periodicobanat (oktubre 16, 2008)

SI MIGS UG SEC. REYES-Makita dinhi si Sarangani Province Governor Migs Dominguez (wala) ug Department of Energy Secretary, Angelo Reyes (tuo) nga nagtapad sa usa ka panihapon nga gipahinungod sa gobernador ngadto sa kalihim sa enerhiya niadtong milabay nga gabii. Si Reyes nahidangat sa dakbayan aron motmabong sa Philippine Energy Plan 2008 public consultation diin ang DOE gipaminaw ang mga isyu ug problema sa nagkadiayang mga lokal nga stakeholders sa enerhiya. (kuha ni cocoy sexcion/sarpio/pbanat caption) *8888888888 HEADLINER: Big-time kidnaper sa Rehiyon 12 sikop! Nakaiskor na usab karon ang kapulisan sa Rehiyon 12 partikular na ang Cotabato City PNP human nga malampusong nadakpan ug naaresto ang iladong big-time kidnapper niadtong milabay nga adlaw sa Sinsuat Ave., sa dakbayan sa Cotabato. Sa report nga nakaabot sa Periodico-Banat, naila ang suspek nga usa ka Saudi Hashim Kasan ug maoy gitudlong responsable sa pagkidnap sa usa ka Indian National nga nailang si Chenikandiyil Abdul Kadar, tag-iya ug usa ka cellphone shop sa Cotabato City lima na ka bulan ang nakalabay. Matod sa inisyal nga report sa PNP-12, mismo ang grupo ni Cotabato City PNP, Director PSSUPT Willie Dangane ang nag-aresto sa suspek nga sa kasamtangan adunay nakasang-at nga warrant of arrest sa korte sa Cotabato City alang sa kasong kidnapping for ransom with serious illegal detention. Sa usa ka pamahayag, gisulti ni Colonel Dangane nga dali dayon nga gihatod sa korte si Kasan aron mahatagan ug commitment order alang sa iyang pagkapreso. Matod sa imbestigasyon sa pulis, nabuhi-an lamang si Kadar human ang ikaduhang asawa niini mibayad ug P500 mil pinaagi sa usa ka bank deposit sa mga suspek sulod sa lima ka adlaw nga pagdagit sa negosyanteng langyaw. (pbanat news desk) *888888888 Pag-abolis sa MOA-AD, dili kasigurohan nga maundang ang gubot—MILF Gisulti karon sa Moro Islamic Liberation Front (MILF) nga ang bag-ohay pa lamang nga pag-abolis sa Memorandum of Agreement on the Ancestral Domain (MOA-AD) tali sa gobyerno sa Pilipinas ug sa Moro Islamic Liberation Front, dili gyud kasigurohan nga maundang na ang kagubot sa pipila ka mga dapit sa Mindanao. Sa usa ka pamahayag ni Mohagher Iqbal, ang chairman sa MILF Peace Panel nga napatik sa Mindanews, gisulti gyud niini nga balewala lamang sa MILF ang pag-abolis sa Korte Suprema sa MOA-AD. “There is no problem (for the MILF). We are not part of the case. The Supreme Court is not a party to the MOA-AD. But GRP remains a party and is bound by it,” saysay ni Iqbal. Kahinumduman niadtong Hulyo 27 mismo ang GRP-Peace Panel Chairman nga si Rodolfo Garcia ug Presidential Adviser on the Peace Process nga si Hermogenes Esperon kuyog si Mohagher Iqbal ang labaw sa MILF Peace Panel nag-inisyal na sa pirmahanay sa MOA-AD didto sa Kuala Lumpur Malaysia nga orihinal nga naka-eskedyul nga pirmahan pag-abot sa Agosto 5. Apan ang Korte Suprema mibabag gilayon sa maong kasabotan ug niadtong petsa 4 sa Agosto mipagawas ug usa ka Temporary Restraining Order (TRO) nga nagpugong sa GRP Peace Panel ug sa DFA Foreign Affairs Sercretary nga pirmahan ang MOA-AD. Tungod sa maong insidente, kapin na gyud sa tunga ka milyon nga mga residente sa nagkalain-laing dapit sa Mindanao hangtod karon ang nahimong apektado ug namakwet sanglit mi-ulbo na usab ang kagubot human ang pipila ka mga sakp sa MILF nga sila Ameril Umbra Kato, Bravo ug Pangalian mi-atake sa North Cotabato, Maguindanao, Lanao del Norte ug Sarangani Province ug karong bag-o sa Sultan Kudarat. Sa iyang bahin, gisulti usab sa abogadong si Datu Michael Mastura nga ang pagbasura sa Korte Suprema ‘the SC decision does not resolve the armed conflict…It’s a legalese game between government and the opposition. But there is still armed conflict. No negotiations, no political settlement.” Apan sukwahi usab ang panglantaw sa mga opisyales sa kagamahanan sama ni North Cotabato Vice Governor, Manny Pinol. Matod ni Pinol angpagbasura ug pag-abolis sa MOA-AD sa Korte Suprema usa gyud ka ‘kadaugan sa katawhan.’ “An extra-ordinary day in our lives in savoring what for us is a manifestation of a long cherished belief that power truly resides in the people,” dugang ni Pinol. Si Iligan City Mayor, Lawrence Cruz usab nagpadayag sa ilang kalipay sa pag-abolis sa MOA-AD. “We are happy the Court ruled in our favor. This only shows that our objection was not unreasonable, it was not unfair, not emotional, we were not being anti-Moro about it and that there was something wrong in how the MOA was crafted and certain vested, permanent rights were going to be trampled upon if pushed through. To me, it would have been an instrument of war instead of peace,” sulti pa ni Cruz. Ang mga tawo usab nga nagpaluyo sa Mindanao Peoples’ Caucus nanaghap nga ang pagbasura sa MOA-D sa Korte Suprema mao na ang katapusan sa hisgot-hisgot sa kalinaw sa Mindanao. That’s the end of the peace process as far as this government is concerned. The Supreme Court has just foreclosed all possible peaceful means of resolving the armed conflict in Mindanao.,” sulti pa ni Attorney Mary Ann Arnado, ang secretary general sa Mindanao Peoples’ Caucus. Bisan ang mga propesor sa Institue of Bangsamoro Studies miklaro nga ang lakang nga gihimo ug desisyon sa Supreme Court nagpasabot lamang nga naundang na ang mga pamaagi sa katawhan sa Bangsamoro nga mangita ug remedyo sa mga inhustisya nga nahitabo ngadto kanila. “Puts to an end efforts of the Bangsamoro people to seek domestic remedies to the historical and moral injustices committed against them…Staying with the Republic of the Philippines now becomes untenable, and separation appears as the only viable option left to the Bangsamoro people,” matod ni Abhoud Syed Lingga, ang executive director sa Institute of Bangsamoro Studies. (gikan sa report sa Mindanews/pbanat news desk) *888888888 Seguridad sa lalawigan ng Cotabato lalo pang pinalakas Lalo pang pinalakas ng pamahalaan ang seguridad sa lalawigan ng Cotabato sa gitna ng kautusan ng Sandatahang Lakas ng Pilipinas na masusing imbestigahan ang napa-ulat na pagsanig pwersa ng 104th at 107th Base Command ng MILF sa 105th Base na pinamumunuan ni Ameril Umbra Kato. Sa kasalukuyan, pangunahing target pa rin ng PNP at AFP ang paghahanap sa kinaroroonan ni Commander Kato at mga kasamahan nito sa lalawigan Maguindanao matapos ang pagsalakay ng mga ito sa lalawigan ng Cotabato na nag-iwan ng malaking kapinsalaan sa mga mamamayan ng lalawigan. Kaugnay nito mas pina-igting pa ng tropa ng pamahalaan ang seguridad sa lalawigan partikular na sa mga kalsada sa pamamagitan ng pagsasagawa ng mga checkpoints sa mga kalsada sa mga bayan ng Matalam, Aleosan at Midsayap. Sa kabila ng masusing inspeksyon at checkpoints sa mga kalsada na nagdulot ng pagkabalam sa biyahe ng mga pasahero at ilang pribadong sasakyan, ikinatuwa pa rin ng mga pasahero ang hakbang na ito ng pamahalaan. Dahil dito mas nararamdaman umano ng mga pasahero ang kanilang kaligtasan sa posibleng mga banta sa kalsada habang bumibiyahe katulad na lamang ng pagnanakaw, pambobomba at ang hindi inaasahang pagsalakay ng mga rebeldeng grupo. (Abbenal/PIA 12) *888888888

periodicobanat (oktubre 15, 2008)

MADE IN SARANGANI—Kining mga sako-sako sa uling nga kahoy nga permanenteng makit-an sa mga highway sa lalawigan sa Sarangani nagpamatuod lamang nga ang illegal nga pagpamutol sa kahoy pinaagi sa kaingin padayon lamang gihapon. Tinuod bisan ginagmay ang uling-uling, pero kung managhan mohatod gyud ug seguradong kadaut sa kinaiyahan. Unsa kaha ang gibuhat sa buhatan ni Gobernador Migs Dominguez ug sa DENR-PENRO? Kini klaro gyud nga Made in Sarangani. (kuha ni poldo bernaldez/pbanat caption) *888888888 Gatosan ka mga taga-Pigcawayan, namakwet! Grupo ni Umbra Kato, mi-atake, 1 patay Gatosan na pod ka pamilya sa lungsod sa Pigcawayan, Cotabato Province ang puwersahang namakwet kagahapong adlawa human nga kalit misulong ang dul-an sa dos cientos ka mga sakop sa 105th Base Command sa Moro Islamic Liberation Front (MILF) nga gipangunahan ni Kumander Ameril Umbra Kato. Matod ni Pigcawayan Mayor, Jun Garcesa usa gyud ka sakop sa CAFGU ang nakabsan sa iyang kinabuhi apan wala gibutyag ang tinuod nga pagka-ila sa biktima. Dali dayon nga mi-ikyas ang grupo sa mga suspek pagkahuman sa ilang pagpangatake. Sa pagkakaron, padayon gihapon ang hot pursuit operations sa mga sundalo ug pulis batok sa grupo ni Kumander Kato. Sa susamang balita usab, usa ka Improvised Explosives Device (IED) ang nakaplagan sa mga sundalo sa Datu Piang Maguindanao Province kagahapong adlawa gihapon ug dako ang pagtuo sa mga awtoridad nga gitanom kini sa mga miyembro sa Moro Islamic Liberation Front (MILF). Hangtod sa pagsulat ning maong balita, wala pa mahtino ang tinuod nga hinungdan sa pag-atake sa grupo ni Kato sa Pigcawayan. Gilayon mihimo ug usa ka evacuation center ang lokal nga kagamhanan alang sa mga apektadong residente. (pbanat news desk) *8888888 HEADLINER: Cong. Pax, dili gusto pasudlan ug sundalo ang Kalamansig Namahayag karon ang kongresista sa unang distrito sa lalawigan sa Sultan Kudarat nga si Honorable Datu Pax Mangudadatu nga dili kinahanglan ug mga militar ug pulis ang duha ka mga barangay sa Sangay ug Paril sa Kalamansig aron ma-undang ang kagubot nga nagsugod niadtong kaadlawon sa Sabado. Sa usa ka report nga gipagawas sa ABSCBN, mismong gisugyot sa kongresista nga daghan pang mga pamaagi nga mahibalik ang kalinaw sa duha ka mga barangay ug kinahanglan nga dili usa mogamit ug puwersa ang kagamhanan sanglit puwede pa mopahigayon ug negosasyon sa mga nagkabangi nga grupo. Dason pa ni Mangudadatu nga mas mo-grabe lamang ang tensyon sa Sangay ug Paril panahon nga mo-entra na ang mga sundalo ug pulis. Kagahapong adlawa usab, mi-abot ang dugang nga puwersa sa Regional Mobile Group ug Special Action Force sa PNP-12 sa lungsod sa Kalamansig aron mosuporta sa Provincial Mobile Group nga kasamtangang atua karon sa Barangay Sangay. Tungod sa pag-abot sa kongresista kagahapon sa Kalamansig, usa ka panagtigom ang gipatigayon ug ang tanang mga lideres sa lungsod gipatawag aron mahibaw-an ang aktwal nga sitwasyon sa palibot. Human sa miting, gisulti gyud ni Mangudadatu nga dili una pasudlan sa puwersa sa gobyerno ang duha ka mga barangay aron dili gyud magkagubot. Apan, ang sugyot sa kongresista gisupakan sa daghang mga residente nga namakwet ug anaa karon nanimuyo sa mga evacuation centers sa Poblacion sa Kalamansig. Matod sa mga apektadong residente lisod kaayo nga dili dayon maundang ang kagubot sa duha ka mga barangay tungod kay apektado na kaayo ang ilang panginabuhian. Buot lamang sa mga residente nga maabog ang mga armadong grupo nga anaa karon nga nagpalibot-libot sa ilang mga komunidad. Kahinumduman, niadtong milabay nga Sabado, kalit lamang nga misulong ug namusil ang dul-an sa dos cientos ka mga gidudahang sakop sa Moro Islamic Liberation Front (MILF) nga mingresulta sa kamatayon sa upat ka mga biktima ug naka-angol ug laing tulo pa. Ang maong insidente nakapa-aghat gyud sa dul-an 6,000 ka mga residente nga mobakwet ug modagan ngadto sa mga evacuation centers sa poblacion. Ang Barangay Sangay ug Paril biyahe-on ug kapin sa usa ka oras pinaagi sa pumpboat. Hangtod sa pagsulat ning maong balita, dili pa usab kumpirmado kung nakasulod na ba sa Sangay ug Paril ang mga sakop sa Regional Mobile Group ug Special Action Force isip reinforcement sa mga tropa sa pulis nga atua na sa duha ka mga barangay. Sa pag-abot usab ni Kongresista Pax Mangudadatu namahayag kini nga mogahin ug dos cientos ka mga sakong bugas nga iapod-apod ngadto sa mga Muslim ug Kristiyanos nga namakwet tungod sa maong gubot. Gikumpirma sa mga pulis nga atua sa duha ka mga barangay nga anaa lamang sa daplin-daplin ang mga suspek nga mi-atake niadtong milabay nga Sabado. (pbanat news desk) *888888888 73rd IB, palayason sa Sarangani---Bayan Gustong palayason sa militanteng grupo sa Bagong Alyansang Makabayan (BAYAN) ang tropa sa 73rd Infantry Battalion sa Philippine nga nadestino karon sa lalawigan sa Sarangani. Mao kini ang gipamahayag sa tigpamaba sa BAYAN-SOCSKSARGEN nga si Edward Flores sa lokal nga media. Matod ni Flores, ilado na kaayo ang 73rd IB sa mga bayolasyon niini sa tawhanong katungod ilabi na nga nadestino pa kini sa lalawigan sa Davao del Norte. Saysay ni Flores klaro kaayong gigamit lamang sa mga ma-impluwensyang pamilya nga nanag-iya ug mga halapad nga plantasyon ang 73rd IB alang sa ilang kaugalingong interes. ‘Ginamit nila yung 73rd IB para i-clear yung area ng mga armed groups daw,’ sulti pa ni Flores. Ang pagpadala sa 73rd IB sa Sarangani matod ni Flores susama gihapon ang tumong nga ilogon sa mga dagko ug adunahan nga mga maimpluwensyadong pamilya ang mga yuta alang sa ilang mga negosyo. Gimakmak usab ni Flores ang pag-abot sa mga sundalong Amerikano sa Sarangani nga mihimo ug usa ka civic mission diin mipahigayon kini ug mga medical/dental check-ups sa mga residente ilabi na ang mga naapektuhan sa kagubot nga hatod sa mga Lawless MILF Groups (LMG). Usa lamang ka pagpakitang-tao base kang Flores ang gihimong aksyon sa mga sundlaong Amerikano. ‘Mga pangtabon lamang doon sa totoong interes ng US na kuhain yung mga likas na yaman ng Pilipinas,’ dugang ni Flores. Gi-awhag pa ni Flores ang katawhan nga dili gyud magpadala sa bakak ug palabas sa Amerika nga ang tinuod nga tumong niini mao ang pagkuha sa mga bahandi sa Mindanao. (pbanat news desk) *88888888 Pagsidlak sa adlaw sulod sa 36 oras karong Biyernes? Naukay na usab karon ang dakbayan sa mga gipakatag nga text messages nga nag-ingon nga ang pagsidlak sa adlaw karong umaabot nga Biyernes, Oktubre 17 moabot ngadto sa 36 oras o usa ug tunga sa adlaw. Apan ang maong balita paspas gilayon nga gipanghimakak sa Philippine Atmospheric Geophysical and Astronomical Services Administration (PAGASA) dinhi sa Gensan. Matod ni Dante Ariola, ang Officer In Charge sa PAGASA, wala’y kamatuoran ang gipakatag nga mga text messages nga mo-awop ang Haring Adlaw pagkahuman sa 36 oras. Sulti ni Ariola nga base sa ilang SUNRISE/SUNSET TABLE, dose oras lamang nga mohayag ang adlaw karong umaabot nga Oktubre 17. Ang mga gipakatag nga text messages nagbutyag pa nga tungod kay mamahimong 36 oras ang pagsidlak sa adlaw sa tibuok Asya, moabot usab ug 36 ang kangitngit sa ubang mga parte sa kalibotan. Dugang usab sa text messages nga mahitabo lamang ang maong phenomenon kada 2400 tuig. Midason pa ang PAGASA nga dili angay nga tuohan ang mga maong text messages sanglit wala kini basehan nga siyentipiko. Ang PAGASA adunay suod kaayo nga koneksyon sa ubang mga weather bureaus sa kalibotan ug mismo sa National Aeronautics Space Administration (NASA) sa nasod Amerika. Gihangyo ni Ariola ang katawhan nga dili mabalaka sa maong mga gipakatag nga mensahe tungod kay wala kini kamatuoran ug walay basehan. (pbanat news desk) *8888888 PNP Director sa SulKud, bag-o na! Bag-o na ang labaw sa Police Provincial Office sa lalawigan sa Sultan Kudarat. Niadtong milabay nga adlaw, mismong si PNP-12 Regional Director, PCSUPT Felizardo Serapio, Jr., kuyog si Isulan Mayor Dado Pallasigue ang mitambong sa Turn-Over of Command tali nila outgoing PD PSSUPT Teng Tocao ug bag-ong PNP Sultan Kudarat Director, PSSUPT Benhur Bongao. Ang pagsulod karon ni PSSUPT Bongao sa Sultan Kudarat usa gyud ka dakong hagit sa iyang liderato ilabi na nga usa sa mga lungsod sa maong lalawigan ang naa karon sa kaguliyang tungod ang duha ka mga barangay niini, gi-atake sa mga gidudahang mga sakop sa MILF diin upat na ka mga sibilyan ang nakabsan sa ilang kinabuhi ug laing tulo pa ang na-angol. Ang lungsod sa Kalamansig mao ang nahimong sentro karon sa kagubot sa Sultan Kudarat diin kapin sa dos cientos ka mga armadong grupo ang misulod sa mga barangay sa Sangay ug Paril niadtong milabay nga Sabado. Sa iyang mensahe, malaumon hinuon si General Serapio nga mahatagan gilayon ug hinanaling aksyon ni Bongao ang problema sa Kalamansig. (pbanat news desk) *88888888888

6,000 ka mga tawo, namakwet tungod sa gubot sa Kalamansig Gikumpirma karon sa bise mayor sa lungsod sa Kalamansig, Sultan Kudarat nga adunay kapin sa 6,000 ka mga tawo ang namakwet tungod sa kabalaka ug kakuyaw nga gidangatan human sa pag-atake sa dul-an 200 ka mga Lawless MILF Groups (LMG) sa duha ka mga barangay sa Sangay ug Paril niadtong kaadlawon sa Sabado. Sa usa ka pamahayag ni Kalamansig vice mayor, Joaquin Cancho sa ABSCBN, gisulti gyud niini nga sa kasamtangan adunay kapin sa 6,000 ka mga tawo nga gikan sa duha ka mga barangay ang nahidangat karon samga evacuation centers sa Poblacion Kalamansig tungod sa kahadlok nga maipit sa engkuwentro. Saysay pa ni Cancho nga bisan tuod nga linaw na ang duha ka mga barangay human sa insidente niadtong milabay nga Sabado, nagpabilin gihapon ang mga residente sa mga evacuation centers hangtod nga wala pay gihatag nga go signal alang sa ilang pagbalik. ‘Halos wala ng katao-tao doon, karamihan mga kalalakihan na lamang,’ saysay pa sa bise alkalde. Gikumpirma usab ni Cancho nga niabot gyud ang usa ka kompanya saBravo sa 64th Infantry Battalion sa Philippine Army ug gikorehe niini ang mga nahiunang report nga usa ka batalyon ang miabot nga mga sundalo. Gipaniguro usab sa maong opisyal nga wala gyud pasagdi sa kagamhanang lokal ang mga namakwet ug padayon kining gihatagan ug ayuda sa Kalamansig pinaagi sa paghatag ug mga bugas, sud-an ug uban pang panginahanglanon. Gitug-an pa ni Cancho nga adunay mga regular medical check-up ang gihimo sa medical team sa Kalamansig ngadto sa mga apektadong residente. Sa pamahayag usab ni Cancho gikumpirma niini nga aduna gyud komplikto sa yuta didto sa Sangay ug Paril apan wala niini gikumpirma kung ang mga pamilya sa napatay nga Datu ang hinungdan sa pagsulong sa Sangay. Si Cancho sa iyang mensahe nagpasalamat sa mga hinabang ug suporta sa mga opisyales sa probinsya sa Sultan Kudarat pinaagi ni Gobernador Teng Mangudadatu. Una ng namahayag ang gobernador nga iyang tutokan ang problema nga nahitabo sa Sangay ug Paril. (pbanat news desk) *888888 Principal gipusil sa na-kickout nga estudyante patay! Nakabsan gyud sa iyang hinulamang kinabuhi ang usa ka 57 anyos nga principal sa Surallah National Highschool niadtong milabay nga adlaw human kini gi-unay ug pusil sa usa ka estudyante nga na-kickout tungod sa mga salaod nga nahimo. Sa report nga nakuha sa Surallah PNP, naila ang biktima nga usa ka Ricardo dela Cruz ug mao ang kasamtangang high school principal sa maong tunghaan. Dugang sa inisyal nga imbestigasyon, gipusil ug tulo ka beses ang biktima sa estudyante nga nahukmang i-kickout na lamang tungod sa mga sala niini human nga gipamu-ak ang mga bintana sa usa ka classroom sa eskwelahan. Naila ang suspek nga usa ka Leomer Pillado, 18 anyos ug usa ka third year high school student. Matod sa kapulisan, daghan gyud ang nakakita sa pagpusil sa suspek ngadto sa biktima sanglit pasulod pa lamang unta sa eskwelahan ang biktima apan gi-atngan na kini sa may gate pa lamang. Wala gyud hinuon nahimo ang guwardiya sa maong tunghaan tungod kay wala kini dala nga pusil samtang ang suspek nagbitbit ug .45 nga pistola. Gidali ug dala sa balay tambalanan ang biktima apan nakabsan na kini sa iyang kinabuhi. Ang imbestigasyon nagtug-an nga grabe ang kalagot sa suspek ngadto sa biktima tungod kay gi-kickout kini ug napasanginlan nga mao ang mikuha sa cellphone sa usa sa mga classmates niini. Sa grabeng kalagot nga ang suspek gipasanginlan nga maoy nikuha sa cellphone, nag-wild kini ug gipamuak ang mga bintana sa ilang classroom. Ang iyang pagpamuak mao ang hinungdan sa iyang pagka-kickout o pagkalagpot sa Surallah National Highschool. Matod sa mga pulis wala siguro madawat sa suspek nga taktakon na kini sa iyang tunghaan hinungdan nga nahimo niini ang krimen. Apan ang pamilya sa biktima desidido gyud nga gukdon ug iatubang sa sabakan sa balaod ang suspek ug basolan ang iyang gihimong pagpusil-patay sa principal. Kasong murder ang gisang-at karon sa mga awtoridad samtang padayon pang gipangita ang suspek nga dali dayong mikalagiw human sa maong insidente. (pbanat news desk) *8888888 12 anyos gisugo nga mangawat sa kaugalingong inahan Pagka way puangod gyud nga inahan! Usa ka 12 anyos nga batang lalaki ang anaa karon sa kustodiya sa kapulisan human kini nadakpan sa akto nga misulay ug kawat sa usa ka cellphone sa usa ka manager sa Jollibee Pioneer Avenue, niadtong milabay nga gabii. Sa report nga nakuha sa Periodico-Banat, mismong ang inahan gyud niini ang mi-angkon ngadto sa mga pulis nga iyang gisugo ang iyang anak nga mangawat aron lamang adua silay ipalit ug pagkaon. Tinuod man nga buotan ang anak niini ug gituman ang iyang inahan apan nakapait lang kay daghan ang nakakita sa gibuhat sa bata ug nadakpan kini human sa ginukdanay. Matod sa kapulisan, dili buot pasabot nga gi-angkon sa inahan sa bata ang maong salaod makagawas na ang 12 anyos sa ilang kustodiya. Base sa balaod, ibutang gilayon ang batang nakasala sa usa ka center sa DSWD aron hatagan ug counseling ug mga lecture aron makamatngon sa sayop nga gibuhat niini. Ang usa ka menor de edad nga nag-edad ug 9 ngadto sa 12 anyos, dili gyud puwedeng presohon panahon nga makasala apan ibutang lamang kini sa pagdumala sa DSWD. Gipapa-uli na lamang sa mga pulis ang inahan niini nga gikan pa sa Tacurong City. (pbanat news desk) *88888 Insidente sa ransak sa Gensan, misaka na pod! Uso-uso gyud diay ang mga krimen nga nahitabo dinhi sa dakbayan. Niadtong milabay nga adlaw lamang, sunod-sunod nga nagpatala sa mga kuwerpo sa kapulisan ang mga nahimong biktima sa pagpangransak sa ilang mga panimalay ug opisina. Unang nabiktima ang buhatan ni Attorney Dominador Lagare sa may dalang J. Catolico. Matod sa abogado bisan tuod nga didto siya natulog sa iyang buhatan wala gyud niya mamatngoni ang pagsulod sa mga kawatan. Malampusong nakuha gyud ang cellphone sa sikat nga abogado. Samtang sa Las Villas de Dadiangas, sa Barangay City Hghts., ning syudad, usa ka panimalay ang nawad-an gyud ug usa ka bag-ong videocam recorder nga nagkantidad ug kapin sa P90,000. Wala ang mga tag-iya sa pagsulod sa mga kawatan sa panimalay niini sanglit nang-grocery pa. Sa usa ka pamahayag ni Gensan City PNP Director, PSSUPT Robert Po, ang mga responsable sa pagpangawat partikular na sa mga dapit sa City Heights, San Isidro ug Malakas ila na kining nailhan ug padayon pang gi-imbestigahan. Nagpahimangno na lamang ang opisyal nga kinahanglan nga magbantay gyud aron dili mamahimong biktima sa mga balahibuon ug kamot. Gipunting pod ni Po nga posibleng ang nagkaduol nga panahon sa Pasko ang usa sa mga rason sa kalit nga pagsaka sa krimen nga kawat. (pbanat news desk) *888888888

periodicobanat (oktubre 14, 2008)

MEAT CONSIOUSNESS WEEK- Mga sakop sa City Veterinarian Office ug National Meat Inspection Service (NMIS) kuyog ang mga distributor ug karne nanghatag ug mga karne sa manok, baka ug baboy ngadto sa mga charitable institutions sa syudad isip paghandom sa selebrasyon sa Meat Consiousness Week. (kuha ni poldo bernaldez/pbanat caption) *88888888

Tungod sa krisis sa Amerika Mga kompanya sa Gensan, posibleng motaktak ug trabahante--DOLE Gikabalak-an karon sa buhatan sa Department of Labor and Employment (DOLE) dinhi sa dakbayan nga possible gyud nga adunay mahitabo nga halapad nga retrenchment o pagktaktak ug mga empleyado sa pipila ka mga lokal nga kompanya sa dakbayan ug sa mga kaskibit nga dapit tungod sa padayong krisis pinansyal nga gi-atubang karon sa nasod Amerika. Mao kini karon ang gipalanog ni Attorney Patricio Blanza, ang Provincial Head sa DOLE-Gensan human nga mismo ang mga tuna canneries partikular na ang PhilBest Canning Corporation una ng nagpadayag nga mikunhod gyud ug singkuwenta porsiyento ang ilang produksyon sa tuna canned products o de lata nga tuna tungod sa krisis pinansyal sa Amerika. Saysay pa ni Blanza nga grabe karon ang ilang pagtutok ngadto sa sitwasyon nga padayong nahitabo ilabi na sa mga establisyemento nga ang nag-unang negosyo mao ang exporting. Gipunting pa ni Blanza nga ang mga exporting companies sama sa tuna canneries nga mao usab ang naghupot ug daghang mga empleyado maoy pinaka-unang makasinati sa problemang pinansyal sa mga nasod diin sila nagpadala sa ilang mga produkto. Sa usa ka report sa PHILEXPORT, nahimong ikaduha na lamang karon nga exporter ang Estados Unidos sunod sa Europa sugod sa Enero ngadto sa Septembre karong tuiga lamang sanglit nagkaguliyang ang ekonomiya sa mga Amerikano. Wala hinuon gibutyag ni Blanza kung pipila ka libo ka mga trabahante sa mga tuna factories ang maapektuhan sa padayong pagkunhod sa ekonomiya sa exporter nga mga Kano. Sa pagkakaron, unom sa walo ka mga dagkong tuna canneries sa nasod ania sa dakbayan ug nag-empleyo ug pipila ka gatos ka libo nga mga residente sa Gensan ug sa tibuok Rehiyon 12. Sa susamang balita gihapon, si Blanza mihatag usab ug katin-awan ngadto sa posibleng dangatan sa mga Overseas Filipino Workers (OFW) nga nanimpalad karon sa laing mga nasod. Panahon nga maapektuhan sa krisis sa Estados Unidos, malagmit nga kapin gyud sa 50,000 ka mga OFW ang maapektuhan wala pay labot ang ilangmga pamilya dinhi sa Pilipinas. Apan, abtik usab nga misulti si Blanza nga aduna nay ginahimong pamaagi ang kagamhanan partikular na ang DOLE aron ma-abagahan ang mga OFW ug pamilya niini. Buot sa gobyerno nga pahulamon ug mga kapital ang mga OFW ug pamilya niini aron makasugod ug gamay nga negosyo nga siguradong mohatag ug panginabuhian sa mga kabanay niini. Luyo sa mga panghitabo, kampante gihapon ang DOLE nga mahatagan gihapon ug kasulbaran sa mga nasod nga apektado sa krisis pinansyal ang ilang problema sa ekonomiya. (pbanat news desk) *88888888 City Vet Office nanghatag ug karne! Nangapod-apod ug mga karne sa baboy, manok ug baka ang buhatan sa City Veterinarian Office duyog ang National Meat Inspection Services kagahapong adlawa isip usa ka pamaagi sa pagselebrar sa Meat Consciousness Week. Sa gihimong aktibidad kagahapon sa buhatan sa City Veterinarian nga gipangunahan ni Dr. Ephraim Marin ug Dr. Rex Calub, gibutyag niini nga kapin gyud sa 30 ka mga distributor ug naninda ug mga karne ang misuporta sa ilang kawsa sa pagpanghatag ug mga luwas, natural, ug limpyo nga mga karne sa hayop sa lima ka mga charitable institutions sa Gensan. Sa wala pa ang pagpanghatag ug mga karne usa ka motorcade ang gipahigayon kuyog ang labaw sa NMIS nga si Dr. Jose Ariel Billones. Nagrasyahan gyud ug mga karne ang St. Gemma’s Orphanage, Marcellin Foundation, Maie Gorittee Home, Home for the Aged ug Home for the Children. Ang maong mga karne maoy mamahimong konsumo sa mga nanimuyo sa maong mga charitable institutions. Matod ni Dr. Rex Calub ang maong aktibidad usa ka tinuig nga programa diin ang City Veterinarian Office ug ang NMIS mopahinungod sa mga ahensya nga nagkinahanglan ug suporta gikan sa ilang buhatan. Dako usab ang pasalamat sa City Vet ug NMIS ngadto sa Ferm Chicken, Martex Trading, Purok Malakas Meat Vendors Association, Lisa’s Meats, Feather and Hooks ug Gear Foods Company sa walay puas nilang suporta sa programa sa kagamhanan. Mismo ang mga tag-iya sa Feathers and Hooks nga si James Ang ug Fermina Dagmil sa Ferm Chicken mikuyog gyud sa pagpang-apod apod sa mga karne aron ila mismong masaksihan kung unsang kalipay ang gihatod sa ilang mga ginagmay nga suporta ngadto sa mga naninginahanglan. Tungod sa mga nakita sa mga negosyante ug karne ngadto sa mga residente sa maong charitable homes, aminado gyud ang tanan nga makalo-luoy ang kahimtang ilabi na kung biniyaan sa mga ginikanan ug gi-abandona na sa mga paryente. Ang Meat Consciousness Week usa ka programa sa kagamhanan nga nagtumong sa paghatag ug igong kahibalo ug proteksyon ngadto sa mga konsumante ug karne batok sa mga abusado ug tigpamentaha nga mga negosyante. (gikan sa report ni poldo bernaldez/pbanat news desk) *8888888888 Karnaper namaligya ug motor sa pulis, sikop! Naunsang pagka-unsaa gyud. Usa ka suspek nga karnaper ang gibalhog karon sa buhatan sa Fatima PNP ning dakbayan human nga kini nadakpan sa akto sa mga pulis nga namaligya sa motorsiklong gikarnap niini niadtong milabay nga adlaw. Sa report nga nakuha sa Periodico-Banat, naila ang biktima nga usa ka Jayter Raymundo taga Zone 2 Block 0, Fatima ning dakbayan. Matod sa biktima dako na lamang kaayo ang katingala human nga ang iyang motorsiklo nga Honda Wave, kolor green ang kalit na lamang nahanaw sulod sa ilang panimalay. Saysay pa sa biktima nganong ang suspek (ngalan gitago) nahibalo-an man nga ang susi sa iyang motorsiklo igo lamang niini ginabutang sa may bintana sa iyang panimalay. Pakahuman gyud mismo sa pagkarnap sa suspetsado sa motor ni Raymundo dali dayon kining nangita ug buyer apan pagkadakong dimalas tungod ang nabaligyaan niini usa diay ka sakop sa Philippine National Police. Matod sa pulis nga maoy gibaligya-an, mitanyag pa ang suspek ug P5,000 nga kantidad sa motorsiklo. Tungod sa kabarato, nagduda dayon kini ug nagpasumangil nga magroad test una aron matestingan ang motor. Mideretso na lamang sa Police Station 7 ang pulis ug didto mihimo na dayon ug plano nga dakpon ang suspek. Nagtingkagol na karon sa selda sa Police Station 7 ang maong suspetsado samtang gi-andam ang pormal nga kaso batok kaniya. (pbanat news desk) *88888888 Traffic Light, imuntar sa National Highway Gibutyag karon sa buhatan sa City Engineering Office nga duhga gyud ka mga bag-ong traffic lights ang naka-iskedyul ng ibutang ug imuntar sa duha ka mga nag-unang intersections sa national highway ning dakbayan karong bulana. Matod ni Engineer Mark Reys, ang OIC City Engineer nga ang proyekto nga duha ka mga bag-ong traffic lights ibutang gyud sa intersection sa Santiago Boulevard ug ang usa didto sa NFA Junction sa may J. Catolico Avenue. Gisulti pa sa enhinyero nga moabot gyud ug P20 milyones ang magastos sa maong proyekto ug aduna gyud maapektuhan nga mga punuan sa Narra nga maigo sa maong proyekto. Gitin-aw hinuon ni Reyes nga dili kinahanglan nga putlon ang 19 ka mga punuan sa Narra kundili ibalhin lamang kini sa usa ka miniforest sulod sa Notre Dame for Girls sa Lagao, ning dakbayan. Aduna nay kasabotan ang eskwelahan ug lokal nga kagamhanan nga ilang i-adopt ang maong mga punuan. Dugang pa ni Reyes nga sa kada punuan nga ibton sa kontraktor sa traffic lights, kinahanglan nga mohatag usab kini ug mga tag lima ka mga semilya isip hulip sa mga kahoy. Gilauman gyud nga pinaagi sa bag-ong mga traffic lights sa national highway, mamenosan gyud ang traffic panahon sa rush hour. (pbanat news desk) *88888888

50% gikunhod sa export sa Tuna Amerika! Giangkon karon sa mga tuna canneries sa dakbayan nga mi-ubos gyud ug singkuwenta porsiyento ang ilang export alang sa produktong canned tuna didto sa Estados Unidos. Matod ni Roland Joseph Salangsang ang Senior Vice President ug Chief Operating Officer sa Philbest Canning Corporation naglie-low gyud sila sa ilang produksyon tungod kay apektado na sa financial crisis sa Estados Unidos. Kaniadton matod ni Salangsang, siyetenta porsiyento sa ilang produksyon ang padulong sa Amerika apan karon, mo-abot na lamang ug biente porsiyento. ‘Mga canneries dito naglie-low,’ sulti pa ni Salangsang. Girason usab ni Salangsang nga karong mga panahona kung kaniadto numero unong exporter ang Amerika sa mga tuna products sa rehiyon, nahimo na lamang kining ikaduha ug na-apsan kini sa Europa. ‘Because of the very strong Euro it is favorable for the exporters,’ hamubo nga saysay sa opisyal sa Philbest. Base sa talaan sa PhilExport sa sukad sa unang bulan sa Enero ngadto sa Septembre karong tuiga, nagpakita na gyud ug kusog ang Europa sa Exportation as to Dollar Value. Mitala ug $175.945 million ang Europa samtang misangko lamang sa $131.788 million ang Estados Unidos. Dili lamang ang financial crisis sa Estados Unidos ang nag-unang rason sa paghinay sa export sa mga tuna canned products kundili lakip na usab dinhi ang pagsaka sa presyo sa mga materyales, ang suplay sa isda ug uban pang mga problemang sagubangon sa mga exporters. Pipila sa mga nag-unang export products gawas sa tuna nga gikan sa Rehiyon base sa PHILEXPORT dinhi sa Rehiyon 12 mao ang mga canned pineapples, fresh pineapples, coconut oil ug ang frozen tuna. Gawas sa Europa ug Amerika, nag-unang mga exporters usab ang mga nasod sa Japan, Korea, Thailand, Canada, China, Israel, United Arab Emirates ug Africa base sa Hulyo ngadto sa Septembre nga rekord sa PHILEXPORT. (pbanat news desk) *888888 Konsehal Dante, gibungol-bungolan lang sa mga department heads sa city hall? Morag wala na gyud maka-agwanta ang konsehal nga si Dante Vicente sa nakalabay nga sesyon sa Sangguniang Panlungsod ug mihimo gyud kini ug privilege speech ngadto sa mga matod pa nagpabungol-bungol nga mga opisyales sa 26 ka mga departamento sa city hall. Sa pamahayag ni Vicente, gisulti niini nga kinahanglan gyug nga makabaton ang iyang komitiba sa Local Government ug mga listahan sa mga ekipo ug kagamitan sa tanang mga departamento guba man kini o dili ug nawala ba o gikawat. Rason ni Vicente nga aduna gyud katungod ang katawhan sa General Santos nga mahibaw-an kung unsa ang tinuod nga mga estado sa mga gamit ug ekipo sa syudad ilabi na nga ang tinuod nga mga tag-iya niini mao ang katawhan nga nagbayad sa ilang mga buluhisan. Hangtod sa pagsulat ning maong balita nahibaw-an nga sa 26 ka mga department heads nga gihangyo ni Vicente nga mosumitir sa ilang mga listahan, duha pa lamang kabuok ang mituman. ‘Kanang propreyedad sa gobyerno, dapat i-account sa publiko nga walay nawala, walay gikawat, kungdunay gikawat unsay gikawat. We have to locate those things. Kinahanglan natong mahibaw-an kung asa naadto kay propreyedad kana gipanag-iyahan sa katawhan sa Heneral Santos,’ maundanong talumpati ni Vicente. Misugyot na lamang ang ubang mga konsehales sa syudad nga mas labing maayo nga hisgutan na lamang ang maong isyu sa usa ka miting nga puwedeng ipatawag sa chairman sa local government nga si Kagawad Dante Vicente. (pbanat news desk) *888888 Publiko, gipabantay sa DTI sa mga substandard nga Christmas Lights Hugot nga nanawagan karon ang buhatan sa Department of Trade and Industry (DTI-12) dinhi sa dakbayan ngadto sa publiko nga kinahanglan nga magbinantayon ug mag-amping gyud sa pagpamalit niini ug mga depektibo ug substandard nga mga Christmas lights ilabi na karon nga haduol na ang panahon sa Pasko. Mismo ang Consumer Welfare Officer sa DTI-12 nga si Attorney Ramon Dosejo namahayag nga pinaagi sa pagsusi kung aduna ba ICC Mark ang ilang gipamalit nga Christmas lights, mahibaw-an dayon nga kini usa ka imported nga produkto ug kargado usab kini ug serial number. Kung dinhi gihimo sa nasod, magbitbit kini ug BPS Quality Mark ug may serial number gihapon kini kuyog ang label ug pangalan sa naghimo sa maong produkto. Kung aduna man mapalit nga ubos ang kaledad ug wala makasubay sa mga reglamento sa DTI, ireport gilayon kini sa ilang buhatan sa dalang South Osmena aron mahatagan ug hinanaling aksyon. Kahinumduman, daghan na gyud nga mga pamilya ang wala malipay sa ilang pagsaulog sa Pasko sa mga milabay nga katuigan tungod kay usa ka trahedya susama sa sunog ang ilang nadangatan tungod sa mga peke ug ubos nga kaledad nga Christmas lights. Bisan tuod nga barato kaayo ug dako gyud ang matipid sa mga konsumante sa mga substandard nga Christmas décor, mas labing maayong buhaton gyud ang adunay pagpakabana aron maluwas ang kauglaingon ug ang pamilya sa bisan unsa man nga aksidente. (pbanat news desk) *88888888 Gensan, may bag-ong kampeon na pod sa boksing! Nagkadaghan na gyud ang mahiligon sa boksing dinhi sa dakbayan nga unang gisugdan sa sikat na kaayong boksingero karon nga si Manny Paquiao. Tungod kay nagkadaghan, aduna na usab nahidugang nga bag-ong kampeon niadtong milabay nga semana lamang ang Gensan. Si Marvin Sonsona, 18 anyosu ug residente sa Santiago Subdivision ning dakbayan mao ang pinakabag-ong WBO Youth Asia-Pacific Featherweight Champion human nga gipakamang niini sa second round sa ilang away ang kanhing kampeon nga taga-Naga City nga si Joel Rafols. Matod ni Sonsona grabe gyud kaayo ang iyang pagkamahilig sa boksing ug sa nag-edad pa lamang kini ug siyete anyos nagsugod na ang iyang karera sa boksing. Sa kasamtangan aduna kini professional record nga 9 wins, 0 losses ug 0 draw. Sa siyam ka mga laban niini, walo gyud sa mga naka-away ni Sonsona ang gipakamang niini sa ring. Karong sunod bulan sa Nobyembre gitakda na ang pagdepensa ni Sonsona sa iyang bakus batok sa usa ka Thailander. Wala usab dayon magpa-ulahi ang mga konsehal sa syudad sa ilang pagdayeg ug pagpadayag ugtodo nga suporta ngadto sa bagitong boksingero. Tungod sa kuyaw nga rekord sa batan-ong si Sonsona, gilauman nga daghang mga mas dagko pang mga sangka ang atubangon niini padulong sa iyang gipangandoy nga kasikatan. (pbanat news desk) *88888888

periodicobanat (oktubre 13, 2008)

PARELAKS-Mga bata nga nanimuyo sa usa ka evacuation center sa JBT Caing Elementary School sa Barangay Tambilil, Kiamba, Sarangani Province nalingaw gyud ug maayo ug daw nagparelaks luyo sa nahitabong pagpanghasi sa mga rebeldeng Moro Islamic Liberation Front (MILF) niadtong milabay nga semana. (kuha ni Alla de Lima/KNIC/pbanat caption) *88888888888

Bonggang preparasyon sa Pasko sa Gensan 2008 Karon pa lang namahayag na ang city hall sa dakbayan nga pinasahi ug way kapareha ang himuon nga selebrasyon sa Pasko sa Gensan 2008. Mismong si First Lady, Dra. Rose Acharon ang nagbutyag nga karong umaabot nga Pasko adunay bag-ong tema nga gamiton aron mas mahimong bibo ug makalingaw gyud ang kasaulogan sa Pasko. Dason pa sa kapikas sa kinabuhi ni Gensan City Mayor, Jun Acharon nga aduna nay kamandu-an ang gipakanaug sa alkalde nga kinahanglan nga magbaton gyud ang selebrasyon sa Pasko sa Gensan ug selebrasyon sa kinabuhi ug pasalamat. Si Dra. Aharon nagsulti nga mamahimong ‘Enchanted Gensan’ gyud ang tibuok bulan sa Disyembre tungod sa bag-ong tema sa maong selebrasyon nga nakasentro sa Oval Plaza. Adunay walo ka mga Castle Pavilions nga may lahi-lahi nga tema angmugnaon ug itukod aron makahimo ug kaugalingong Enchanted Kingdom ang syudad. Ang mga Castle Pavilions nga pagahimuon mao ang Fairyland – with elements of fairies, fairytale stories, etc., Magicland – with elements of magic shows, magic world, Santa's Kingdom – with elements of Santa Claus, reindeers, sleigh, etc., Toyland – with elements of toys and fun, etc., Fruit and Flowerland – with elements of fruits and flowers, Circus Land – with elements of circus, carnival, carousel, etc., Galaxy Land – with elements of space, astronomy, etc. , Safari Land – with elements of adventure, animal land, etc. Gitahasan nga maoy mohimo sa mga kastilyo ang mga pribado ug pampublikong tungha-an nga mamahimo usab nga usa ka pakontes alang sa Best Fairytale Kingdom Contest. May mga atraksyon usab sama sa Cinderella's Chariots –functional, decorated benches, Disneyland – Oval Plaza Children's Playground, Fairies' Courtyard – Interactive, lighter playground, Disney Towers – Decorated/lighted towers, Magic Wands X'mas Tree – Giant Christmas tree at the center of Oval Plaza, Feast Barn – decorated, lighted food court area, Grand Castle Ballroom – decorated Oval Stage, King Arthur's Castle – City Hall façade, Knight's Ballroom – City Hall lobby, Way to Camelot – Pioneer Avenue, P. Acharon blvd., Santa's Sleigh Stations – Gas Stations, Disney Castles – Banks façade, Bayfront Castle – Queen Tuna Park ug Fairy Parol Contest – Fishport. Anaa gihapon ang kontes sa Ground demonstation, Drum & Lyre, Dance Fusion, Himig Pasko Christmas Carol, Fairytale Christmas Storytelling, Disney Towers, Fairy Parol Contest, Christmas Card making, Fairytale makeover, Pasiklaban ng Radio Stations, Christmas Cantata, Fairytale Nights, Christmas Carnaval, Party Zone, Libreng Gupit, ug Fireworks Display. Matod ni Edgar Cadiente, ang Artistic Director magbitbit ug temang "Once upon a Yuletide Season / An Enchanted GenSan", ang Pasko sa Gensan 2008. (pbanat news desk/gikan sa report ni ping aponesto/cpio) *88888888888 HEADLINER: Mga biktima sa pag-atake sa Kalamansig nailhan na! Human sa pagpangatake sa gidudahang mga sakop sa Moro Islamic Liberation Front (MILF) sa duha ka mga barangay sa lungsod sa Kalamansig, Sultan Kudarat, Sabado sa kaadlawon diin nabalita nga adunay upat ka mga biktima ang nakabsan sa ilang mga kinabuhi ug laing tulo nga angol, mipagawas na gyud ug report ang kasundalohan ug gi-ila ang mga naasoy nga biktma. Matod ni Lt. Colonel Julieto Ando, ang spokesman sa 6th Infantry Division sa Philippine Army, ang mga namatay mao sila Polinio Alberio, 46; Reynan Cabarobias, 60; Diosdado Cortado, 55 ug Edgar Cortado, 20. Samaron usab sila Joeyboy Bartolome, Jesusa Araniego and Danilo Gonzaga. Dugang usab sa report sa mga sundalo, puwersahan gibitbit sa mga suspek ang usa ka konsehal nga nailang si Luis Colao ug usa pod ka residente nga si Roel Suma. Si Ando nagbutyag pa nga nagpaturatoy lamang ug patay ang mga gidudahang mga sakop sa MILF hinungdan nga usa na ka elemento sa 64th Infantry Battalion sa Philippine Army ang gibutang sa duha ka mga barangay sa Kalamansig. Apan sa usa ka report nga nahipatik sa Mindanews, gipanghimakak ni MILF Peace Panel Chairman Mohagher Iqbal nga ang hugpong sa MILF wala gyud kalambigitan sa nahitabong pagpangatake niadtong adlaw nga Sabado. Ang report nagtug-an pa nga tungod sa kamatayon sa usa ka Datu nga nailang si Makasa Mastura, mi-ulbo na pod ang kagubot sa Kalamansig. Matod sa report, gitigbas hangtod mamatay si Mastura sa usa ka matod pa sakop sa vigilanteng grupo nga Ilaga. Wala hinuon kini gikumpirma sa AFP ug midason pa ang mga sundalo nga kapin sa 300-400 ka mga MILF ang misulong sa duha ka mga barangay nga mingresulta na pod sa pagpamakwet sa mga residente padulong sa Kalamansig Poblacion. Mismong si Sultan Kudarat Governor, Suhator ‘Teng’ Mangudadatu mipasalig na nga iyang tan-awon ug susihon ang tinuod nga rason sa kalit nga pagpangatake sa mga gidudahang sakop sa MILF. Hangtod sa pagsulat ning maong balita, mikanaug na hinuon ang tensyon sa nahisgutang mga barangay apan nagpabilin lamang gihapon ang mga sakop sa sundalo ug sa PNP Regional Mobile Group sa PNP-12. (pbanat news desk) *88888888 21 ka mga Sultan sa Mindanao, nanawagan ug Kalinaw! Dul-an gyud sa duha ka dosena ka mga sultan sa nagkalain-lain nga Sultanato sa isla sa Mindanao ang nagtapok kagahapong adlawa sa lungsod sa Lutayan, Sultan Kudarat aron lamang ipadayag ang ilang panawagan ug pagsuporta sa kalinaw. Sa usa ka pamahayag, gibutyag gyud ni His Royal Highness, Datu Pax S. Mangudadatu, al haj, ang kasamtangang kongresman sa unang distrito sa Sultan Kudarat ug maoy pinakataas nga lider sa Rajahbuayan Royal House nga ang ilang panagtigom usa ka pagpadayag sa ilang sentemento nga kinahanglan gyud ug kalinaw sa pipila ka mga dapit sa Mindanao diin nahimong sentro karon sa kagubot tali sa puwersa sa gobyerno ug sa mga rebeldeng Moro Islamic Liberation Front (MILF). ‘Kailangan natin ng tunay na kapayapaan upang makamtan natin ang katiwasayan sa ating buhay,’ dason pa ni Mangudadatu. Nagsulti usab ang maong lider nga dako gyud kaayo ang iyang pasalamat ngadto sa mga sultan tungod sa ilang dakong interes nga awhagon ang ilang mga ginsakpan nga ang Kalinaw ang bugtong susi aron makab-ot ang ngitngit kaayo nga kalambo-an. Ang ubang mga sultan gikan pa sa ilang mga ginghari-an o sultanato sama sa Sultan sa Barongis sa Maguinadanao, Sultan sa Datu Piang, Sultan sa Midsayap, Sultan sa Kidapawan, Sultan sa Mamasapano ug uban pang mga dapit sa Mindanao. Ang mga sultan sa unang panahon mao ang mga nagdumala sa usa ka katilingban nga kung itandi karong mga panahona mao ang mga opisyales nato sa gobyerno. Sa wala pa mahimugso ang sistema sa panggobyerno sa nasod, una ng ginasunod sa katawhan dinhi sa Mindanao ang Sultan nga mao usab ang labaw sa usa ka sultanato o komunidad nga kung itandi usab karon usa ka lungsod, syudad o lalawigan. (pbanat news desk/jong gorgonio) *8888888

periodicobanat (oktubre 12, 2008)

GIBISITA- Si Dr. Jun Garcia ang attending physician sa duha ka mga sundalo nga na-angol sa giyera sa Kiamba mipatin-aw ngadto kang 1002nd Brigade Commander Col. Rainier Cruz ug Sarangani Gov. Migs Dominguez sa kondisyon sa duha ka mga sundalo nga nasamdan sa giyera sa Datu Dani, Kiamba. Mismong si Col. Cruz ang mitunol sa pasidungog nga "award of wounded personnel medal" samtang si Gov. Dominguez mihatag ug cash alang sa medikal nga panginahanglanon sa mga sundalo. (kuha ni Cocoy Sexcion/SARANGANI INFORMATION OFFICE) *8888 HEADLINER: Sultan Kudarat, gisulong na pod sa MILF,4 patay Misulong na pod ang gidudahang mga rebeldeng sakop sa Moro Islamic Liberation Front (MILF) kagahapon sa kaadlawon sa duha ka mga barangay sa lalawigan sa Sultan Kudarat kagahapon sa kaadlawon. Sa report nga nakaabot sa Periodico-Banat, gi-atake sa mga suspetsado ang mga barangay sa Sangay ug Paril didto sa lungsod sa Kalamansig diin upat gyud ka mga sibilyan ang nakabsan ilang mga kinabuhi ug may laing tulo pa nga samron. Gikareport usab nga aduna pay duha ka mga sibilyan sa maong dapit ang gidagit ug gihimong hostage sa rebeldeng grupo. Sa usa ka pamahayag ni Kalamansig Mayor, Rolando Garcia, nga nahipatik sa website sa ABSCBN gisulti niini nga dali lamang kaayong nakasulod ug nakahimo sa ilang pagpangatake ang hugpong sa MILF sa mga barangay sa Sangay ug Paril tungod walay bisan usa ka sundalo nga nagkampo sa nahisgutang mga barangay. Hangtod sa pagsulat ning maong balita, padayon pang gi-ila ang mga nahimong biktima sa maong insidente ug kung kinsa gyud nga grupo samga Lawless MILFGroups (LMG) ang mi-atake sa Kalamansig. Samtang ang mga sundalo nga nakabase karon sa Sultan Kudarat gilayon nga mihimo ug operasyon batok sa mga suspetsado ug hangtod sa pagsulat ning moang balita padayon pa gihapon ang engkuwentro tali sa mga tropa sa gobyerno ug sa mga suspetsado. Mipadala usab dayon ug puwersa ang mga sundalo sa mga barangay sa Kalamansig aron maseguro nga luwas gyud ang mga katawhan gikan sa bahad sa terorismo. Wala pa hinuon gikareport kung aduna na bay mga namakwit ug ma mga propreyedad ba nga nadanyos sa pagpangatake sa mga LMG. (pbanat news desk) *8888888888

Luyo sa pag-surender sa usa ka kumander sa Kiamba MILF, mikumpirma nga kusgan gihapon sila Luyo sa nabani-og nga pagsurender sa usa ka taas nga opisyal sa 107TH Base Command sa Moro Islamic Liberation Front (MILF) didto sa lungsod sa Kiamba Sarangani Province niadtong mga milabay nga adlaw, gipanghimakak gihapon ni Eid Kabalu ang spokesman sa MILF nga huyang ug luya na ang ilang puwersa sa maong dapit. Sa usa ka report nga migawas sa ABSCBN, gisuti mismo ni Eid Kabalu nga bisan pa man nga nadakpan ug misurender na si Kumander Rico Watamama, ang Deputy Brigade Commander sa 107th Base Command nga nakabase sa Kiamba ug gitudlong maoy responsable sa pinakaulahing pagsulong sa mga barangay sa Gasi ug Kling, ug nanunog ug usa ka barangay hall,daycare center ug uban pang mga edipisyo nga iya sa gobyerno daghan pang mga bag-ong mga opisyal sa MILF ang mohulip sa puwesto nga gibiyaan sa nadakpang lider. Dason pa ni Kabalu nga wala magpasabot nga tungod sa pagsurender sa usa ka lider sa sundalo sa MILF, dili na ipadayon sa mga nahabilin ang tahas nga gimando ngadto kanila. Kampante usab si Kabalu nga mahibalik lamang gihapon ang kusog ug ang puwersa sa 107th Base Command. Kahinumduman, usa ka engkuwentro tali sa grupo ni Watamama ug sa mga sundalo sa 73rd Infantry Battalion ang nahitabo sa Sitio Kuwago, Barangay Datu Dani, duha ka adlaw na ang milabay nga mingresulta sa samad-pinusilan sa deputy brigade commander. Sa bahin usab sa mga sundalo, na-angol ang duha ka mga sundalo nga sila Private First Class, Juvy Galves ug Biniser Libres nga padayon pa karong nagpa-ayo sa ilang mga samad sa usa ka balay-tambalanan sa syudad. Ang pagkatukod sa Task Force MAKIMA (Maasim-Kiamba-Maitum) nga gilangkuban sa mga alkalde ug opisyales sa tulo ka lungsod ug sa kagamhanang probinsyal sa Sarangani ubos ni Gobernador Migs Dominguez ug bise gobernador Steve Solon, mga sakop sa sundalo ug sa Sarangani PNP, mao gyud ang nag-unang ehemplo sa malampusong pagkadakop kang Kumander Watamama. Hangtod karon wala pa gihapon gi-atubang sa media si Watamama sanglit wala pa nahuman ang tactical interrogation nga ginahimo ngadto kaniya sa mga awtoridad. (pbanat news desk) *8888888 2 ka preso patay sa TB sulod sa Provincial Jail Duha gyud ka mga binilanggo ang nakabsan sa ilang mga kinabuhi niadtong milabay nga Biyernes human kini gi-atake ug sakit nga Tuberculosis sulod mismo sa North Cotabato Reformatory Center (NCRC). Sa report sa nga nahipatik sa Mindanews, ang mga biktima nailang sila si Rey Tizon, 29 anyos ug Arnold Arroyo, 39 anyos. Matod sa mga espesyalista nga misusi ngadto sa duha ka mga pinireso, nahi-apil kini sa napulo ka buok nga mga binilanggo nga anaa sa NCRC nga kumpirmadong may sakit nga TB. Dugang sa report nga ang duha ka mga nangamatay nag-atubang lamang ug dili mga bug-at nga kaso apan nagpabilin lamang gihapon nga bilanggo tungod usab sa kadugay sa desisyon sa mga kasong ilang gi-atubang. Ang kamatayon sa duha ka mga inmates gikabalaka gyud ug maayo sa mga ubang mga preso sanglit, ang sakit nga TB kasayuran naman nga makatakod ilabi na sa mga tawong sige ug duol ug kuyog sa may TB. Gi-angkon hinuon sa mga doktor nga ang mga preso nga kumpirmadong may TB, adunay mga regular nga check-up apan tungod lagi sa kaguot ug kadaghan sa mga preso sa sulod sa North Cotabato Provincial Jail, maglisod gihapon nga makasustenir ang mga may TB. Matod ni North Cotabato Warden Redentor Marasigan, ang ilang presohan adunay kapasidad nga 350 ka mga preso apan tungod sa kadaghan sa mga nabilanggo, miabot na kini karon ug kapin 700 ka mga tawo. Gibasol sa warden ang kalangan sa desisyon sa mga kaso sa mga pinireso hinungdan nga nagtapun-ok ang kadaghanan sa usa ka gamay nga selda. Nag-awhag na lamang si Warden Marasigan ngadto sa mga paryente sa mga preso nga kinahanglan gyud nga regular nga mobisita ngadto sa ilang kabanay aron mismo sila ang makamonitor sa kondisyon sa panglawas niini. (pbanat news desk) *88888888888

Senior Citizens’ Day matagumpay na idinaos ISULAN, Sultan Kudarat – Matagumpay na idinaos ng Federation of the Senior Citizens’ Association of the Philippines (FSCAP) – Sultan Kudarat Chapter ang Senior Citizens’ Day noong Martes ika 7 ng Oktubre. Ang programa ay isa sa mga stratehiyang ipinapatupad ni Governor Suharto T. Mangudadatu, Al Haj upang mapaunlad ang lalawigan sa pmamagitan ng mga programa at proyektong aagapay sa mga Senior Citizens. Ilan sa mga activities, ayon kay FSCAP President Isabelo A. Isla, Jr., ang pagsagawa ng Provincial Literary-Musical Contests at 2008 Search for Mutya ng Senior Citizen. Nagdala naman ang naturang mga activities ng kaligayahan sa mga matatanda, kung saan nakipagtagisan ang bawat isa ng kani-kanilang mga talento upang maipanalo ang bawat sinalihang kompetisyon. Inihayag naman ni Governor Mangudadatu na ang mga matatanda ay modelo ng bayan at nararapat na suklian ang mga namumukod-tanging serbisyo sa pagpapanatili ng kaayusan at katahimikan sa buong lalawigan. (AndrewHornales/PPDO-Sultan Kudarat) *88888888 Iwasan ang bumili ng mga “repacked milk products” – BFAD 12 ISULAN, Sultan Kudarat – Pinapaalalahanan ng Bureau of Food and Drugs (BFAD) ng rehiyon dose ang mamamayan na iwasan ang pamimili ng mga “repacked milk products” lalo na yaong mga produktong walang “labels.” Ayon sa tanggapan ng BFAD 12, patuloy ang pagsasagawa ng sampling at monitoring sa mga produktong maaaring kontaminado ng melamine. Ang melamine ay isang toxic substance at maaaring maging sanhi ng anumang sakit o ikamamatay sakaling pumasok sa katawan ng tao sa pamamagitan ng paghalo sa anumang pagkain. Kamakailan, napag-alaman na isa mga pagkain na kontaminado ng melamine ang mga gatas na nagmumula sa bansang China. Ipinag-utos naman ni Pangulong Gloria Macapagal Arroyo sa Department of Trade and Industry (DTI) , Bureau of Customs at BFAD ang pagbabawal sa pag-aangkat ng mga produkto lalo na yaong mga gatas na nagmumula sa China. Dito sa Sultan Kudarat, ibayong nakikiisa ang mga grocery owners sa pagsisikap ng pamalaan upang matiyak ang kalusugan ng mamamayan at masegurong melamine-free ang buong lalawigan. (AndrewHornales/PPDO-Sultan Kudarat) *88888888 GenSan, melamine-free! Gibutyag karon sa buhatan sa Bureau of Food and Drugs sa dakbayan nga ang syudad sa Heneral Santos nagpabilin lamang gihapon nga melamine-free, bisan pa man nga padayon ang ‘milk scare’ tungod sa kontaminasyon sa melamine sa tibuok kalibotan. Matod ni BFAD-Gensan, Regulations Officer, Marilyn Fermil nga negatibo gyud ang mga gatas ug ubang mga produkto nga may sagol nga gatas nga gihimo-an ug laboratory tests nga nakuha sa ubay-ubay nga mga establisyemento sa dakbayan. ‘Walang melamine sa Gensan,’ pamahayag pa ni Fermil atubangan sa Sangguniang Panlungsod human kini nga opisyal nga gipatawag sa konseho aron mahibaw-an ang estado sa syudad may kalabotan sa melamine-scare. Dugang ni Fermil, sa ilang paglibot ug pagronda sa mga nag-unang tindahan sa dakbayan nasuta gyud nga nag-negatibo ang mga naasoy nga produkto sa kemikal nga melamine nga una ng nadiskubre sa nasod Tsina nga maoy hinungdan sa pagkasakit sa kidney sa mga bata didto. Mipatim-aw gyud si Fermil sa SP human personal nga gipamahayag ni Association of Barangay Captains (ABC) ug ex-officio member, Barangay City Heights Captain, Lourdes Casabuena ang iyang kabalaka ug kahadlok nga basin ang dakbayan nasudlan na sa mga produkto nga kontaminado ug melamine. Una ng namahayag ang buhatan sa Department of Health (DOH) sa Manila nga ang melamine contamination mas ngilngig pa kung itandi sa dengue fever outbreak nga kasagaran masinati-an sa mga dapit sa Pilipinas tungod sa lamok nga nagdala ug dengue. Gipasalig hinuon sa opisyal sa BFAD ngadto sa mga konsehales nga wala gyud sila magpasagad sa ilangtrabaho ug padayon gihapon ang ilang pagmonitor sa mga produkto nga posibleng takboyan ug makamatay nga kemikal nga melamin. (pbanat news desk) *88888888

periodicobanat (oktubre 11, 2008)

LUBI-LUBI FESTIVAL-Makita dinhi ang Grand prize winner nga Glan School of Arts and Trades samtang ilang gipakita ang ilang kahanas sa ilang sayaw atol sa bag-ohay pa lamang nahuman nga kulminasyon sa 9th Lubi-Lubi Festival sa lungsod sa Glan, Sarangani. Giproklamar usab nga Best in Choreography ang maong grupo ug naangkon nila ang P30,000 nga premyo. (kuha ni Cocoy Sexcion/SARANGANI INFORMATION OFFICE/pbanat caption) *888888888 HEADLINER: GSIS loans sa empleyado sa City Hall, gi-undang? Kalit nga mitaas ang mga kilay sa mga empleyado sa city hall ning dakbayan human nakadawat ug balita nga matod pa, gi-undang ang pag-proseso sa mga Government Service and Insurance System (GSIS) loans ug dili na dawaton ang bisan unsa man klase nga pagpanghulam ngadto sa GSIS. Apan sa usa ka pamahayag, giklaro ni Attorney Teresita Rojas, ang Branch Manager sa GSIS-Gensan nga wala’y pormal nga abiso gikan sa ilang Central Office nga undangon o temporaryong dili magdawat ug mga GSIS loan application ang ilang buhatan. “There are backlogs and delays in the processing but these are technical problems resulting from a new system being interfaced to the old system. But eventually, loans applied for will be released,” sulti ni Rojas sa pakighinabi sa telepono. Nasayran man gud sa City Human Resources Management and Development Office coordinator ngadto sa GISIS nga si Bing Capungan nga matod pa usa ka abiso ang iyang nadawat gikan sa usa ka empleyado sa GSIS nga nailang si Julius Lopez nga sukad pa niadtong milabay nga semana, ang GSIS, nag-undang na sa pagdawat sa mga loan applications sa mga kawani sa city hall. “The word Lopez said was “indefinitely,” and they cannot do anything because it’s nationwide,” rason pa ni Capungan atol sa usa ka pakighinabi ngadto kaniya. Tungod sa maong panghitabo, gipasalig ni Attorney Rojas nga iyang susihon sa maong empleyado sa GSIS nganong nakabungat kini nga gi-undang ang loan application sa ilang ahensya. Gipunting usab ni Rojas nga ang pagkadelatar sa mga loan applications hinungdan sa system congestion tungod sa kadaghang mga aplikasyon ang ilang madawat. Ang tanan nga mga loan applications sa tibuok nasod, didto pa iproseso sa Manila Central Office sa GSIS pinaagi sa usa ka network sa mga automated machines nga gitawag ug ‘kiosk’ nga naka-instalar sa tanang GSIS branches sa tibuok Pilipinas. Si Capungan sa iyang pamahayag nagsulti usab nga bisan tuod nga ang mga kiosk nagtugot na sa mga aplikasyon, dili gihapon kini gilayon nga ma-aprubahan hangtod nga internet connection ngadto sa GSIS, mahingpit gyud. “The LGU will have to check from time to time when their connection to the Internet will improve so they can continue processing of applications with us speedily,” matod usab sa GSIS. Kahinumduman hapit na lima ka tuig karon nga ang buhatan sa GSIS kalit lamang nga mi-undang sa pagproseso sa mga aplikasyon sa loan sa mga empleyado sulod sa upat ka bulan nga mingresulta sa grabeng kalagot ug kaligotgot sa mga empleyado sa gobyerno. (gikan sa report sa CPIO/csulit/pbanat) *88888888 Tuna Festival, gideklarang 2nd Best Festival sa Pilipinas Garbo gyud sa tanan nga nanimuyo sa dakbayan sa Gensan ang pinakabag-ong pasindungog nga na-angkon niini dili pa lang dugay. Niadtong milabay nga adlaw, mismo ang bise presidente sa Tourism Council sa syudad nga si Rey Billena ang mihatod sa mga awards ngadto kang Acting City Mayor Florentina Congson nga nag-ila sa Tuna Festival sa Gensan nga 2nd Best Festival sa tibuok Pilipinas nga gipangunahan sa Dinagyang Festival sa Ilo-ilo City. Matod ni Billena, na-angkon gyud sa Gensan ang ikaduhang puwesto alang sa Chartered City category diin gilangkuban sa sobra singkuwenta ka mga syudad sa Pilipinas. ‘In behalf of the mayor, we will be very happy to have that award,’ pamahayag pa ni acting mayor Congson. Dili lamang ang pisikal nga aspeto sa selebrasyon saTuna Fest ang gitan-aw sa mga hurado apan mas gipalabihan niini ang pagtutok sa pag-usbaw saekonomiya sa Gensan tungod sa industriya sa panagat ug tuna. Nalantaw usab ang todo nga kooperasyon nga gihatag sa lokal nga kagamhanan ug sa pribadong sektor hinungdan nga nahimong mas lingaw, bibo ang Tuna Festival. ‘We are known for being the Tuna Capital of the Philippines,’ sugyot pa ni konsehal Richard Atendido, ang chairman sa Committee on Tourism sa Sangguniang Panlungod. Samtang ang dakbayan usab ang nahimong mananaug sa bidding alang sa host city sa ipahigayon nga Association of Tourism Officers of the Philippines (ATOP) Summit karong sunod tuig, hinungdan nga gibutyag ni Atendido nga karon pa lang grabe na ang ilang mga preparasyon nga gi-andam sa maong panagtigom. Gilantaw usab ni konsehal Atendido ang pagkapili sa Gensan nga maoy mahimong host city sa ATOP SUMMIT nga usa ka timailhan nga ang dakbayan gisaligan gihapon sa ubang mga dapit sa natad sa turismo ug seguridad. ‘Maraming nag-commit na pupunta. In fact may commitment na tayo na more than 500 delegates,’ dugang saysay ni Atendido. Ang Gensan mao usab ang nahimong ikaduhang mananaug sa may pinaka-nindot nga aktibidades ug selebrasyon sa tibuok nasod sa natad sa selebrasyon sa National Tourism Week. (pbanat news desk) *88888888 Pulis sa Lagao, gitaktak sa puwesto kay nanumbag ug sibilyan Hepe, sabit pod Gitaktak sa iyang puwesto ang usa ka pulis nga kanhing nadestino sa Police Station 3 o Lagao PNP human nga gipasakaan ug kaso sa Peoples’ Law Enforcement Board (PLEB) niadtong milabay nga adlaw. Sa report nga nakuha sa Periodico-Banat, naila ang pulis nga usa ka SPO2 Geraldo Cadacio, patrol leader sa Lagao PNP. Dugang sa report, usa ka Arnold Antiporda ang gisumbad matod pa ni Cadacio human nga misulay kini ug ikyaw sa checkpoint nga gihimo sa Lagao PNP tungod kay wala kini dala nga rehistro sa motorsiklo nga gisakyan niini. Sa imbestigasyon sa PLEB nahibaw-an usab nga gigukod pa sa mga pulis ang biktimang si Antiporda ug gipangayoan matod pa ug P200 isip bayad sa gasolina nga nagastos tungod sa pag-gukod kaniya sa mga awtoridad. Pormal na nga gipasakaan ug kasong Misconduct ug Irregularity on the Performance of Duty si Cadacio samtang ang iyang hepe nga si Police Inspector Lauro Espida, lagpot usab sa iyang puwesto ug nahimong Staff Deputy Officer na lamang kini. Ang pulis nga gireklamo nahimo pod nga guwardiya na lamang sa gate sa Camp Lira gikan sa pagka-patrol leader niini. ‘Talagang pre-meditated yung ginawa niya, talagang plano talaga nilang mangotong at saka na prove talaga na talagang kinuha nila ang pera at sinuntok nila, possibly yung maximum pa na penalty na dismissal from service,’ pamahayag ni Reynaldo Tayogom, sa PLEB. Padayon lamang gihapon karon ang pagdungog sa maong kaso may kalabotan sa pulis nga nanumbag sa sibilyan. Si Police Chief Inspector Amante Suriaga na karon ang bag-ong hepe sa Lagao PNP.(pbanat news desk) *888888888 Taga-HBO Sports, nahidangat sa Gensan Mi-abot kagahapong adlawa ang usa ka producer ug ang crew niini sa usa ka iladong cable channel nga HBO dinhi sa dakbayan aron mohimo ug istorya may kalabotan sa kinabuhi ni WBC Lightweight Champion, Manny Pacquiao. Si Steve Boggins, kuyog ang laing duha pa ka mga Amerikano nga crew niini nahimugso sa dakbayan aron lamang makighimamat ug mohimo ug dokumentaryo sa kinabuhi ni Pacquiao nga ilang gihatagan gyud ug dakong bili tungod sa kamatuoran nga gikan kini sa kapobrehon ug karon anaa sa taas nga estado tungod sa isport nga boksing. Matod ni Boggins, kinahanglan gyud nga ang tanang mga tawo sa kalibutan partikular na ang mga Amerikano masayod kung unsa gyud ang pamatasan ni Pacquiao nga ikutlo ngadto kanila sa mga suod ug duol nga higala ug pamilya sa sikat nga boksingero. Buot usab sa crew sa HBO Sports nga masayran ang mga ikasulti sa mga taga-Gensan ngadto sa sikat nga boksingero panahon nga mohatod kini ug dungog sa dakbayan. Pipila ka mga adlaw nga magpabilin dinhi sa syudad ang mga taga-HBO Sports nga gilaumang ang makuha nga dokumentaryo ug istroya ni Pacquiao mao usab ang ipasundayag sa umaabot nga laban niini batok kang Golden Boy Oscar dela Hoya karong Disyembre. Hangtod karon anaa gihapon sa grabeng training si Pacquiao didto sa Amerika ug dako ang pagtuo sa Top Rank Promotions ni Bob Arum nga malagmit makatilaw gyud ug kamang sa lona si dela Hoya gikan sa boksingerong taga-Gensan nga si Pacquiao. (pbanat news desk) *888888888

Babayeng 4-anyos nawala, nakit-an, pero napa-angkan na! Dako gyud ang pasalamat karon sa kabanay sa usa ka babaye nga kapin na sa kuwatro anyos sukad nawala sa ilang poder dinhi sa dakbayan. Sa report nga nakuha sa Periodico-Banat gikan sa buhatan sa National Bureau of Investigation-Sarangani-Gensan (NBI-SARD0) District office, naila ang biktima nga usa ka alyas ESTELITA, tinuod ngalan ug apelyido gitago hamgtong ang pangidaron ug residente sa dakbayn. Ang report usab sa mga awtoridad nagbutyag sa suspek nga usa ka Romeo Andrada nga taga-Tupi, South Cotabato. Base sa inisyal nga imbestigasyon, kalit lamang nga nahanaw ang biktimang si Estelita sa poder sa iyang pamilya niadtong 2004 ug grabeng pinangita-ay gyud ang gihimo sa mga paryente niini. Namatikdan usab nga ang suspek nga si Andrada nahanaw usab sa ilang dapit nga ilaha gihapon nga silingan human nga nawagtang usab ang babayeng biktima. Sa kapin upat ka tuig nga pagkahanaw sa biktima, nagbunga gyud ang panamastamas ngadto kaniya ug ang ilang anak karon mag-edad na ug kapin sa usa ka tuig. Saysay pa ni Estelita nga maglisod gyud siya ug ikyas sa suspetsado sanglit didto kini gidala sa lungsod sa Tupi, South Cotabato ug permanente na lamang ikandado sa usa ka kuwarto ug dili makagawas-gawas. Maayo na lamang nga adunay usa ka insidente nga nakita ang kapamilya sa biktima ug napugos sa pagtug-an an gig-agaw sa suspek kung diin kini nahimutang sa Tupi. Gilayon nga nangayo ug tabang sa mga elemento sa NBI-SarDo ang pamilya sa biktima ug didto gyud ilang malampuson nga nakuha ang biktima kuyog ang anak niini nga ang amahan mao ang suspek nga si Andrada. Matod ni Dante Bono-an ang ahente sa NBI, ila ng gipasakaan ug kasong Forcible Abduction with Rape ang suspek apan sa pagkakaron wala pa gihapon nila kini madakpi sanglit ang orden de aresto wala pa gipanakaug sa korte. Sa pagkakaron, naka-uli na gyud ang biktima ngadto sa iyang tinuod nga pamilya kuyog ang ilang anak nga bunga sa katampalasan sa midagit kaniya. Padayon pang gipangita sa mga awtoridad ang suspetsado. (pbanat news desk) *88888888 Proteksyon sa langub sa SulKud, gipakusgan

ISULAN, Sultan Kudarat – Pinag-iibayo ng lokal na pamahalaan ng Sultan Kudarat ang pagsisikap na mapaunlad ang ugnayan sa ibat’ ibang mga government at non-government cave organizations upang matiyak na naipapatupad ng maayos ang Republic Act 9072 o ang National Caves and Cave Resources Management at Protection Act. Sa ilalim ng Republic Act 9072, ayon kay Environment and Natural Resources Officer Daniel Robles, Sr., nakasaad ang pagbibigay halaga at pagreserba sa mga kuweba ng bansa sa pamamagitan ng pagpapalakas ng ugnayan at pakikipagpalitan ng impormasyon sa pagitan ng mga government authorities at mga concerned individual. Pinangunahan naman ng mga kinatawan mula Sarangani Bay Area Outdoor Club, Inc. (SBAOC) at Philippine Speleological Society, Inc. (PSSI) ang pagbibigay ng kaalaman sa mga “neophyte adventurers” at mga local government officials kaugnay sa cave conservation management; basic caving skills; cave guiding at photography; biodiversity; at karsts landscape, hydrology at management. Naging highlight din ng congress ang caving activity na ginanap sa Catajay, Tinalon at Lagbasan caves na matatagpuan sa Barangay Kuden ng bayan ng Senator Ninoy Aquino. Umaabot naman sa humigit-kumulang 150 na mga “cave enthusiasts” mula sa iba’t ibang cave organizations at local government units ang nakilahok sa 3rd Mindanao-wide caving activity.(AndrewHornales/PPDO-Sultan Kudarat) *88888888 Langub sa SulKud “World-Class” na

ISULAN, Sultan Kudarat – Tinaguriang “world-class” ng mga 3rd Mindanao Caving Congress participants ang mga kuweba ng bayan ng Senator Ninoy Aquino. Ayon kay Philippine Everest Team at pangalawang Pilipino na nakaakyat sa tuktok ng pinakamataas na bundok sa mundo na si Erwin “Pastor” Emata, maidagdag na sa kanyang mga experiences ang makapunta sa kakaiba at “world class” na Lagbasan Cave ng Barangay Kuden, Senator Ninoy Aquino. Ang Lagbasan cave ay isa lamang sa maraming mga kuweba ng Senator Ninoy Aquino na dinarayo ng mga turista at caving enthusiasts, kung saan, makikita ang samu’t saring rock formations na nabuo sa loob ng mahabang panahon. Maliban kay Emata, namangha rin ang iba pang mga cavers na nagmumula sa Sarangani Bay Area Outdoor Club, Inc. (SBAOC) at ang Philippine Speleological Society, Inc. na pawang mga hosts ng 3rd Mindanao Caving Congress. Nakiisa rin sa naturang activity na nagsimula noong ika 2 hanggang ika 6 ng Oktubre ang ilang mga estudyante; guro; kawani ng pamahalaan mula sa Compostela Valley, South Cotabato at Sultan Kudarat; at mga cavers mula sa iba’t ibang Local Government Units. Nagpahayag naman ng tiwala ang Senator Ninoy Aquino na sa pamamagitan ng Caving Congress ay lalo pang mapalakas ang turismo ng Sultan Kudarat na maglalagay naman sa mga local wonders sa hanay ng mga magagandang destinasyon hindi lamang sa Pilipinas kundi pati na rin sa buong mundo. (AndrewHornales/PPDO-Sultan Kudarat) *88888888 Opisyal sa SMI, mi-ani ug pasidungog Usa na pod ka kadaugan karon sa higanteng kumpanya sa mina nga Sagittarius Mines, Inc (SMI) human usa ka opisyal niini mao ang napiling ‘Outstanding Social and Environmental Superintendent of the Philippines’ sa Press Media Affair (PMA) dili pa lang dugay. Sa report nga nakaabot sa Periodico-Banat, si Social and Environment Superintendent Jose ‘Buth’ Sebua, mao gyud ang napili-an sa PMA nga mamahimong Outstanding Environmental Superintendent. Ang maong pasidungog na-angkon gyud sa opisyal sa SMI tungod usab sa hiningusgang kampanya niini ngadto sa Kinaiyahan partikular na ang mga palibot sa Tampakan Copper-Gold Project sa lungsod sa Tampakan, South Cotabato. Ang maong proyekto usab nakasentro sa mga dapit sa Columbio, Sultan Kudarat ug Kiblawan, Davao del Sur. Kahibaloan na nga ang SMI daghan na gyud nga mga programa alang sa Kinaiyahan ang namugna ug na-implementar sama sa paghimo ug mga environmental studies sa mga buyog ug alibangbang u gang Maleh To Kayu. Kining mga programa anaa sa five-year comprehensive program sa SMI nga nagtumong sa pag-ayo sa kapin 500 ektarya nga kalasangan. Ang PMA usa ka hugpong sa mga biographical compilers ug researchers sa mga nag-unang mga tawo sa nagkalain-lain nga hut-ong sa komunidad. (pbanat news desk) *8888888

periodicobanat (oktubre 9, 2008)

TASK FORCE MAKIMA- Makita dinhi si PNP-12 Director, PCSUPT Felizardo Serapio (naglingkod ug nagtudlo) kuyog ang mga alkalde nga sila si (gikan sa wala ug nagtindog) Rom Falgui sa Kiamba ug Jojo Lopez sa Maasim. Samtang si Sarangani Vice Governor, Steve Solon (sunod ni Lopez) ug Maitum Mayor Elsie Perret (naglingkod) lakip na si Sarangani Province Governor, Migs Dominguez (nag-atubang kang Serapio) naminaw ug ensakto human nga pormal nga gimugna ang Task Force MAKIMA (Maasim-Kiamba-Maitum). (sarpio photo/pbanat caption) *888888888 HEADLINER: Human nga nasamdan sa engkwentro 2 ka MILF nga mi-atake sa Kiamba, mingsurender Duha ka mga lider ug kumander sa rebeldeng Moro Islamic Liberation Front (MILF) nga maoy responsable sa pagpangatake sa Barangay Gasi ug Kling Plantation sa Kiamba, Sarangani Province ang mitahan sa ilang kaugalingon kagahapong adlawa human kini nagsamdan sa pinakabag-ong engkwentro sa mga sundalo ug MILF sa Barangay Daut Dani, sa Kiamba gihapon kagahapon. Sa report nga naka-abot sa Periodico-Banat, naila ang duha ka mga MILF members nga sila Rico Watamama, deputy brigade commander sa 107th Base Command sa MILF ug Nasser Bagsil nga usa pod ka taas nga opisyal sa maong hugpong. Nakuha gikan sa posesyon ni Watamama ang usa ka Garand Rifle ug ubay-ubay nga kilo sa Ammonium Nitrate, usa sa mga sangkap sa pag-gama ug bomba. Dugang sa report nasamdan gyud ang duha ka mga sakop sa MILF tungod sa gihimong hot pursuit operations sa mga sundalo sa 73rd Infantry Battalion ug didto nagka-abot gyud sa Barangay Datu Dani diin nakuha ang duha ka mga suspetsado. Tungod sa nahiaguman nga samad, dali nga gihatod sa usa ka balay tambalanan dinhi sa dakbayan ang duha ka mga rebelde ug dako ang paglaum sa mga awtoridad nga daghan gyud nga mga impormasyon ang ilang mahipos panahon nga puwede ng imbestigahan ang duha ka mga suspek. Matod ni 73rd IB Commander, Lt. Col. Boogie de Leon, mismong kay Kiamba Mayor, Rom Falgui pa mihatod ug mga surrender feelers and duha ka mga suspek hinungdan nga nakuha gyud kini sa mga awtoridad. Hangtod karon nagpabilin pa gihapon sa taas kaayo nga alerto ang Maasim-Kiamba-Maitum (MAKIMA) tungod sa padayong engkuwentro sa gobyerno ug mga Lawless MILF Groups (LMG). (pbanat news desk) *88888888 2 ka mga sundalo, angol sa giyera sa Kiamba Gidali ug dala karon sa balay tambalanan ang duha ka mga sakop sa 73rd Infantry Battalion sa AFP human kini nasamdan sa engkuwentro tali sa mga grupo sa Lawless MILF Group (LMG) didto sa Sitio Kuwago, Barangay Datu Dani, Kiamba Sarangani Province niadtong milabay nga adlaw. Sa report nga nakuha sa Periodico-Banat, maayo gyud nga pagka-igo sa tuong kamot niini si Private First Class Ebeneser Libres ug Private First Class Judy Galvez nga naigo sa iyang wala nga abaga human nga nagbinaylo-ay ug bala ang duha ka mga grupo. Dugang sa report, ang grupo sa mga sundalo padulong na unta sa balay nga ginatago-an base sa usa ka impormasyon sa mga suspek nga misunog ug mi-atake sa Barangay Gasi ug Kling Plantation sayo ning semanaha apan ang misugat ngadto kanila mao ang mga bala sa kalaban nga puwersa. Pagkahuman sa taas-taas nga giyera, nasayran sa mga sundalo nga ang duha ka mga tag-as nga opisyal sa 107TH Base Command sa MILF nga sila Nasser Bagsil ug Rico Watamama nagpadala na ug senyales nga mo-surender human nga nasamdan usab sila atol sa engkuwentro. Gidali dayon ug dala sa balay tambalanan ang duha ka mga sundalo nga bisan pa man nga nagkalisod pa tungod sa nahiaguman nga samad, nagpasalig gyud kini nga magpa-paspas ug rekober aron makabalik sa ilang kampo alang sa sunod nila nga operasyon. GIbutyag usab sa duha ka mga sundalo nga todo suporta gyud ang kasundalohan ug lokal nga panggamhanan sa Sarangani ug Kiamba hinungdan nga pursigido sila nga makabalik gilayon sa ilang mga tropa. Matod ni Galvez, nadawat na niini ang iyang kahimtang isip tigpanalipod sa katawhan sanglt usa siya ka sundalo. ‘Ganun talaga sir, weather-weather lang yan’ dason pa sa nasamdan nga sundalo. Panahon nga mauli-an na, nag-atang na usab sa duha ka mga sundalo ang ganti sa ilang kaisog pinaagi sa usa ka medalya ug insentibo. (pbanat news desk) *88888888 Kapitan sa Datu Dani, posibleng imbestigahan Gisulti karon sa labaw sa 73RD Infantry Battalion sa Philippine Army nga posibleng ma-imbestigahan ug ipatawag gyud ang kapitan sa Barangay Datu Dani sa Kiamba, Sarangani human nga nadiskubrehan nga sa maong barangay nagtago-tago lamang ang duha ka mga suspek sa pagpangatake ug pagpangsunog sa Barangay Gasi ug Kling Plantation sayo ning semanaha. Matod ni Lt. Col. Boogie de Leon, ang labaw sa 73rd IB, kuwestiyonable kaayo nganong wala masayod si Kapitan Moner Wata nga may mga taong gawas nga nakasulod na sa iyang barangay. ‘Hindi ko po masabi categorically na he is coddling but isang bagay po ang puwedeng masabi natin dito na mukhang questionable kung kaya ba niya kontrolin yung barangay niya at hindi niya nalalaman kung talagang sinsabi niya na nung panahon na yun ay walang armadong grupo sa barangay niya,’ pamahayag pa ni Colonel de Leon. Abtik dayon nga midepensa si Wata may kalabotan sa gipamahayag sa mga sundalo ngadto kaniya. Matod ni Wata dili tanang mga lihok sa iyangmga residente iyang masayran ilabi na kadtong nanimuyo sa taas nga mga kabukiran. ‘Hindi mo makokontrol yan, kaya sinabi ko doon kay Colonel de Leon we only rely information from IP’s. So, ang IP’s naman pag sinabi sa amin na paganun yun din ang sasabihin namin,’ depensa pa ni Wata. Sa nakalabay nga Peace and Order Council Meeting sa Kiamba, una ng nagbahad ang lokal nga mga opisyales ngadto sa tanang mga kapitanes nga manubag gyud kini panahon nga masayran nga may mga dautang elemento ang manimuyo ug magtago-tago sa ilang mga barangay. Gisugyot karon sa mga sundalo ug sa mga opisyales sa Kiamba nga angayan gyud nga tubagon ni Wata ang maong insidente. Gikumpirma usab sa kapitan nga bisan unsang orasa andam siyang mo-atubang ug motubag sa imbestigasyon nga ipahinungod ngadto kaniya. (pbanat news desk) *88888888 Kumander Bukay, nanawagan nga pasaylo-on na lamang si Teehankee Nanawagan karon si Norberto Manero alyas Kumander Bukay ngadto sa pamilya sa mga Hultman ug Chapman nga pasaylo-on na lamang ang kaubanan nga preso niini didto sa Muntinlupa nga si Claudio Teehankee, Jr., anak sa kanhing Chief Justice sa Supreme Court nga si Claudio Teehankee, Sr. Sa usa ka pamahayag sa ABSCBN, gisulti gyud ni Manero nga iyang nakita si Teehankee nga nagbasol ug nagbag-o na human nga siya nasentensyahan tungod sa pagpusil-patay sa duha ka mga batan-on pipila ka dekada na ang milabay didto sa Manila. Matod ni Manero, ang tanan nga mga preso dapat gyud hatagan ug tsansa nga ipakita sa katilingban nga may katungod sila nga dawaton pag-usab ug mamahimong prodaktibong miyembro sa sosyedad. Si Manero nga anaa na karon nanimuyo sa usa ka barangay sa lungsod sa Malungon, Sarangani Province, kuntento na gyud sa iyang kinabuhi kuyog ang iyang asawa ug pamilya. Bisan si Malungon Mayor, Reynaldo Constantino nanghinaut nga magpadayon na gyud ang pagbag-o sa iladong lider sa vigilante group nga ILAGA sa dekada 80. Si Manero na sentensyahan ug pagkabilanggo sa iyang tibuok kinabuhi human nga gipatay niini ang Italyanong pari. Pagkahuman sa kapin 25 anyos nga pagka-preso nahatagan kini ug executive clemency ug pardon ni Presidente Gloria Arroyo. (pbanat news desk) *88888888 Drayber sa habal-habal gidunggab ug icepick, luwas gihapon Naluwas gyud sa kamatayon ang usa ka ulitawo nga drayber ug usa ka habal-habal human kini nga gidunggab ug ice pick sa duha ka mga gidudahang mga carnapper didto sa Barangay Apopong, niadtong milabay nga adlaw. Ang report sa kapulisan nag-ila sa biktima nga usa ka Joselito Dimas, alyas Litoy ug residente sa Apopong Gensan. Matod sa inisyal nga imbestigasyon duha ka mga batan-on ang mikontrata ngadto sa biktima nga magpahatod sa Barangay Apopong, alas-dose sa udto niadtong milabay nga adlaw apan pag-abot nila sa sagbuton nga bahin sa maong barangay kalit lamang kini mipara ug dayon hansak kaniya ug ice pick. Maayo na lamang nga nakasinggit kini ug nakapangayo ug tabang apan ang motorsiklo niini nadagit gyud sa mga suspetsado. Pero, maayo na lamang ka yang motorsiklo sa biktima na-rekober dayon didto sa Purok Lanton, Barangay Apopong lang gihapon human kini nahulog sa usa ka creek ug gi-abandona na lamang sa mga suspetsado. Sa usa ka pakighinabi sa biktima gisulti gyud niini nga dili na kini mo-usab sa iyang trabaho isip habal-habal drayber sanglit bisan udtong tutok, dili gyud makumpiyansahan ang mga kriminal. Mangita na lamang si Dimas ug laing trabaho nga layo sa peligro aron masalbar ang kinabuhi niini. Padayon pang gipangita sa kapulisan ang mga responsable sa maong krimen samtang si Dimas padayon pang nagpa-ayo sa dinunggaban sa ice pick. (pbanat news desk) *88888888

Task Force MAKIMA, gimugna! Usa gyud ka Task Force ang gimugna karon sa lalawigan sa Sarangani ug sa Regional PNP Office 12 aron tubagon ug mahatagan ug igong solusyon ang padayong problema nga gisag-ubang sa mga lungsod sa Maasim, Kiamba ug Maitum tungod sa padayong pagpanghasi sa rebeldeng grupo sa Moro Islamic Liberation Front (MILF). Pormal na gyud nga mihimo ang PNP-12 kuyog ang tulo ka mga mayores sa tulo ka mga lungsod ug sa amahan sa lalawigan nga si Gobernador Miguel Rene Dominguez ug bise gobernador Steve Solon. Matod ni PNP-12 Chief, General Felizardo Serapio, Jr., ang TASK FORCE MAKIMA maoy mag-una sa tactical operations, legal offensives ug rehabilitasyon sa mga dapit nga naapektuhan sa kagubot. Nahimong pangulo sa Task Force si Sarangani PNP Provincial Director, PSSUPT Danilo Peralta nga gi-abagahan sa mga opisyal sa armadong kusog sa Pilipinas, mga alkalde u gang mga Municipal Chiefs of Police sa tulo ka mga lungsod. Isip parte sa kagamhanang probinsyal, nagpasalig gyud si Gobernador Dominguez ug si bise gobernador Steve Solon nga maoy magpondo sa maong Task Force aron mamahimo kining mas epektibo. Sa pagkamugna sa Task Force MAKIMA, nadiskusyonan gyud ang mga depensa nga bag-o sa mga kabukiran ug kabay-bayonan sa tulo ka mga apektadong lungsod. Ang mga ahensya sa Department of Health, Regional Disaster Coordinating Council ug Department of Social Welfare and Development sa Rehiyon 12, aduna usab dako nga papel sa gihimong task force. Tungod kay ang tulo ka lungsod daplin man sa dagat, ang PRO-12 Seaborne Patrol mao ang manguna sa operasyon sa tubig ug mao usab ang mohatod sa mga search warrants sa mga panimalay nila Victor Wataman, M E Malanatas ug Tawasin Sulani. Pinaagi kang PCSUPT Felizardo Serapio, Jr., daghang mga taktika ang namugna u gang bahin sa legal nga pamaagi gisagop usab ni PCSUPT Felicisimo Khu, ang Deputy Regional Director nga usa usab ka abogado. (pbanat news desk) *88888888888 Pulis versus pulis, 1 patay! Usa gyud ang nakabsan ug kinabuhi niadtong milabay nga adlaw sa syudad sa Cotabato City human nag-unay lang ug pinusilay ang duha ka mga sakop sa Philippine National Police didto sa buhatan sa Department of Environment and Natural Resources (DENR) sa Autonomous Region in Muslim Mindanao compound. Sa report nga gipaabot ni Cotabato City PNP Director, PSSUPT Wille Dangane, naila ang suspek nga usa ka PO1 Shamer Emblawa ug ang iyang biktima mao ang usa ka PO1 Naroh Kamaong. Ang inisyal nga imbestigasyon sa Cotabato City PNP nagbutyag nga adunay nahitabo nga grabeng panaglalis tali sa biktima ug sa suspek nga pulis nga mao usab ang anak ni DENR Regional Secretary Datu Kabuntalan Emblawa. Ang pulis nga napatay nahibaw-an usab nga mao ang escort ug bodyguard sa amahan sa suspek nga mao ang opisyal sa DENR. Si Emblawa ug Kamaong matod ni Dangane magparyente lamang. Kagahapong adlawa, pormal nga misurender sa mga opisyales sa kapulisan ang nakapusil nga si PO1 Emblawa ug gisulti niini nga andam nga mosumitir sa iyang kaugalingon sa usa ka imbestigasyon. Sa iyang bahin mihatag usab sa iyang pamahayag ang opisyal sa DENR nga amahan usab sa suspek ug namahayag nga igo lamang nagprotekta ang iyang anak ngadto kaniya. Matod ni Secretary Emblawa, ang biktimang si Kamaong matod pa suspetsyoso kaayo ang nilihokan sulod sa buhatan sa DENR-ARMM. Dugang sa tigulang nga si Emblawa, nagbitbit na sa iyang pusil si Kamaong sulod sa maong buhatan bisan pa nga adunay mando na nga bawal ang mag-display ug mga armas de fuego ang mga security escorts sulod sa ganghaan sa Regional Center. Tungod matod pa nga adunay nahitabo nga wala pagsinabtanay tali kang Kamaong ug sa amahan nga Emblawa, igo lamang nga miprotekta ang iyang anak ug gipusil si Kamaong sa paghuna-huna nga kalit lamang kining mamusil sa mga tawo nga anaa sa sulod sa DENR-ARMM. Matod ni Colonel Dangane, aduna nay gihimong amicable settlement sa duha ka mga partido tungod kay magparyente lamang kini. Wala pa hinuon resulta sa sabot-sabot sa duha ka pamilya apan malaumon ang kapulisan nga masulbad gilayon ang maong insidente sa dili madugay nga panahon. (pbanat news desk) *8888888 Turismo sa Rehiyon 12, mikunhod tungod sa kagubot Aminado karon ang pipila ka mga opisyales sa rehiyon 12 nga ang nag-unang rason sa kalit nga pagkunhod sa pagdagsa sa mga turista sa tibuok rehiyon mao ang padayong kagubot tali sa Armadong Kusog sa Pilipinas ug sa rebeldeng grupo sa Moro Islamic Liberation Front. Sa usa ka report sa National Economic and Development Authority (NEDA) nga nahipatik sa Mindanews, karong tuiga lamang sugod sa Enero ngadto sa Hunyo, anaa sa 293,937 ka mga turista ang mibisita sa rehiyon. Apan, ang maong ihap hamubo ug otso porsiyento sa 319, 508 nga tourist arrivals niadtong milabay nga tuig sa susama nga mga petsa. Sa ihap karong tuiga, 292,675 niini mga domestic o lokal nga turista ug aduna lamang 1,262 ka mga langyaw nga turista ang nahidangat sa Rehiyon 12. Miagingtuig, adunay 317,277 ka mga lokal nga turista ang nahidangat ug 2,231 ang mga langyaw o foreigners. Ang rehiyon 12 gilangkuban sa mga lalawigan sa South Cotabato, North Cotabato, Sultan Kudarat ug Sarangani samtang ang mga syudad niini mao ang General Santos, Koronadal, Kidapawan, Tacurong ug Cotabato. “The armed conflict in parts of the region is largely to blame for the decline in tourist arrivals. Publicity for the region has been bad,” matod ni Ma. Lourdes D. Lim, acting chair sa Regional Development Council. Ang pagbalik sa kagubot ug mga pagpamomba sa nagkalain-laing dapit susama sa Kalamansig, Sultan Kudarat sa katapusan sa Abril ug sa Maitum, Sarangani sa katapusan sa Hunyo maoy nakatuklod sa mga foreign embassies nga mopakanaug ug travel advisories dinhi sa Mindanao. “Advisories of embassies banning the travel of constituents to areas in Mindanao, including Region 12, because of unstable peace and order situation, caused the drop in foreign tourists to about 43%,” dugang sa regional NEDA report. Si Lim nga mao usab ang NEDA Regional Director nag-awhag karon sa mga miyembro sa RDC nga gilangkuban sa mga labaw sa government line agencies, mga alkalde sa mga lungsod, ug private sektor nga kinahanglan makigkumbate gyud sa negatibong publisidad aron ma-engganyo ug balik ang mga turista. Nahibaloan usab sa pinakabag-ong RDC Meeting nga usa ka sugyot nga maghimo ug tourism summit sa dili pa matapos ang tuig aron mabawi ang nagkagidlay na nga turismo sa rehiyon 12. Gitan-aw usab karon sa NEDA ang usa ka rason nganong mihinay ang dagan sa turismo sa rehiyon ug ilang nahibaloan nga tungod usab kini sa nagkataas nga transportation cost tungod usab sa pag-usbaw sa presyo sa lana. Matod ni Cesar Sulit, Jr., ang bise presidente sa Mindanao sa Association of Tourism Officers of the Philippines, Inc. nga bisan tuod nga ang kagubot anaa lamang sa mga hilit nga dapit sa Mindanao, apan ang tibuok isla gyud ang apektado. “The conflict is limited to certain areas but the whole of Mindanao is affected,” sulti ni Sulit. Midason pa si Sulit, nga mao usab ang Tourism Officer sa lalawigan sa South Cotabato nga kinahanglan gyud ug hiningusgang promotional activities sa matag lungsod sa Rehiyon 12. “The conflict has been in North Cotabato but South Cotabato, which is peaceful, has been dragged. In our case, we promote our province by ourselves,” panapos pa niini. (pbanat news desk) *8888888888 Our Lady of Peace & Good Voyage sa Gensan, 50 anyos na! Singkuwenta anyos na gyud ang Our Lady of Peace and Good Voyage Parish karong bulan sa Oktubre. Karong umaabot nga Oktubre 13, mamahimo na gyud kining 50 anyos ug daghang mga aktibidades ang nakalinya na alang sa dakong selebrasyon. Gibitbit nga tema ang OLPGV at 50! Journeying with Mary. Nahimong chairman sa anibersaryo si Fr. Edward Loberiano., CP. Ang OLPGV nga mas naila usab nga Dadiangas Parish gidumala sa Passionist Congregation. Pipila sa mga Passionist nga mga pari nga nag-alagad sa OLPGV Parish mao sila Fr. Paul Plaza, CP, Fr. Leo Acierto, CP, Fr. Brando Recaña, CP, Fr. Ramon Ramos, CP, Fr. Henry Free, CP, Fr. Deo Sustiguer, CP, Fr. Nonoy Plaza, CP, Fr. Gabriel Baldostamon, CP, Fr. Nonito Adorable, CP, Fr. Manny Gellez, CP, Fr. James Oclarit, CP. Sukad pa niadtong Oktubre 1, may mga aktibidades na alang sa kasumaran niini ang gipasi-ugdahan. May mga Trade Fair, Novena Masses, Kasalan sa Parokya, Children’s Fun Day, Tree Growing, Variety Show, Panulo sa Kadalanan, Motorcade, Pontifical Maas a piyesta mismo nga i-selebrar ni Bishop Dinualdo Gutierrez. (gikan sa report ni bariles republic/pbanat news desk) *8888888888

periodicobanat (oktubre 8, 2008)

PANAGTIGOM- Si PNP-12 Director, Chief Supt. Felizardo Serapio (naglingkod sa tuo)mihatag ug katin-awan atol sa gipahigayon nga Joint Philippine National Police-Armed Forces of the Philippines-Local Chief Executives meeting kagahapong adlawa sa lungsod sa Kiamba, Sarangani Province may kalabotan sa operasyon sa kapulisan ngadto sa hugpong sa 105th base command sa Moro Islamic Liberation Front nga bag-ohay lamang misunog sa barangay hall, day care center ug laing tulo pa ka mga edipisyo sa barangay Gasi. Usa na ka search ug manhunt operation ang gihimo karon sa mga pulis batok sa mga rebelde nga gituohang anaa lamang sa palibot. (kuha ni Russtum Pelima/sarpio/pbanat caption) HEADLINER: Ex-mayor Reganit, mobalik sa pulitika sa Maitum! Kumpirmado na gyud nga ang kanhing mayor ug maoy gitudlong suspek sa kamatayon ni anhing Maitum, Sarangani Mayor, George Yabes nga si Felix Reganit mobalik na gyud sa renda sa panggamhanan karong umaabot nga 2010 elections human nakadesisyon kini nga mopapili pag-usab isip alkalde sa maong lungsod. Sa usa ka pamahayag ni Reganit sa ABSCBN, giklaro niini nga buot lamang niining mahimong campaign manager sa panahon sa eleksyon apan, aron mapamatud-an nga inosente siya sa mga pasangil nga matod pa siya ang nagpasi-ugda sa kamatayon ni ex-mayor George Yabes, kinahanglan gyud niini nga mobalik sa natad sa pulitika. Kung sa mga milabay nga adlaw, nagtago-tago si Reganit tungod sa kabalaka nga adunay dautang mahitabo kaniya human nga gibawi sa korte sa Sarangani ang Warrant of Arrest sa kasong murder ngadto kaniya, mipatim-aw na gyud kini sa publiko partikular na sa Maitum. Si Reganit kuyog ang pipila ka mga iladong pulitiko sa Sarangani nanghatag ug mga gamit sa eskwelahan sama sa bag ug uban pa sa usa ka tunghaan didto. Gipanghatag ni Reganit ang mga school bags nga may pangalan ni WBC Lightweight Champion, Manny Pacquiao nga una ng nagdeklarar nga mag-kongresman sa nag-inusarang distrito sa lalawigan sa Sarangani. Hinuon, gitin-aw ni Reganit nga panahon nga iyang makita nga maayo ang pagpadagan sa kasamtangang administrasyon sa Maitum, dili na lamang siya modagan ug dili na niya ‘katalohin’ ang renda sa panggamhanan ni Mayor Elsie Perret. Kahinumduman nga halos duha pod ka tuig nga nagtago-tago si ex-mayor Reganit human nga siya ang gitudlo nga mastermind sa kamatayon ni Yabes. Apan ang usa sa mga suspek nga anaa pa gihapon sa Sarangani Provincial Jail nagtudlo usab ngadto sa pamilyang Perret nga maoy financier sa paglikida kang Yabes. Paspas hinuon nga mitubag ug gipanghimakak ni Maitum Mayor, Elsie Perret ang maong pasangil sa nadakpang suspetsado. Matod ni Perret, dugay na nga na-istoryahan sa pamilyang Yabes ug Perret ang kabahin sa maong kaso ug nag-establisar gyud nga wala sila’y kalambigitan sa pagpusil-patay sa iladong alkalde sa Maitum. *8888888 166 ka mga kaso gisang-at batok Umbra Kato Moabot gyud ngadto sa 166 ka mga kasong kriminal ang gipasaka sa Task Force Palma-PB sa PNP-12 ngadto kang Kumander Ameril Umbra Kato ug mga sakop niini sa 105th Base Command sa MILF. Sa usa ka report nga gipaabot sa Periodico-Banat sa PNP-12, gibutyag gyud sa kapulisan nga tungod sa pagpanghasi sa grupo ni Kato miabot na gyud karon sa 16,855 ka mga biktima ang anaa karon sa mga evacuation centers ug may laing 10,100 pa ang anaa sa gawas sa mga evacuation sites. Ang TF PALMA-PB nga nagkahulogan nga Task Force Pigcawayan-Aleosan-Libungan-Midsayap-Alamada-Pikit-Banisilan mao gyud ang pinakasentro sa kagubot human nga midesisyon ang korte suprema nga ibasura ang sabot-sabot sa Gobyerno ug sa hugpong sa MILF nga Memorandum on Agreement-on Ancestral Domain (MOA-AD). Sa talaan sa TF PALMA-PB Legal Offensives nga gipangunahan ni PCSUPT, Attorney, Felicisimo Khu, Jr., ang 166 ka mga kason gilangkuban sa 68 ka mga arson cases, 62 ka robbery in band cases, 4 murder, 18 attempted murder, 2 serious illegal detention,2 grave coercion, 4 malicious mischief, 3 qualified thefts, 2 anti-cattlerustling ug usa ka frustrated murder. 125 sa mga kaso nga gisang-at sa grupo ni Kato nahitabo sa lungsod sa Aleosan, Cotabato. Sa iyang pamahayag, giklaro gyud ni TF-PALMA-PB Overall Commander, PCSUPT Felizardo Serapio, Jr., nga ang kasabotan sa kalinaw kinahanglan gyud nga nakabase sa hustisya ug aron mapamatud-an nga sinsero ang MILF, dapat gyud nga ila ng ihatag ngadto sa kagamhanan ang mga kumander niini nga sila si Umbra Kato, Bravo ug Pangalian aron atubangon ang mga akusasyon ngadto kanila. “The accused were historically the recalcitrant MILF members. We have enough troops to address the situation, protect the people and prevent the LMGs from further terrorizing the people. PNP Regional Mobile Groups from regions 6, 8, and 11 augmented the 8th PNP SAC, RMG 12 and the local police. The troops regularly conduct police visibility, especially prophylactic patrols, one kilometer radius from the established strongpoint detachments,” dugang saysay pa ni Serapio. (pbanat news desk) *888888 DTI-Sarangani, milihok na batok ‘milk scare’ Wala gyud magpa-ulahi ang buhatan sa Department of Trade and Industry sa Sarangani Province ug mihimo usab kini ug mga pagpangsusi ngadto sa mga nag-unang establisyemento sa tibuok lalawigan. Niadtong milabay nga adlaw, ginagunahan mismo ni DTI Provincial Director Nenita Barroso kuyog ang mga representante sa Bureau of Food and Drugs ug Provincial Agriculture Office ang pag-inspeksyon sa mga tindahan sa sentro sa lalawigan, ang lungsod sa Alabel. Mihimo gilayon ang grupo ni Barroso ug mga inventory sa mga baligyang pagkaon ilabi na kadtong mga produkto nga gihimo gikan sa nasod Tsina partikular na ang mga gatas ug may mga gatas nga sangkap. Ang kalihokan usab sa DTI gisubay sa kasaulogan sa Consumer Welfare Month nga gisaulog sa tibuok nasod. (pbanat news desk) *88888888 2 ka taga-LTO, sikop sa kotong! Wala na gyud mahimo ang duha ka mga empleyado ug traffic enforcers sa buhatan sa Land Transportation Office (LTO) didto sa syudad sa Koronadal, South Cotabato human nadakpan sa akto sa mga pulis pinaagi sa usa ka entrapment operation nga nangotong sa mga motorista niadtong milabay nga adlaw. Sa report nga gipaabot sa PNP-12, nadakpan gyud sa akto ang mga suspek nga nailang sila Salipuna Kanibpal Mangudadatu, 41 anyos, organic personnel sa LTO Koronadal District ug Denzer Perez, 33 anyos ug usa ka LTO Deptized Agent. Matod ni South Cotabato PNP Provincial Director, PSSUPT Robert Kiunisala, usa ka team sa Intelligence Office ang mipahigayon ug entrapment operations human nga daghang mga reklamo ang nadawat sa iyang buhatan gikan sa mga motorista tungod sa grabeng pagpangotong nga gihimo sa duha ka mga nadakpan. Malampusong nakuha gyud sa duha ka mga taga-LTO ang kuwarta nga nagkantidad ug P1,280.00, usa ka kalibre .45 Colt MKIV pistol, lima ka mga buhing balas a .45, 2 ka magazine assembly, 2 ka botelya sa White Castle Whisky u gang P500 nga marked money. Gi-andam na karon ang kasong bayolasyon sa anti-graft and corrupt practices act, illegal possession of firearms and ammunitions ug uban pang mga administratibong kalapasan. Tungod sa malampusong pagpakgang sa duha ka mga kotong boys sa LTO nahimuot gyud ug maayo si Central Mindanao PNP Chief, PCSUPT Felizardo Serapio, Jr. “The problem (on kotong) is not prevalent in our region, but we want to have a pro-active approach on the matter. Anybody who might forget the policy will be reminded,” pamahayag ni Serapio. Tumong lamang sa kapulisan nga mahatagan ug igong proteksyon ang mga motorista, tindera, negosyante ug mga biyahedor gikan sa mga kurakot nga pulis ug empleyado sa gobyerno. “We are encouraging them to give information para masugpo natin ang problema sa kotong. Sabi nga nila pagka nagpapapatuloy ang kotong, tataas ang presyo ng mga bilihin dahil babawiin din ng mga negosyante ang cost o pera na kanilang ibinibigay sa mga nagko-kotong,” panapos pa ni PCSUPT SERAPIO.(pbanat news desk) *888888 Taga-Maitum, dismayado sa pagbawi sa Warrant of Arrest ni Reganit Dismayado karon ang pipila ka mga residente sa lungsod sa Maitum, Sarangani Province human nga gibawi sa korte ang orden de aresto nga gipakanaug niini batok sa nag-unang suspek sa kamatayon sa anhing mayor sa maong lungsod nga si George Yabes. Sa usa ka pamahayag, mismong si Maitum Mayor, Elsie Perret nagpatin-aw gyud kung unsa ka dismayado ang katawhan sa nahitabong pagbawi sa korte sa orden de aresto sa kanhing mayor nga si Felix Reganit. ‘Nangyari nga naman, dismayado masyado ang mga tao dito,’ hamubo nga pamahayag ni Perret. Sa pagkakaron nahibaloan nga plano na sa pamilyang Yabes nga mohimo ug petisyon ngadto sa korte nga ibalik ang warrant of arrest ni Reganit. Hinuon, wala pa mohatag sa ilang opisyal nga pamahayag ang pamilya sa gipusil nga alkalde apan, daghan gyud ang nadismaya ilabi na ang mga die-hard supporters sa napatay nga mayor. Sa iyang bahin, buot usab ni ex-mayor Felix Reganit nga mapamatud-an nga wala gyud siya’y sala ug inosente siya sa kasong pagpatay ngadto kang Yabes hinungdan nga nagplano na kini karon ug pagbalik sa natad sa pulitika karong umaabot nga 2010 elections. (pbanat news desk) *8888888

Sakop sa CIDG, gipusil-patay

Wala na gyud kinabuhi nga miabot sa balay-tambalanan ang usa ka sakop sa Criminal Investigation and Detection Group (CIDG-XI) nga nadestino didto sa Rehiyon XI, human kini gipusil-patay sa dakbayan sa Cotabato niadtong milabay nga adlaw. Sa report ni Cotabato City PNP Director, PSSUPT Willie Dangane, gibutyag niini nga usa ka SPO1 Bonifacio Sales, sakop sa CIDG-XI ang kalit lamang nga gipusil samtang nagsakay sa iyang motorsiklo sa may Notre Dame Avenue sa maong dapit. Dugang ni Dangane nga ang duha ka mga suspek nagsakay usab ug motorsiklo human mipusil sa biktima gamit ang usa ka M-16 Armalite rifle. Pagka-igo sa biktima, mikanaug pa ang usa sa mga wala mailhing suspetsado ug gikuha ang .45 nga pistola sa biktima ug gipusil pa ngadto kaniya hinungdan sa iyang hinanaling kamatayon. Padayon pang gigukod karon sa Cotabato City PNP ang mga responsable nga yano lamang misibat pagkahuman sa insidente. (pbanat news desk) *888888 Babaye, naglaslas ug pulso tungod sa selos Grabe gyud diay ang gugma nga gibati sa usa ka alyas Inday nga taga-Lagao ning dakbayan ngadto sa iyang uyab sanglit mikalit lamang kini ug hukom nga maglaslas sa iyang pulso tungod sa grabeng selos. Ang report nga nakuha sa Periodico-Banat kagahapon sa General Santos City Emergency Hospital nagbutyag nga gidali ug dala sa mga kabanay si alyas Inday human nga nasuta niini nga grabe na kaayo kadako ang hiwa sa pulso niini tungod sa matod pa grabeng pagpanelos ngadto sa iyang uyab. Matod sa Lagao PNP, naghilak-hilak pa si alyas Inday tungod gidudahan niini nga ang iyang uyab aduna nay lain nga gimahal hinungdan nga gihimo niini ang pagpakamatay apan napakyas tungod kay gidali ug dala sa balay-tambalanan. Padayon pa karon nga gi-obserbahan ang kahimtang sa biktimang naglaslas ang pulso tungod sa sobrang gugma ug selos. Hangtod karon nagpabilin pa sa General Santos City Emergency Hospital ang biktima. (pbanat news desk) *8888888 AFP Chief, mibisita sa SOCSKSARGEN Mibisita niadtong milabay nga adlaw ang labaw sa Armadong Kusog sa Pilipinas aron pormal nga kamustahon ug hatagan ug moral ang mga sundalo sa SOCSKSARGEN Region nga padayon sa pakigbisog batok sa mga rebeldeng moro sa Moro Islamic Liberation Front (MILF). Si AFP Chief of Staff, General Alexander Yano sa pagbisita niini sa mga kampo sa militar sa Sultan Kudarat nanghatag pa ug mga cellphone loads aron may magamit ang mga sundalo sa pagkontak sa ilang tagsa-tagsa ka mga pamilya. Si Yano nga ilado kaayong personalidad dinhi sa SOCSKSARGEN sa wala pa mahimong pinakataas nga opisyal sa AFP, mao ang kanhing brigade commander sa 601st Infantry Brigade nga nakabase sa Pulutana, Malungon, Sarangani Provice. Namahayag pa si Yano nga nalipay gyud kini sa gipakitang lihok sa mga sundalo sa SOCSKSARGEN ilabi na sa pagkontrolar ug pagpakgang sa mga pagpangatake sa mga rebeldeng Moro. ‘Napakaganda ng pinakita nila and they did not just react to situation but pre-empted and have been proactive sa kanilang mga desisyon,’ pamahayag pa ni Yano ngadto sa iyang mga sundalo. Usa ka panagtigom sa kampo sa mga sundalo sa Pulutana, Sarangani Province ang gihimo sa pag-abot ni Yano aron lamang mahibaw-an sa AFP Chief of Staff kung unsa pa ang gikinahanglan sa mga tropa sa gobyerno ning bahin sa Mindanao. (pbanat news desk) *88888888 General Yano, gikantiyawan si Kumander Kato Human nga mipagawas ug pamahayag nga gisundayag sa Youtube, usa ka internet website si Kumander Ameril Umbra Kato may kalabotan sa tinguha niini nga makigiyera sa kagamhanan aron lamang ma-angkon ang kalinaw, gitubag ug daw gikantiyawan pa kini sa pinakataas nga opisyal sa armadong kusog sa Pilipinas nga si Four-Star General Alexander Yano, atol sa pagbisita niini sa SOCSKSARGEN niadtong milabay nga adlaw. Matod ni Yano usa ka ‘cheap’ nga propaganda ang gipakatag karon ni Kato nga nagpamatuod lamang nga huyang na kini ug wala nay kontrol sa iyang liderato sa puwersa niini. ‘Napakamura na propaganda. Very cheap propaganda stand na ginagawa. Hindi na nga kailangang pansinin because alam mo pag lalabas ka na ganun trying to show that you are strong but it only shows that you are weak,’ pamahayag pa ni Yano. Hinuon nabalaka si Yano sa mga padayon nga black propaganda nga gipakatag sa pipila ka mga kontra sa militar may kalabotan sa matod pa pagpanunog ug pagpangawat sa mga sundalo sa pipila ka mga dapit diin gihimo ang padayon nga opensiba sa sundalo partikular na sa lungsod sa Shariff Aguak, Maguindanao Province. ‘Have they proven na ganun? Ano naman ang rason na ang military magsusunog. Ano naman ang rason na ang military magnanakaw,’ tubag ni Yano. Gitin-aw pa sa opisyal sa AFP nga magpadayon gihapon ang ilang operasyon batok sa mga rebeldeng Moro nga padayon nga nagsabwag ug kadaut ug kalisang sa mga komunidad sa SOCSSKSARGEN Region. (pbanat news desk) *8888888 Opisina sa Caltex nasunog sa Polomolok Naugdaw gyud ang buhatan sa higanteng kompanya sa lana nga Caltex Philippines didto sa lungsod sa Polomolok, South Cotabato niadtong milabay nga adlaw. Sa report nga nakuha sa Periodico-Banat, kalit lamang nga adunay nadungog nga pagbuto sa buhatan sa Caltex ug mikuyanap ang kalayo tungod usab sa mga nakapondo nga lubricant oil sulod sa buhatan. Matod ni Chona Dalguntas, ang bookkeeper sa Caltex Polomolok, igo lamang siya nakagawas sa opisina aron motabang sa mga laing empleyado nga nagtubil sa mga sakyanan apan kalit na lamang nga mi-ulbo ang ilang opisina. Maayo na lamang kay paspas nga miabot ang mga bumbero sa Polomolok ug gidali ug patay ang kalayo nga malagmit maoy mahimong mitsa aron ang gasolinahan nga tapad niini nga iya gihapon sa Caltex madamay. Maayo gyud ang pagka-ugdaw sa mga computer, aircon, furnitures ug uban pang mga kagamitan sa opisina lakip na ang mga stocks niini nga lubricant oils. Tungod kay fire proof ang kaha sa buhatan, wala hinuon maapektuhi ang kuwarta nga nakatago sulod sa kaha de yero. Gibana-banaang moabot gyud sa kapin P1.5 milyones ang nahimong danyos sa maong insidente. Sa pagkakaron, padayon pang gi-imbestigahan sa Bureau of Fire and Protection and maong insidente sanglit may mga testigos ang nag-ingon nga nagsugod ang pagdilaab sa kalayo sa dapit diin nahimutang ang computer set sa Caltex. (pbanat news desk) *888888888