periodico banat news stories (pebrero 28, 2008)

PERIODICO BANAT (Pebrero 28, 2008) HEADLINER: Malakanyang, puwedeng ibalhin sa Sarangani-Gob. Migs Usa ka pamahayag karon ang giluwatan ni Sarangani Province Governor, Migs Dominguez isip pag-kumpirma niini sa iyang suporta ngadto sa liderato ni Presidente Gloria Arroyo. Matod ni Dominguez, ang nahitabo sa kaulohang Manila dili kinahanglan nga maka-apekto sa ubang dapit sa Pilipinasug gitin-aw niini nga ang Manila dili ang Pilipinas. "We would like to remind everybody that Manila is not the Philippines. Kami po sa aming lalawigan, handang-handa to host Malacanang, dito po sa aming lalawigan kung ayaw po ninyo sa Metro Manila kay Presidente," lawom nga pamahayag sa gobernador sa Sarangani sa mga sakop sa media sa Manila niadtong milabay nga adlaw. Dili lamang ang Malakanyang ang gustong dalhon ni Dominguez sa Sarangani kundili ang uban pang mga opisyales sa nasod sama sa mga senador ug mga sakop sa oposisyon aron sila mismo ang makahatag sa ilang kaugalingong assessment sa tinuod nga sitwasyon sa mga lalawigan. "We invite each and everyone of you lalong-lalo sa mga senador na halos hindi umiikot, hindi umaalis sa Kamaynilaan, pumunta naman sana sa ibang lugar, sa mga probinsiya, sa Mindanao to get the sense of progress, to get the sense of optimism na fully evident iyong development along-lalo sa mga probinsiya," dugang pa ni Migs. "Again, ang Maynila po ay hindi Pilipinas, kami po sa probinsiya ay nandito para ipakita ang suporta namin, sa mga magagandang nangyayari, mga development, ang gobyerno po ay talagang nararamdaman po lalung-lalo sa probinsiya. Hindi katulad sa Maynila ay napakagulo at kanya-kanyang interes po ang naririnig po natin dito sa Maynila," saysay pa sa amahan sa lalawigan sa Sarangani. Halos tanang mga gobernador sa nasod mipakita gyud ug todo nga suporta ngadto sa liderato ni Presidente Arroyo. Bisan si Quirino Province Governor, Dakila Cua nanawagan nga ipahamtang gyud ang rule of law u gang propesyunalismo isip mga opisyales sa kagamhanan. "Ito pong mga batas na ito ay hindi ginawa ni Pangulong Arroyo, ginawa po ito ng mga naunang mga kongresista, sa Senado noong mga unang panahon pa. Due process of law is mandated by the Constituton. Kami po ay naniniwala sa tamang pamamaraan o proseso. Great nations have been built, law and policies. Sana po ay irespeto natin iyan…I believed personally that the President is not interfering in any legal proceedings, in any Senate investigation and this should give credit to her for being impartial and for her objectivity. Tama po itong ginagawa ni Presidente hindi po siya nakikialam sa anumang imbestigasyon lalo na sa mga desisyon ng korte," saysay pa ni Cua. "Ang aming mga hiling sa mga oposisyon, sana let us all be professional. We demand our administration officials, the Cabinet members even the President to be professional. We, in the league should also, dapat professional din ito. Katulad ng mga sinasabi ng ating mga kasamahang gobernador, nagpapatuloy ang economic momentum ng ating bansa. At the same time, you should be heard in the proper forum. Sa lalawigan ng Quirino naniniwala na hangga't hindi pa napatunayan na guilty eh, respetuhin muna natin ang tao," panapos pa sa gobernador sa Quirino. (jong gorgonio) *88888888888 Taga-fishport gipusil samtang naglaba Wala na gyud masumpayi ang kinabuhi sa usa ka laborer sa General Santos City International Fishport Complex didto sa Barangay Tambler, ning dakbayan kagahapong adlawa human kini gipusil sa wala pa mailhing mga suspetsado kagahapong adlawa didto mismo sa iyang panimalay sa Upper Putting Bato, Barangay Calumpang atubangan mismo sa iyang asawa samtang naglaba. Ang biktima nailang usa ka Alberto Cuyno, 20 anyos ug laborer sa fishport sa Gensan. Base sa inisyal nga imbestigasyon sa kapulisan, yanong naglaba lamang ang biktima ug kalit kining giduol sa tulo ka wala mailhing mga suspek dayon pusil ug pipila ka beses. Dugang sa mga pulis, pito gyud ka samad-pinusilan ang nahi-aguman ni Cuyno nga mingresulta sa iyang hinanaling kamatayon. Matod sa pamahayag sa iyang kalive-in nga nailang usa ka Jennifer Cos, nag-atubang gyud silang duha sa iyang bana samtang nagkarga sa ilang anak nga duha pa lamang ka adlaw ang edad. ‘Gitan-aw nila ang akong bana. Tapos akong bana nanglaba dira. Unya ni-ana pod akong bana, unsa ma ning mga tawhana ni nganong sige man ug tan-aw sa akoa. Mao to pagkataud-taod, gibalikan nila ang akong bana unya gipangutana nila, bay asa man nagpuyo, tapos wala sila nagname ug pangalan ba gipusil dayon nila ang akong bana,’ saysay pa ni Cos nga gikutlo sa report sa ABSCBN Gensan. Ang kapulisan sa Tambler nagsulti usab nga aduna nay rekord ang biktimang si Cuyno sa kasong kawat ug bag-o lamang kining nakagawas unya mi-trabaho dayon isip laborer sa fishport. Hangtod sa pagsulat ning maong balita, wala pa mahibaw-i sa kapulisan ang tinuod nga motibo sa pagpatay sa trabahanteng taga-fishport. (jong gorgonio/pbanat) *8888888 5,000 ka puno-an sa Marijuana gisunog sa Malungon Daw naninuod na gyud sa iyang bahad si Malungon mayor, Reynaldo Constantino sa iyang bahad ngadto sa mga tigpayuhot ug illegal nga droga partikular na sa mga planters sa Marijuana. Niadtong milabay nga adlaw, pormal nga gisunog sa kapulisan sa Malungon kuyog ang mga personahe sa Philippine Drug Enforcement Agency (PDEA-12) ug ang Deputy for Administration sa PDEA sa tibuok nasod nga si General Baltazar Balangauan ang kapin sa 5,000 ka mga puno-an sa tanom nga Marijuana. Matod ni Constantino ang gihimo sa iyang kagamhananan kaabag ang uban pang mga ahensya sa gobyerno usa ka pamaagi aron wagtangon na gyud ang problema sa illegal nga droga sa iyang lungsod ug aron mapakgang usab ang pagka-ilado sa Malungon isip tamnanan o plantation sa marijuana dinhi sa Mindanao. Nakumpiska ang gipangsunog nga mga Marijuana sa bukiron nga barangay sa Blah Datal ug ang mga planters niini mao ang pipila ka mga sakop sa tribung B’laan. Kasagaran nga masakpan ug madakpan sa awtoridad mao ang mga yanong planters apan ang mga financiers sa pagtanom sa Marijuanan hangtod karon nagpabilin gihapon nga misteryo. ‘The local government headed by our mayor and the law enforcement and the military are united in their effort in fighting against illegal drugs and other forms of criminality,’ saysay pa ni Balangauan nga gikareport sa ABSCBN. ‘Ang aking sinabi ay ang fight ng marijuana is not only eradicating the physical component but we have to remove the intent, remove the meat,’ dason pa ni PNP-12 Regional Director, PCSUPT Felizardo Serapio, Jr., nga mitambong usab sa maong okasyon. Giklaro usab ni Constantino nga sa dili madugay nga panahon mawagtang na ang bansag ngadto kanila nga plantation sa marijuana busa usa ka pamaagi ang ilang gihimo karon aron dili na gyud makatubo ang mga gipang-ibot nga marijuana. Pagkahuman sa pag-ibot samga awtoridad sa marijuanan gilayon nga gi-ispreyhan kini ug mga herbicides aron dili na makatubo ang mga liso nga naktaktak tungod sa pagpang-ibot. ‘Nung mag-usap kami ng mga cultivators dahil nga pina-surrender natin ito, I promise them na tagaan nato sila ug mga sprayers ug mga herbicides para masigurado nato nga hindi na magtubo liwat ang maong illegal nga tanom,’ sulti pa ni Mayor Constantino. Namahayag usab ang alkalde nga daghan ng mga bandido ang mibalik sa sabakan sa balaod ug nakig-alayon na sa kagamhanang lokal sa Malungon aron mawagtang na gyud ang problema sa illegal nga droga. (jong gorgonio/pbanat) *888888888