pinereso nga nagsilbing testigo sa pagpalusot og tulo ka granada sulod sa selda sa Sarangani Provincial Jail niadtong miaging bulan.

Matud kang Atty. Arnel Zapatos, provincial legal officer nga iyaha nang gitun-an og maayo ang nasangpit nga mga affidavits aron mapasaka na ang kasong kriminal ug administratibo batok sa mga jail guards ug opisyal sa provincial jail nga posibleng adunay pagpasagad hinungdan nakasulod ang tulo ka granada selda. Nasayran nga gihulat na lang matud pa ang IS number aron mapasaKa ang kaso. Mismo si Sarangani Gov. Migz Dominguez ang nagmando sa pagpahamtang og silot sa kinsa mang sad-an nga mga opisyal ug personahe sa provincial jail hinungdan nakasulod ang tulo ka granada. Una nang gibutyag ni Dominguez nga ang tulo ka granada ang gamiton sa planong pagpaikyas sa pipila high profile nga binilanggo provincial jail.

*88888888

25 ANYOS NA DALAGA PUWERSAHANG PINASAKAY SA TRAYSIKEL, MISSING PA RIN

GENERAL SANTOS CITY---Isang 25 anyos na dalaga ang hanggang ngayon ay pinaghahanap pa rin ng mga kamag-anak at ng kapulisan matapos di umanong puwersahang pinasakay sa isang traysikel nitong nakaraang araw.

Sa ulat na nakuha ng Periodico-Banat mula sa Lagao PNP, inereport ng isang Leonardo Olarte, 36 anyos, residente ng Gensanville Subdivision, barangay Bula na ang kanyang nobya ay nagpadala ng isang text message sa kanya na ayun pa ay pinipuwersang sumakay sa kulay itim na traysikel. Dahil dito agad na sumangguni sa Lagao PNP ang nasabing nobyo upang mabigyan ng kaukulang aksyon.

Sinubukan pang tawagan ni Olarte ang nobya subalit hindi ito maintindihan dahil panay na lamang ang iyak at hingi ng tulong. Kalaunan ay hindi na nakontak ang cellphone ng nasabing babae na patuloy pa ring hinahanap hanggang ngayon. (pbanat news desk/vert castro)

*88888888

ILADONG NEGOSYANTE NGA DAGITUNON, NAGPATABANG SA KAPULISAN

GENERAL SANTOS CITY---Nagpakitabang karon ang usa ka iladong negosyante sa siyudad human matod pa nga namatikdan niini nga aduna nay nagasunod-sunod ngadto kaniya.

Sa report nga nakuha sa Periodico-Banat, ang negosyante nga nailang si Perfecto Uy, usa ka tag-iya ug pawnshop, photo shop, money transfer ug uban pang mga negosyo sa Gensan ang igo na unta mogawas sa panimalay niini sa Yusepeng Compound, barangay City Heights, apan iyang namatikdan nga usa ka puti nga Toyota Revo ang nagsige na lamang ug sunod ngadto kaniya. Base sa mga report, si Uy nahilakip sa mga negosyante sa Gensan nga na-apil sa listahan sa mga dagiton o kidnapon.

Gitug-an mismo ni Uy nga tungod sa pagkadalahig sa pangalan niini nga usa sa mga posibleng dagiton, midugang na kini sa iyang seguridad ug nagpadayon sa pag-amping. (pbanat news desk/vert castro)

*8888888

DUL-AN GATOS KA MGA BRGY SA SARANGANI NAKABENEPISYO SA PROGRAMA SA DSWD

GENERAL SANTOS CITY - Lima ka lungsod sa Sarangani Province ang nahimong benepisyaryo sa programa sa Department of Social Welfare and Development Office (DSWD).

Atol sa paghidangat ni DSWD Sec. Dinky Soliman sa dakbayan sa Gensan gibutyag niini nga ang maong mga lungsod ang gilangkuban sa Malapatan, Malungon, Maasim, Maitum ug Kiamba. Katibuk-ang 97 ka barangay ang natabangan sa hiniusang programa sa DSWD nga mao ang Pantawid-Pamilyang Pilipino Program (4P's), Kapit-Bisig Laban sa Kahirapan-Comprehensive and Integrated Delivery of Social Services (KALAHI-CIDSS) ug Self-Employment Assistance-Kaunlaran (SEA-K).

Gihingusgan ni Sec. Soliman, tumong sa maong mga programa nga makunhuran ang kapobrehan sa katawhan. Gibutyag usab sa kalihim nga katambayayong sa maong programa ang mga lokal nga opesyal sa rehiyon, stakeholders ug media. Kahibaluan nga ang Sarangani Province ang naapil sa listahan sa mga pobreng probinsya sa nasud.

*88888888

periodicobanat (enero 21, 2011)

2011-01-25T08:36:00.000+08:00

MAYOR DARLENE, BAG-ONG LABAW SA RDC-12

GENERAL SANTOS CITY---Si General Santos City Mayor, Darlene Custodio na ang bag-ong labaw sa Regional Development Council sa rehiyon 12.

Sa balita nga nakuha, mismong si Presidente Noynoy Aquino ang mimando kang Mayor Custodio nga gunitan ang pinakataas nga posisyon sa RDC-12.

Si Custodio, nga anaa pa karon sa iyang unang termino isip alkalde sa Gensan nahimo na kaniadto nga kongresista sa unang distrito sa South Cotabato. Gi-ila usab ang babayeng kongresista nga maoy pinakabata nga magbabalaod sa 12^th Congress. Nahuman ni Custodio ang tulo ka termino sa Kamara de Representante diin nahimo kining Assistant Majority Floor Leader.

Kahinumduman, si Sarangani Governor, Migs Dominguez nahimo usab nga kanhing labaw sa Regional Development Council nga mao ang gihulipan ni Custodio.

Samtang sa pikas bahin, gihimo usab nga Co-chairman sa RDC-12 ang negosyanteng si Ramon N. Floresta nga gikan sa Metro Kidapawan Chamber of Commerce and Industry.

Si Floresta mao ang nanag-iya sa RNF Summit Industries nga nakabase sa Kidapawan City. Gilauman nga manumpa na ang mga bag-ong opisyales sa RDC-12 atubangan sa pamuno nasod karong bulana. (pbanat news desk/jong gorgonio)

*8888888

17 KA MGA BRGY SA GENSAN POSIBLENG MOLUBOG SA BAHA

GENERAL SANTOS CITY---Kapin sa katunga sa 26 ka mga barangay sa dakbayan sa Gensan ang gikabalak-an karon nga posibleng molubog sa baha panahon nga magside ug bundak ang makusog nga ulan.

Sa usa ka pag-estudyo sa konseho sa dakbayan, ginganlan sa mga konsehal ang mga barangay nga peligrosong maapektohan sa mga pagbaha tungod sa pagkaduol niini sa mga critical waterways sa siyudad.

Ang pag-estudyo sa mga konsehal nakabase usab sa report nga gihimo sa City Disaster Risk Reduction and Management Council (CDRRMC).

Matod sa report sa CDRRMC ngadto sa mga kosnehal ang mga barangay nga nag-atubang ug peligro sa mga pagbaha mao ang mga dapit sa Apopong, Baluan, Buayan, Bula, Calumpang, City Heights, Conel, Dadiangas North, Dadiangas West, Fatima, Labangal, Lagao, Mabuhay, San Isidro, Bawing, Sinawal ug Tambler.

Gitug-an pa ni Ephraim Biliran, Action Officer sa CDRRMC, alertado na karon ang konseho ug padayon na ang ginahimong pagbantay sa mga naasoy nga dapit aron malikayan ang posibleng trahedya nga mahitabo kung moabot ang mga pagbaha.

Bisan ang Geohazard Vulnerability Map sa Mines and Geosciences Bureau (MGB) daan ng nagpunting sa mga komunidad sa Gensan nga nahilakip sa peligrosong maapektohan sa mga pagbaha. (pbanat news desk/jong gorgonio)

*8888888888

GPH-MNLF NAGPASA NG BILL SA PAG-AMYENDA NG ARMM LAW

KORONADAL CITY--Nagpasa ng amendatory bill ang joint legal panel ng Government of the Phillipines (GPH) at ang Moro National Liberation Front (MNLF) patungkol sa balakin na pagpapalawak ng Republic Act (RA) 9054 na mas kilala bilang Autonomous Region in Muslim Mindanao (ARMM), ayon sa Office of the Presidential Adviser on the Peace Process (OPAPP).

Ang nasabing panel ay pinangunahan ni Justice Undersecretary Leah Armamento at former MNLF chair Nur Misuari.

Pagpapasiyahan ng legal panel ang tatlumpong dalawang isyu maliban sa tatlong nalalabing isyu patungkol sa area of autonomy, sharing of revenues sa pagitan ng central government at regional government in strategic mineral; at transitional mechanism.

Pinirmahan ang nasabing bill at report sa Manila noong Sabado ng joint secretariat at ng Indonesian Embassy.

Pinuri naman ni Presidential Adviser on the Peace Process Teresita Quintos-Deles ang legal panel dahil sa pagbahagi nito ng kanilang kakayahan at expertise para maimplementa ang 1996 Final Peace Agreement.

Pinasalamatan din ni Deles ang Organization of Islamic Conference (OIC), lalo na ang Peace Committee on Southern Phillipines at ang member-states nito pati na rin ang Indonesian Embassy sa pag host ng nasabing meeting. (MNDEstoque/PIA)

*8888888

MONITORING SA DENGUE PATULOY PA RIN

KORONADAL CITY-- Bagama’t mababa na ang bilang ng mga nagkakasakit ng dengue sa rehiyon sa kasalukuyan, walang puknat ang monitoring ng Department of Health laban sa dengue.

Sa katunayan, patuloyangpaalaalang DOH 12 sa mga mamamayan sa rehiyon na maging mapagmatyag at ipagpatuloy ang mga Gawain laban sa sakit katulad ng paglilinis ng paligid at mga lugar na maaring pamugaran ng mga lamok.

Ayonkay Jean Ventura, health education officer ng DOH 12, kung dati sa buwan ng Hunyo lang ang kanilang ginagawang monitoring, ngayon buong taon na ang isinasagawang DOH na monitoring laban sa dengue.

Sa ngayon, ginagawa pa umanong DOH ang consolidated report hinggil sa kasong dengue sa rehiyon sa nagdaang tao. Nakahanda din umano ang DOH na agarang matugunan ang mga pangangailangan pati na sa medikasyon kung may magpositibo sa sakit.

Aniya, patuloy ang kanilang pagmamatyag lalopa’t ayon sa kanilangobserbasyon, tumataas ang kasong dengue sa panahon ng tag-ulan. (DE Doguiles/PIA 12)

*88888888

P10-M NGA GAMIT SA AGRIKULTURA GINHATAG

Koronadal City– Ginhatag sining karonlang sang Department of Agriculture (DA) samgamangunguma sang North Cotabato ang pasilidad para agrikultura nganagakantidad sang mga P10 milyones.

Sa pagpanguna ni Department of Agriculture Assistant secretary Dennis Araullo ginhatag ang pasilidad nga ginkaupdan sang Integrated Grains Feedstocks Services Center (IGFC) sa North Cotabato Federation of Free Farmers Cooperative (NCFFC).

Ang mga nasambit ng amgapasilid adamo angduha (2) katraktora, pasilidad nga mechanized grain drying nga may duhaka biomass-feed grain dryers kagiban pa nga Corn Development Fund components.

Sa pamulong ni Department of Agriculture secretary Proseso Alcala nga ginbasa ni Araullo ginhambal niya nga ang nasambit nga proyekto makabulig samga local ngamangunguman gamatagaan sang tion para may aranga produktibong aanikag malikawanang mga usiksation sang pag-aningana gakatabokadapag-ani, pagbulad kagtion sang paghimoskagpagtipon sang produkto .

Ginahimud-usan man sang DA nga mapalapad ang mga dutanga ginatanuman sang maisilabina ang putingaklasek agangpag-engganyo sam gamangungumang amaggamit sang organiko kag microbial nga abono. (EBdelaCruz/PIA12)

*8888888

REBYU NG ENVI CODE SINUSULONG NG MGA ALKALDE

KORONADAL CITY-- Pormal nang sumali sa listahan ng mga naghain ng petisyon na repasuhin ang South Cotabato Environment Code si Mayor Leonardo Escobillo ng bayan ng Tampakan.

Ang bayang ito ay host ng $5.9 billion copper-gold mining project na itinuturing na pinakamalaking foreign investment sa bansa.

Giit ni Escobillo na kailangan nilang imulat ang kanilang mga mata sa realidad at maging matalino sapagkat kinakailangan nila ang proyektong iyon.

Dagdag niya na ang kanilang petisyon ay nakabase sa katotohanan na ang ban ay taliwas sa polisiya ng administrasyong Aquino patungkol sa maingat at responsableng pagmimina.

Bilang suporta sa panawagang rebyuhin na muli ang ipinasang South Cotabato Environment Code na nagba-ban sa open pit mining sa buong lalawigan, nag-file na rin ng petisyon ang mga pamahalaang lokal ng Kiblawan sa Davao del Sur at Columbio sa Sultan Kudarat.

Nanawagan si Kiblawan Mayor Marivic Diamante sa Palasyo na manghimasok na sa usaping ito sapagkat maaapektuhan umano ang investment flow kung hindi matutuloy ang Tampakan Project. (LMSalvo/ PIA 12)

*88888888

periodicobanat (enero 20, 2011)

2011-01-25T08:34:00.000+08:00

OPEN PIT BAN SA SOCOT

EKONOMIYA UG PANGINABUHIAN APEKTADO

KORONADAL CITY---Gipadayag karon sa tulo ka mga mayores sa mga lungsod sa Kiblawan, Tampakan ug Columbio (KITACO) sa mga lalawigan sa South Cotabato, Davao del Sur ug Sultan Kudarat nga klaro gyud kaayong maapektohan ang ekonomiya ug panginabuhian sa ilang mga dapit panahon nga todo na ang mamahimong implementasyon sa kontrobersyal nga Environment Code sa probinsya sa South Cotabato.

Sa nakalabay nga public hearing sa Sangguniang Panlalawigan sa South Cotabato may kalabotan kung angayan ba gyud nga rebyuhon ang Envi Code, gipasibaw sa mga sakop sa KITACO sa pagpanguna ni Kiblawan Mayor, Atty. Marivic Diamante nga kinahanglan aduna gyud himuon nga pag-amyenda sa pipila ka mga seksyon sa maong koda nga sa panglantaw niini isip usa ka abogado nakasapaw gyud sa Philippine Mining Act of 1997 o Republic Act 7942.

‘I represent my municipality, Mayor Escobillo of Tampakan and Mayor Musali of Columbio that we have already stated our stand regarding the Environment Code,’ matod ni Mayor Diamante sa Kiblawan Davao del Sur, ang presidente sa hugpong sa KITACO.

‘I would like to point out that all sections which speaks or talks of open pit mining should likewise be reviewed not only Sections B and C..Those provisions which are inconsistent of that sections must be amended or considered,’ pagpaklaro sa babayeng alkalde sa Kiblawan may kalabotan sa hangyo sa daghang mga sektor nga kinahanglan gyud nga adunay rebyu nga mahitabo tungod dako ang mamahimong epekto sa ekonomiya ug panginabuhian sa katawhan panahon nga i-implementar na ang maong balaodnon.

WALA’Y PROBLEMA SA KINAIYAHAN SA KIBLAWAN

Sa lahi nga interview, mismong si Kiblawan Municipal Councilor Edmund Rama, ang chairman sa komitiba sa Kinaiyahan sa maong lungsod ang nagtin-aw nga wala’y problema sa kinaiyahan ang lungsod sa Kiblawan, bisan pa man nga sa maong lungsod itukod ang gika-ingon nga mines tailing pond sa higanteng kompanya sa mina nga Sagittarius Mines, Inc (SMI).

Sulti pa ni Rama sa usa ka pakighinabi nga sa pag-abot pa lamang sa SMI sa ilang dapit, daghang mga kausaban ang natigayon ilabi na kung ang hisgutan mao ang pag-amuma sa Kinaiyahan ug ang ekonomikanhong aspeto o kalamboan.

Nagpadayag usab ug kabalaka si Rama nga panahon nga dili mahinayon ang operasyon sa mina tungod sa Environment Code, posibleng mga wala usab ang dugang nga mga puhunan ug imbestment sa ilang lungsod.

‘Kung di madayon ang mining, kadtong mga additional nga investment nga moabot diri, mawala nato siya..Kung amoa lang diri kung unsa ang ilang pangayo-on diri, kung legal lang, basta in accordance lang sa Mining Act ug ma-comply lang ang tanang mga requirements wala may problema. (If mining will not push through, the additional investments that will come here (Kiblawan) will for sure be gone. Here in Kiblawan, if they ask for something (SMI), that is legal and complies with the requirements of the Mining Act, there’s no problem to us)’ pamahayag ni konsehal Rama.

Aminado usab ang konsehal nga aduna gyud benepisyo nga nakuha ang Kiblawan sa pagsulod sa hinganteng kompanya sa mina. Iya pang gi-isa isa ang mga nag-unang sektor nga nakabaton na ug benepisyo sa ilang lungsod.

‘Benepisyo dinhi sa Kiblawan naa gyud…Sa employment ug construction sa bukid, rented cars ug caterings, naa na ilabi na ang sa ekonomiya ug imprastraktura, (The benefits are already here. Employment and construction, rented cars and caterings are already here..The economy and infrastructures have already benefited)’ dugang sumpay sa labaw sa Committee on Environment sa Kiblawan.

Gitug-an usab ni Rama nga midu-aw na ang mga lokal nga opisyales sa Toledo City, Cebu Province diin ilang nasaksihan didto ang operasyon sa Carmen Copper Corporation. Dason pa niini nga ilang nakita nga aduna gyud maayo ug dako nga benepisyo nga nadawat ang kagamhanang lokal sa Toledo City tungod sa operasyon sa mina sa ilang dapit.

‘Kami nag-visit mi sa Toledo City didto sa Carmen Copper Corporation among gitan-aw didto…In terms sa share sa production, mas nakabenepisyo gyud sila ug siyempre makabenepisyo gyud sila kay daghan man mga tawo ang mangabot..

Wala man problema sa ilang compliance…Sa among nasubay sa Toledo, ang waste sa mining mahimo man nga fertilizer ug ginapalit gani sa mga sagingan sa Davao del Norte..Wala may problema sa amoa ang SMI. (We visited Toledo City particularly, Carmen Copper Corporation. In terms of shares of production, they really benefited because of the influx of people that arrived due to mining activities. What we have discovered in Toledo, the wastes coming from mining activities are being made as fertilizers and being bought by banana plantations in Davao del Norte..We have no problem with SMI),’ taas nga saysay ni Rama.

PINAKALAPAD UG PINAKADAKO NGA PAMUHUNAN SA NASOD

Ang higanteng kompanya sa mina nga Sagittarius Mines, Inc (SMI) nga mao ang nanag-iya sa Tampakan Copper-Gold Project maoy gilantaw nga pinakalapad ug pinakadako nga pamuhunan sa kasaysayan sa nasod Pilipinas. Gika-ingon nga moabot ngadto sa $5.9 bilyones dolyares ang gigahin nga pondo alang sa maong proyekto. Sa pagsugod pa lamang sa ilang konstruksyon, moabot na ngadto sa kapin 9 mil ka mga trabahante ang kinahanglanon ug laing dos mil pa ka mga empleyado panahon sa operasyon na niini.

Naglihokan ang proyekto sa mga dapit sa kabukiran sa Tampakan, South Cotabato, Kiblawan, Davao del Sur, Columbio, Sultan Kudarat ug sa Malungon, Sarangani Province.

Base sa pag-estudyo sa kompanya, ang deposito sa mga minerales nga nadiskubrehan sa maong proyekto maoy pinakalapad ug pinakadako na sa tibuok Southeast Asia.

ANDAM MAMINAW

Luyo sa mga pagbabag ug pag-alkontra sa pipila ka mga sektor, gipasalig sa SMI nga andam silang maminaw sa tanan nga mga mulo ug pangutana. Buot usab ipadayag sa maong kompanya nga tumong ug tuyo lamang niini mao ang paghatod ug malungtaron ug responsableng pagmina nga ang tanan makabenepisyo ilabi na ang katawhan ug ang Kinaiyahan. #

*88888

2 sundalo samdan sa pagpamanhig sa Maguindanao

CENTRAL MINDANAO - Duha ka sakop sa militar ang nasamdan sa pagpamanhig sa 9:45 sa gabii sa probinsiya sa Maguindanao.

Nailhan ang mga biktima nga sila Corporal (CPL) Jerry Domingo ug Private First Class Jeofrey Calunsag, mga miyembro sa Alpha Company sa 6th Infantry Battalion Philippine Army.

Sigun sa taho gikan sa 6th ID Public Affairs Office, nga samtang sakay ang mga biktima sa usa ka motorsiklo gikan sa merkado publiko pabalik sa ilang advance command post sa Sitio Iking, Barangay Romongaob, South Upi, apan pag-agi nila sa Brgy Timanan, gibanhigan kini sa mga armadong kalalakin-an gamit ang mga tag-as nga matang sa armas.

Bisan samaron ang mga biktima nakahimo pa sila sa pagpadagan sa ilang gisakyan paingon sa ilang outpost.

Gibutyag ni 6TH ID DPAO Chief, Colonel Prudencio Asto nga atol sa pagresponde sa mga sakop sa 6th IB ug South Upi PNP sa dapit nga gi-ambush ang mga biktima ilang nadakpan ang usa ka Cesar Bernales ug nakuha gikan sa iyang posisyon ang usa ka .9mm nga pistola.

Dunay nakasulti nga bag-o gipamusil ang mga biktima,nakalalis nila ang grupo ni Bernales sa usa ka balay inumanan sa maong lugar saw ala matino nga hinungdan.

Hinuon luwas na ang duha ka sundalo nga pabilin karong nagpaalim sulod sa South Upi Municipal Hospital.

Sa kasamtangan nagpadayon ang imbestigasyon sa kapulisan aron ika-istablisar ang tinuod nga motibo sa hitabo samtang gisang-at na ang tukmang kaso batok kang Bernales.

*8888888888

Suspek sa pagpatay sa 2-anyos nga bata, gikasuhan na

GENERAL SANTOS CITY - Gipasakaan na og kasong murder ang suspek sa pagpatay sa 2-anyos nga batang lalaki pinaagi sa pagdokdok og bato sa ulo.

Ang suspek nailhan nga Jose Garcia Batilanti, 25-anyos nga taga Brgy. Calumpang ning dakbayan ug ang biktima nailhang si Renz Alexis Ramizo, nga taga Purok San Roque, Labangal ning dakbayan.

Giangkon sa suspek nga gibusdakan niya og dakong bato ang ulo sa bata human nga gisungog siya nga kalbo sa bata

Giangkon ni Jose Garcia Batilanti, 25-anyos nga iyang gipatay ang biktima pinaagi sa pagbundak sa bato human nga gisungog nga upaw.

Nasayran nga human sa insidente gibilin lang sa suspek ang bata dili halayo sa pinuy-anan sa nasangpit ug miikyas.

Apan sa follow up operation nadakpan ang suspek ug nagpatupi na sa iyang buhok.

Apan bisan nagpatupi na og buhok ang suspek, positibo kining gitudlo sa usa ka 10-anyos nga batang lalaki nga nakauban sa pagdula sa 2-anyos dihang gikuha sa suspek ang biktima.

*888888888

periodicobanat (enero 18, 2011)

2011-01-25T08:30:00.000+08:00

Photo – Hugot ang pagtuo sa Mindanao State University ilawom sa pagdumala ni Chancellor Atty. Abdulrrachan Canacan nga duna silay kapasidad sa pagdumala o pagkupot sa kalilangan festival ning umaabot sa pebrero human gibakwi sa gobyerno ang kalilangan council nga gihuptan nila Orman Manansala. (Cpio/Paul bernaldez)

*88888888

MGA DANCING TRAFFIC ENFORCERS MISAYAW NA SA KADALANAN

GENERAL SANTOS CITY—Nagsugod na gyud kagahapong adlawa ang mga dancing traffic enforcers sa dakbayan.

Kagahapon, daw nalingaw gyud ang mga motorista sa siyudad human nga nagpakita ug gilas sa pagsayaw ang mga sakop sa Ciy Traffic Management ubos kang Assistant City Administrator, Glennville Gonzales.

Gipamutang ang mga dancing traffic enforcers sa tulo ka mga dapit diin adunay mga traffic lights sa siyudad. Mga bandang alas siyete sa buntag gisugdan na sa pagsayaw sa kadalanan nga nakapa-alerto ug maayo sa motorista. (pbanat news desk/crispen chavez)

*8888888

SEKYU NAGPAKAMATAY GAMIT ANG SHOTGUN

GENERAL SANTOS CITY---Usa ka sekyu sa gasolinahan sa barangay Lagao, ang mitapos sa kaugalingon niini gamit ang gi-isyu nga shotgun.

Matod sa report sa Lagao PNP, ang biktima nailang usa ka Ricardo Cabaluna, 31 anyos, minyo ug residente sa Sitio Toning, Lagao ning siyudad.

Sa inisyal nga imbestigasyon sa Lagao PNP, bandang alas singko sa hapon nga misulod ang sekyu sa iyang trabaho ug nasige ug istorya sa mga kaubanan sa gasolinahan nga aduna kini bug-at nga problea ug nag-away matod pa sila sa iyang asawa.

Igo na lamang nasaksihan sa mga kaubanan niini nga nagpabuto sa iyang shotgun ang maong guwardiya tumong sa taas. Pagkahuman, gipusil sa biktima ang iyang kaugalingon ug naigo sa tiyan na niini.

Gidali pa ug hatod sa balay tambalanan ang biktima ug gilayon nga gi-operahan apan sa tunga-tunga sa operasyon, namatay kini. (pbanat news desk/vert castro)

*8888888

AWTORIDAD: TAMPAKAN MAY ILLEGAL MINING NA POD

TAMPAKAN, South Cotabato — Kumpirmadong nakasulod na sa Tampakan, South Cotabato ang illegal mining operations human ang sunod-sunod nga malampusong operasyon sa mga otoridad.

Kahinumdumang sa miaging tuig, duha ka managlahing operasyon ang gihimo sa mga otoridad kung asa toni-toniladang mga pinalusot nga copper ores ang nabakwi nga gitoohang ilegal nga gikutkot sa kabukiran sa Tampakan.

Niadtong Agosto, dili muubos sa 100 metriko toneladang copper ores ang na-rekober sa mga tinugyanan sa balaod pinaagi sa serye sa mga raids nga gipahigayon sa utlanang bahin sa Tampakan ug Koronadal City, ang ulohang syudad sa probinsya sa South Cotabato. Kini maoy gikunsidera nga kinadakuan sa kasaysayan sa probinsya.

Paglabay sa usa ka bulan, laing walo ka toneladang copper ores na usab ang nabakwi sa mga otoridad.

Nasayrang gipangunahan sa Provincial Environment Management Office (PEMO) ang operasyon kontra illegal mining human makadawat ug taho mahitungod sa iligal nga pagkabkab sa kabukiran sa Tampakan sa mga wala pa mailhing grupo.

Matud ni PEMO chief Ramon Ponce de Leon, ginakuha ang nahisgutang copper ores nga walay permiso gikan sa gobyerno.

Gidugang nga dakong risgo sa tawo ug kinaiyahan ang maong iligal nga pamaagi sa pagmina (tunneling method) tungod kay ang mga minero wala gasunod sa gitakdang regulasyon sa balaod.

Ang Tampakan maoy usa sa mga gikunsiderang dakong minahan sa tumbaga (copper) ug bulawan (gold) sa Southeast Asia.

Pagbutyag ni Ponce de Leon, usa ka Taiwanese national nga nagpangalag Shien ang gikaalegar nga tig-finance sa pipila ka illegal mining operations sa Tampakan.

Segon sa report, pipila usab ka mga dagkong pangalan sa lokal nga politika ang nalambigit sa maong kalihukan.

Matud ni South Cotabato Gov. Arthur Pingoy, Jr. daghang inidbidwal ang gipasakaan na ug kaso tungod sa alegasyong pagkalambigit sa illegal mining activity sa maong lungsod.

Giplanuhan usab sa probinsya ang pag-deputize sa mga opisyales sa mga purok isip kabahin sa grupong gapahigayon ug checkpoint sa kadalanan.

Apan mga opsiyales sa probinsya nagduha-duha sa maong laraw tungod sa impormasyon nga kasagarang opisyales sa mga purok ang nalambigit usab sa illegal mining activities.

Giangkon usab ni Ponce de Leon nga naghitak karon ang “banlas mining” sa mining area sa Sagittarius Mines, Inc (SMI).

Ang “banlas mining” usa ka pamaagi sa pagmina kung asa ang yuta sa bukid ginalangkat pinaagi sa bulto ug kusog nga agas sa tubig nga gaagay sa usa ka artipisyal nga agianan (channel).

Ang yutang nabanlas sal-on sa kahong giplastar tumoy sa gihimong channel kung asa didto na pilion ang mga pino nga tipaka sa gitoohang bulawan.

Ang mga piniling tipaka tigomon sa usa ka sudlanan aron ulayon ginamit ang kemikal nga mercury. Kasagaran sa suba kini ginahimo.

Tungod niini, kontaminado na usab sa mercury ang tubig sa sapa hinungdan sa sakit ug kamatay sa mga tawo ug mananap.###

*88888888

13-ANYOS BIKTIMA

GANG RAPE NAUSO NA SA GENSAN?

GENERAL SANTOS CITY---Dili lang ang pagpamusil-patay ang uso dinhi sa dakbayan kundili lakip na pod ang gang rape.

Niadtong milabay nga adlaw lamang, usa ka 13-anyos nga dalagita ang nahimong biktima sa gang rape diin tulo ka mga suspetsado ang malampusong nadakpan sa mga sakop sa Police Statio 4 o San Isidro PNP.

Sa report nga nakuha sa Periodico-Banat, ang biktima nga nailang si alyas Ana gipulihi-pulihan sa paglugos sa tulo ka mga suspek nga gi-ila usab nga sila Benny Marsaga, Arnel Bedico ug George Billones.

Sa pamahayag ni PSI Lorenzo Henarez III, ang hepe sa San Isidro PNP, ang 13 anyos nga biktima unang gilugos sa nagpailang uyab niini nga mao si Marsaga samtang gitan-aw sa duha ka laing mga suspek. Pagkahuman ni Marsaga, mipuli gilayon ang duha ka mga suspek. Base mismo sa pamahayag sa biktima, ang tulo ka mga nadakpan mao gyud ang namanamastamas kaniya pinaagi sa pagpa-inom kaniya ug ilimnong makahubog.

Gidugang usab ni Henares nga nagpositibo ang biktima sa medico legal nga matod pa nahilabtan gyud kini. Kagahapong adlawa, pormal na nga gipasakaan ug kasong rape ang mga suspek nga kasamtangan karong nagtingkagol sa selda sa Police Station 4. (pbanat news desk/vert castro)

*88888

1 GIDUNGGAB, 1 GIBUNALAN SA SAN ISIDRO

GENERAL SANTOS CITY---Lain insidente na usab sa pagpanunggab ug pagpamunal ang nahital sa Police Station 4 niadtong milabay nga gabii.

Sa report nga nakuha sa Periodico-Banat, naila ang biktima nga usa ka Zyrell Rombawa, hamtong ang pangidaron ug nahimong biktima sa pagpanunggab sa iyang likod nga bahin. Samtang ang kauban niini nga nailang si Charlie Colino, 18 anyos ug usa ka laborer ang gibunalan usab ug kahoy sa ulohan nga bahin.

Sa inisyal nga imbestigasyon sa kapulisan sa San Isidro PNP, nag-inom ang mga biktima sa usa ka videokehan sa may NLSA Road, barangay San Isidro unya mi-abot ang suspek nga nailang si alyas Nognog kuyog usab ang pipila ka mga wala pa mailhing mga suspek. Pipila lamang ka minuto ang nakalabay kalit nga gidunggab ni Nognog ang biktima u gang kauban niini nga si Charlie gibunalan gilayon sa kaubanan sa suspek.

Ang maong insidente, nasaksihan mismo sa uyoan ni Rombawa nga mao pod ang mihatod sa mga biktima sa balay tambalanan. Gilayon nga mi-ikyas ang mga suspek bitbit ang kutsilyo nga gigamit sa pagpanunggab samtang nagpadayon sa pagpa-alim ang mga biktima sulod sa balay tambalanan. Samtang gipangita karon sa kapulisan ang grupo ni Nognog aron sikupon ug pasakaan ug tukmang kasong kriminal. (pbanat news desk/vert castro)

*8888888

periodicobanat (enero 17, 2011)

2011-01-17T07:29:00.000+08:00

PATAY NA POD--Daw nagsunod-sunod na gyud ang mga insidente sa pagpamusil-patay sa dakbayan sa Gensan. Kining tawhana mao ni ang pinaka-ulahi nga nahitalang kaso sa mga insidente sa pagpamusil. Hangtod karon nagpabilin pa gihapon nga blangko ang kapulisan kung kinsa ang mga responsable niini. (kuha ni vert castro/pbanat caption)

*8888888

KARONG BULAN SA ENERO 2011 LAMANG

GIPUSIL SA GENSAN LIMA NA!

GENERAL SANTOS CITY---Daw dili na gyud maundang ang pagpamusil sa dakbayan.

Sulod lamang sa bulan sa Enero karong tuiga, igo lamang sa pagtala ug himo ug police blotter ang kapulisan sa Gensan human ang ika-upat ug ikalima nga biktima sa pagpamusil sa siyudad nahitala niadtong milabay nga mga adlaw.

Sa report nga nakuha sa Periodico-Banat, usa ka biktima nga nailang si Mark Anthony Binas, 24 anyos, ang kalit na lamang nga gipusil sa dalang Magsaysay Avenue atubangan mismo sa Vaquero Bar. Igo lamang sa pagpunit sa bala gikan sa .45 nga pistol ang nahimo sa kapulisan. Sa inisyal nga imbestigasyon nasayran nga ang gipusil nga biktima, naigo sa tutunlan niini ug matod pa nalambigit usab ang gipusil sa mga kawat nga nahitabo sulod sa merkado publiko sa Gensan. Hangtod karon, padayon pa gihapon ang ginahimong imbestigasyon sa kapulisan samtang ang biktima anaa karon sa Gensan District Hospital.

Sa susamang balita gihapon, nahimong ikalimang biktima sa pagpamusil ang usa ka wala pa mailhi nga lalaki sulod mismo sa Laray Public Market, sa dalang Alunan St., niadtong milabay nga adlaw usab. Gidimalas hinuon ang maong biktima human nga nakabsan kini sa iyang kinabuhi. May igo sa iyang likod sa liog nga milapas sa iyang agtang ang nahisgutang lalaki. Dako usab ang duda sa kapulisan nga nalambigit sa mga insidente sa kawat ang gipusil nga lalaki.

Hangtod sa pagsulat ning maong balita, wala gihapon maka-establisar ang kapulisan sa dakbayan kung kinsa ang mga responsable sa sunod-sunod na nga pagpamusil.

Niadtong milabay nga semana usab, usa ka panagtigom sa mga lideres sa kapulisan sa rehiyon nga mismong gipangulohan ni PNP-12 Director, PCSUPT, Atty. Gil Meneses ang gilusad aron tuki-on ang mga insidente sa pagpamusil sa rehiyon. (pbanat news desk/vert castro)

*8888888

30 KA PAMILYA GIBAHA SA SOCOT

KORONADAL CITY---Miabot ngadto sa 30 ka pamilya ang nahimong apektado sa kalit nga pagbaha sa usa ka barangay sa lungsod sa Tupi, South Cotabato niadtong milabay nga adlaw.

Sa report nga nakuha, tungod sa kalit nga pag-ulan, ang barangay Linan, Tupi, South Cotabato nakasinati gyud ug flashfloods diin 30 ka mga pamilya niini ang diriyot nga naapektohan.

Nasayran pa nga tulo ka mga tulay, usa ka panimalay, ug usa ka classroom ang nangaguba Hinuon, mihatag ug hinanaling aksyon ang buhatan sa Municipal Social Welfare and Development kauban ang Provincial Social Development Welfare pinaagi sa pagpanghatag ug bugas, mga de lata ug uban pang mga kinahanglanon sa mga naapektohang residente. (pbanat news desk/crispen chavez)

*88888888

GOB TOTO NALIPAY SA PLUNDER VERSUS AMPATUANS

KORONADAL CITY---Gikalipay ni Maguindanao Governor, Toto Mangudadatu ang giduso nga kasong plunder batok sa primary suspect nga si Andal Ampatuan Jr., ug laing 24 pa ka mga paryente niini.

Dason pa ni Mangudadatu nga ang kasong plunder usa ka pamaagi aron mahibalan sa katawhan kung gi-unsa pag-gamit sa pondo sa probinsya sa Maguindanao sa panahon sa administasyon sa mga Ampatuan.

Matod ni Mangudadatu, miabot ngadto sa P2 bilyones ang matod pa pondo sa lalawigan sa Maguindanao nga gibulsa sa pamilya Ampatuan nga gikan sa kagamhanang nasyunal.

Gikuwestiyon pa niini nga ang gasolinahan lamang sa mga Ampatuan ang iyang nahibal-an nga negosyo ug dapat gyud imbestigahan sa gobyerno kung asa gikan ang kuwarta sa impluwensyadong pamilya. Gitug-an pa sa gobernador nga malagmit karong sunod bulan sa Pebrero o Marso mahibal-an na ang report sa Commission on Audit (COA) may kalabotan sa imbestigasyon sa pondo sa Provincial Government sa Maguindanao. (pbanat news desk/popoy contreras)

*8888888

MISTER GIPAAK NI MISIS MOPASAKA UG KASO

GENERAL SANTOS CITY---Pagkadakong pagka-unsaa dinhi sa dakbayan sa Gensan niadtong milabay nga adlaw.

Sa report nga nakuha sa Periodico-Banat, usa ka bana ang personal nga midangop sa Bula Police Station aron ireklamo ang gihimong pagpama-ak kaniya sa iyang kaugalingong asawa.

Ang nagreklamo naila nga usa ka Ferdinand Calumpang, hamtong ang pangidaron ug residente sa Gensanville Subdivision, Bula samtang ang gireklamo mao ang asawa niini nga nailang si Genobie Calumpang, 44 anyos ug residente sa maong dapit.

Sa inisyal nga imbestigasyon sa kapulisan, mi-una sa pagpatala ang asawang si Genobie human matod pa gikulata kini sa iyang bana ug gisumbag ang ulo hinungdan nga nagkadugo kini.

Apan, sa pamahayag sa bana nga si Ferdinand, iyang nahimo ang ingon sa iyang asawa human kini gipaak sa iyang dughan nga grabeng pagdulot sa ngipon sa asawa. Nasuko matod pa ang asawa niini tungod kay adlaw na kini nga naka-uli.

Igo na lamang nga mitambag ang mga pulis nga hisgutan na lamang sa magti-ayon ang ilang problema aron mahatagan kini ug solusyon. Pero ang banang si Ferdinand desidido gyud nga mopasaka ug kaso human kini gipaak sa iyang pinalanggang asawa. (pbanat news desk/vert castro)

*888888