periodico banat (nobyembre 29, 2010)

MUNATO 2010 CHAMPION----Ang mga magsasalmot nga gikan sa Surallah, South Cotabato mao ang gideklarang Munato 2010 Street Dancing Champion diin ilang gi-uli ang P150,000 nga cash sa bag-ohay pa lamang nahuman nga anibersaryo sa Sarangani Province. pbanat caption/kuha ni csexcion)

*88888

MINING COMPANY SA SOCOT GITUDLONG PINAKA-RESPONSABLENG KOMPANYA SA MINA

BAGUIO CITY---Gipasidunggan karon sa pinakataas nga pag-ila ang higanteng kompanya sa mina nga Sagittarius Mines, Inc (SMI) isip pinaka-responsableng kompanya sa mina sa tibuok nasod sulod na sa duha ka tuig sukad pa niadtong 2009.

Niadtong milabay nga semana lamang, gihatag ngadto sa nag-gunit sa Tampakan Copper-Gold Project, diin mao ang SMI ang Presidential Mining Industry Environmental Award (PMIEA) gikan mismo sa Malacanang ug kay presidente Noynoy Aquino atol sa gihimong 57^th Annual National Mine Safety Conference. Ang PMIEA mao ang gilantaw nga pinakataas nga pasidungog sa industriya sa pagmina dinhi sa nasod.

Bisan tuod nga wala makatambong si Presidente Aquino, gipadala niini si DENR Secretary, Ramon Paje nga mao usab ang mipaabot sa mensahe sa pamuno nasod. Matod ni Aquino, magpabilin ang iyang administrasyon nga mosuporta ug makig-alayon ngadto sa mga responsableng kompanya sa mina ug ang ilang mga puhunan paga-protektahan gyud sa kagamhanan.

Ang PMIEA Award makuha lamang sa usa ka kompanya base sa nahimo niini sa social development ug management program, paghatag ug impormasyon, edukasyon ug ang safety and health program ngadto sa mga tawo sa kompanya ug mismong didto sa mga komunidad diin kini naglihokan. Ang pagdawat sa SMI sa maong pasidungog mao na ang ikaduha nga sunod-sunod nga kalamposan niini sukad pa niadtong 2009. Adunay mga eksperto sa panglawas, social impact assessment, environment and safety ang moduso sa mga nominado pinaagi usab sa mga impormasyon ug report nga ilang makuha gikan mismo sa gilihokan sa mga mining companies.

Sa bahin ni SMI General Manager, Mark Williams, ang pasidungog nga nadawat sa ilang kompanya usa ka pagpamatuod lamang nga seryoso kini sa paghatod ug ‘balancing social, environmental and economic impact in managing the Tampakan project.’

“We are both humbled and honored by the award from President Aquino III,” matod ni Williams.

Gidayeg usab ni Williams ang PMIEA sanglit mao kini ang mosiguro nga mamahimong responsable ug matinud-anon ang mga kompanya sa mina nga mag-amuma ug mo-protekta sa Kinaiyahan ug malungtarong kalamboan. (pbanat news desk/popoy contreras)

*8888888888

BISE MAYOR GIPUSIL-PATAY SA DAVAO CITY

DAVAO CITY---Patay ang usa ka bise mayor sa lungsod sa Barira, Maguindanao Province, kagahapon sa buntag human kini gipusil-patay sa duha ka mga suspek atubangan mismo sa panimalay niini sa siyudad sa Davao.

Matod sa report, ang duha ka mga suspek nagbitbit matod pa ug mga dokumento aron papirmahan sa bise mayor apan kalit na lamang nga gipusil sa ulo nga bahin ang bise alkalde.

Sa pagsaysay ni PSSUPT Rene Aspera, wala ka mga empty shells sa 9mm caliber pistol ang nakuha gikan sa crime didto sa Hilld Drive St., tapad sa Heritage Church sa Kilometer 5, Buhangin Davao City.

Gidali pa ug dala sa Davao Doctors Hospital ang biktimang si Tomawis apan igo na lamang kining gideklarang dead on arrival. Sa pulis report, ang mga suspek misakay lamang ug motorsiklo padulong sa Bajada.

Samtang, gipasibaw usab ni Fr. Eliseo Mercado Jr., Executive Director sa Institute of Autonomy and Governance (IAG) nga ang pagpatay kang Tomawis klaro kaayong may kolor-pulitika. Punting pa ni Mercado nga si Tomawis nakig-engkuwentro sa mga kusgan ug lig-on nga mga pulitiko lakip na usab ang liderato sa sundalo sa maong dapit. Ang pag-abot ni Tomawis sa dakbayan matod ni Mercado usa ka pamaagi nga nagpabugnaw lamang kini sa pagtuo nga luwas na kini sa Davao City.

“He collided with powerful political clan and military leadership in the area. He knew of the threats so he was in Davao for a cooling period, believing Davao was a safe city,” dason ni Mercado nga nahipatik sa Mindanews.

Si Tomawis mao ang kanhing mayor sa Barira sulod sa tulo ka mga termino. Ang kasamtangang alkalde sa iyang lungsod mao ang inahan niini nga Rocaya Dagalangit Tomawis samtang ang asawa niini nga si Fatima Ruth Aratuc Tomawis mao usab ang mayora sa silingang lungsod sa Buldon.

Niadtong nakalabay nga October 25 barangay elections, gibutang sa ‘restricted custody’ si Tomawis sa mga elemento sa 603^rd Infantry Brigade tungod matod pa mao kini ang nangulo sa planong paglubog sa eleksyon sa Buldon. Ang maong pasangil hugot usab nga gipanghimakak ni Tomawis. Si Tomawis, usa ka sakop sa tribung Iranun. (pbanat news desk/jong gorgonio)

*88888888

SA MALAMPUSONG PAG-RESCUE SA NEGOSYANTENG INTSIK

TRAIN, GENSAN PNP GIDAYEG SA MGA NEGOSYANTENG TSINOY

GENERAL SANTOS CITY---Mipagawas karon sa ilang pagdayeg ug pagsaludo ang mga sakop sa mga negosyanteng Tsinoy (Filipino-Chinese) dinhi sa siyudad ug sa lalawigan sa South Cotabato ngadto sa liderato ni Gensan PNP Director PSSUPT, Cedrick Train ug sa ubang pang mga ahensya human nga malampusong na-rescue ang negosyanteng si William Go ngadto sa mga midagit kaniya sayo ning bulana.

 Sa usa ka resolusyon nga gipasa sa South Cotabato Filipino-Chinese Chamber of Commerce, Inc (SCFFCCCII) ilang gidapit ug gipasalamatan ang mga sakop sa Gensan City PNP, Joint Task Force Gensan sa Phil. Army, 1002^nd Brigade, PSSUPT Cedrick Train, mga opisyales sa barangay San Jose, PO2 Dante Sasi, Mayor Darlene Custodio ug si City Administrator, Jong Gonzales tungod ilang nakita nga ang maong mga ahensya ug opisyal maoy ‘intrumental in the early solution of the William Go kidnapping last November 4, 2010.’

Kahumduman, upat ka mga tawo ang mipugos sa pagdagit kang William Go, sulod sa buhatan niini sa City Heights, Gensan apan napalpak tungod sulod lamang sa tulo ka oras ilang gibuhi-an si Go human nga nasuta sa mga suspek nga grabe ang gihimong pag-gukod sa mga pulis, sundalo, ug mga barangay tanod sa San Jose.

Matod ni Paul Gaisano, ang presidente sa SCFFCCCI namahayag nga ang pagdagit kang Go nga usa pod ka miyembro nila nagpamatuod lamang nga anaa lamang gihapon ang peligro sa kidnapping apan maayo na lamang kay adunay todo nga kooperasyon ug koordinasyon ang pamilya sa biktima ngadto sa mga awtoridad.

“While the danger of kidnapping is still present, it placed more emphasis on the close cooperation between the victim’s family who reported the incident immediately to the authorities,” sulti ni Gaisano.

Ang koordinasyon sa PNP ug sa Phil. Army lakip na ang ubang mga ahensya sa LGU maoy nakapa-aghat sa mga suspek nga buhian na lamang si Go bisan walay ranson, dugang punting ni Gaisano.

Si Train nga pipila pa lamang ka bulan nga nahimong City Director sa GSCPO sa panahon sa pagdagit sa negosyante, personal nga mitutok sa maong insidente. Gilayon nga mipakanaug ug direktiba ang maong opisyal alang sa usa ka hot pursuit operations sa kabukiran sa San Jose ug maayo na lamang kay misuporta usab ang mga tanod sa San Jose hinungdan nga nabuhian gyud ang kidnap victim. ‘Trabaho po ito ng inyong kapulisan,’ sulti n Train. (pbanat news desk/jong gorgonio/vert castro)

*88888888

periodico banat (nobyembre 27, 2010)

REGALO’---Gi-abot dinhi ni Gob. Migs Dominguez ang usa ka charcoal painting ngadto kang bise presidente Jojo Binay niadtong milabay nga adlaw human nga nahidangat kini sa Sarangani alang sa MunaTo Festival 2010.Kuyog sa gobernador mao si Vice Gov. Steve Solon. (pbanat news desk/kuha ni csexcion)

MATOD SA OPISYAL SA CONAL HOLDINGS

RENEWABLE ENERGY DILI SOLUSYON SA KRISIS SA ENERHIYA

GENERAL SANTOS CITY---Ang mga gibandilyo karon sa mga environment groups nga mga enerhiya gikan sa adlaw ug hangin dili gyud makasulbad sa problema sa krisis sa kakulangon sa suplay sa enerhiya dinhi sa Mindanao.

Mao kini ang tubag ni Joseph Nocos, bise presidente sa Conal Holdings Corporation, nga mao ang nanag-iya sa SM200 Coal-fired power plant project sa barangay Kamanga, Maasim, Sarangani Province.

Ang pamahayag ni Nocos, nahisubay human nga miduaw ang international environment group nga Greenpeace niadtong milabay nga semana sa General Santos City ug Maasim, Sarangani Province.

Matod ni Nocos, ang renewable energy dili mao ang solusyon sa panginahanglanon nga enerhiya sa Mindanao. Gipunting pa sa maong opisyal nga ang hangin ug adlaw dili gyud masulti nga kasaligan sa pagbaton ug ensaktong enerhiya ug panahon nga kini gamiton mag-aligot-got gyud ang tanan tungod sa kamahal niini.

“Renewable energy is not the solution to the power needs in Mindanao. Wind and solar sources are not reliable and the power generated by it won’t come cheap,” sulti ni Nocos.

Sa pagbana-bana pa ni Nocos, karong umaabot nga tuig 2016, moabot na ngadto sa 450 MW ang mamahimong kakulangon sa suplay sa enerhiya sa Mindanao kung basehan ang tres porsiyento nga tinuig nga pag-usbaw sa demand niini.

Apan, ang Department of Energy (DoE) mibutang ug 4.3 porisyento nga usbaw matag tuig hinungdan nga posibleng karong tuig 2011 ug 2012 masinati na gyud ang way puas nga pagkapalong sa kuryente tungod sa kulang nga suplay sa enerhiya.

Sa kasamtangan, ang isla sa Mindanao adunay 900 MW nga hydropower capacity, usa sa mga renewable source sa enerhiya, ug 105 Megawatts nga gikan usab sa renwable source sa geothermal didto sa Mt. Apo. Kung sumahon tanan, halos moabot ngadto sa 60 porsiyento sa enerhiya sa Mindanao gikan sa renwable sources sama sa hydro (tubig) ug geothermal. Ang Mindanao adunay 1,820 Megawatts nga kapasidad apan sa pagkakaron aduna na lamang 1,320 MW nga kasamtangang ginagamit.

Gitug-an pa ni Nocos nga ang isla sa Mindanao wala mahilinya sa mga ginatawag nga wind zone ug mismong ang solar power nga gikan sa adlaw limitado lamang usab.

“Mindanao is not within the wind zone that can produce energy on a 24/7 sustained bases. Solar power is likewise only available for a limited number of hours,” butyag ni Nocos.

Panahon nga mogamit na ug mga renewable energy sources sama sa hangin ug adlaw, maapektohan gyud ang presyo sa kuryente ug base sa mga pagtuon sa kompanya ni Nocos, mo-abot ngadto sa P20 matag kilowatt hour ang presyo kung mogamit ug wind power ug P25 matag kilowatt hour kung solar power ang paganahon.

Sa kasamtangan, anaa sa halos P7 lamang matag kilowatt hour ang ginabayran sa mga residential, commercial ug industrial consumers sa mga kasiyudaran.

Niadtong milabay nga semana, ang barko nga Rainbow Warrior, nga gipanag-iyahan sa environmental activist group nga Greenpeace miabot sa dakbayan ug mi-adto sa Maasim, Sarangani aron iprotesta ang pagtukod sa coal-fired power plant sa Conal Holdings Corporation.

Gibutyag pa ni Amalie Obusan, usa ka campaigner sa Greenpeace nga ang pag-gamit ug sugnod nga coal makahatag ug dautang epekto sa Kinaiyahan ug panglawas sa katawhan.

Apan, gipanghimakak kini ni Nocos ug gisulti pa nga adunay mga modernong teknolohiya nga gamiton ang ilang kompanya aron mamenosan ang polusyon nga ihatod sa ilang proyekto.

“We respect the opinions of Greenpeace regarding coal-fired generation but wish to stress that our project complies with all applicable standards of environmental compliance. As such, it is clean and safe for the environment and the people,” pintok nga pamahayag ni Nocos.

Nasayran pa nga sa unang hugna sa 2011, magsugod na sa pagtukod sa ilang planta ang Conal Holdings diin usa ang sikat nga Toyota Tsusho Corporation ang mamahimong imbestor niini. (pbanat news desk/jong gorgonio)

*888888888

NATAKBOYAN UG HIV-AIDS MIDAGHAN SA GENSAN

GENERAL SANTOS CITY---Na-alarma na karon ang mga personahe sa City Health Office human nga base sa ilang pinaka-ulahing ihap sa mga tawong natakboyan ug sakit nga Human Immuno Virus-Acquired Immuno Deficiency Syndrome (HIV-AIDS) misaka na ang ihap niini dinhi sa siyudad.

Matod ni Dra. Mely Lastimoso, sa City Health Office (CHO), kung kaniadto mitala lamang sila ug 22 karon mi-abot na ug 25 ang ihap sa mga tawong natakboyan ug HIV-AIDS sa dakbayan. Dugang sa maong docktor nga kinahanglan gyud nga angayang tutokan kini nga sakit sanglit usa kini ka makatakod ug delikado nga matang sa panglawas sa tawo.

Saysay sa report, kadaghanan nga natakboyan ug sakit nga HIV sa siyudad kadtong mga lalaki nga nakighilawas sa parehong lalaki usab ug dili permanente nga ka-partner. Ang dakbayan, base kang Lastimoso adunay igong katakos nga mogunit sa mga pasyente nga masuta nga nagpositibo sa sakit nga HIV.

Buot lamang mahitabo sa CHO nga panahon nga masayran sa usa ka may sakit nga nagpositibo kini sa HIV gilayon nga makig-alayon siya sa buhatan sa CHO aron ma-monitor ug mahatagan ug igong pag-giya ug pagtambal.

Dason pa ni Lastimoso nga ang sakit nga AIDS ‘100 percent preventable.’ (pbanat news desk/jun castro)

*888888

VP BINAY MITIMBAYA SA MUNATO FESTIVAL 2010

ALABEL, SARANGANI PROVINCE---Wala gyud gipakyas ni Vice President, Jejomar Binay ang imbitasyon sa mga taga-Sarangani Province aron motambong sa ilang 18th Foundation Anniversary ug 8th MunaTo Festival.

Sa pagbukas sa MunaTo Festival, mi-abot gyud ang ikaduhang pinakataas nga lider sa nasod Pilipinas ug nakigtimbaya sa mga Sarangan. Gipamahayag pa ni Binay nga ang mga empleyado sa gobyerno kinahanglan nga makabaton na gyud ug mga kaugalingong panimalay, hinungdan nga gi-sugat kini ug grabeng palapak. Bitbit ni Binay sa iyang pagduaw sa Sarangani ang mga housing programs gikan sa iyang buhatan.

Samtang, mipasalamat usab ang bise presidente ngadto sa mga taga-Sarangani Province tungod sa kapin 66,000 nga boto nga nakuha niini sa nakalabay nga piniliay bisan pa man nga ang gidala nga bise presidente nila Gobernador Migs Dominguez ug sa partido niini mao ang actor ug tv host nga si Edu Manzano. (pbanat news desk/vert castro)

*8888888

HAGIT NI PACMAN SA MGA BAG-ONG OPISYALES SA BRGY

TARUNGA ANG INYONG PAGSERBISYO

MALUNGON, SARANGANI PROVINCE---Si Congressman ug 8th time world division boxing champion, Manny Pacquiao ang maoy nanguna sa mass oathtaking alang sa mga bag-ong opisyales sa kabarangayan sa lungsod sa Malungon, niadtong milabay nga adlaw.

Pagkahuman sa mass oath taking, mibuhi ug pamahayag ang kongresista ngadto sa mga bag-ong opisyales ug mi-ingon nga kinahanglan gyud nga tarungon ang pagserbisyo ngadto sa katawhan ilabi na nga ang bugtong puhunan sa mga opisyal mao ang iyang limpyo ug way mantsa nga pangalan.

‘Tarungon nato ang atong pagserbisyo aron limpyo ang atong mga pangalan,’ sulti ni Pacquiao sa gatusan ka mga opisyales sa barangay sa lungsod sa Malungon niadtong milabay nga adlaw. Si Paquiao nga maoy kanhing chairman sa Municipal Tourism Council sa Malungon mipasibaw pa sa iyang pagbilib ngadto sa mga opisyales sa barangay tungod kay matod niini, bisan unsa man kagamay ang ginadawat sa pagserbisyo sa katawhan, nagpabilin gihapon nga nag-unang prayoridad ang komunidad nga nagkinahanglan ug tininuod nga serbisyo.

Sa pagsaysay pa ni Pacquiao, iyang gisulti nga aduna nay umaabot nga Provincial Hospital ang lalawigan sa Sarangani ug itukod kini didto sa lungsod sa Alabel, ang sentro sa probinsya. Kahibaloan, gibida ni Pacman sa pag-abot niini nga misugot na ang pamuno-nasod nga si Noynoy Aquino nga mogahin ug P200 milyones alang sa itukod nga provincial hospital sa Sarangani---nga magsilbing pinakadako nga balay tambalanan sukad kini nahimugso. (pbanat news desk/danny bojos)

*88888888

BAG-ONG KASO SANG HIV, NATUKIBAN SA SOCOT

KORONADAL CITY - Ginkunfermar subong sang mga health officials sa South Cotabato ang panibag-o nga kaso sang human immunodeficiency virus (HIV).

Bangud sini nagsaka na sa lima ang kaso sang nasambit nga balatian sa probinsya. Suno kay Joe Barroguillo, coordinator sang HIV/Acquired Immune Deficiency Syndrome (AIDS) sang Integrated Provincial Health Office (IPHO), nga hugot nila nga gina-monitor ang status sang pinakabag-o nga biktima sang HIV nga residente suno pa sang Lake Sebu, South Cotabato. Sa subong, ginsaylo na ang biktima sa Koronadal City para sa pagbulong kag regular nga pagmonitor sang IPHO. Ginpahayag ni Barroquillo nga sa sulod sang tatlo ka tuig, nagsaka na sa lima ang na-monitor sa probinsya nga positibo sa HIV/AIDS. Pila sa mga biktima sang nasambit nga balatian ang nagikan sa Koronadal City, banwa sang Lake Sebu, T'boli kag Tupi. Base sa record sang IPHO, nagkalamatay na ang apat sa mga biktima sang HIV/AIDS bangud sa komplikasyon.

*888888888

MASAKER SITE GINBANTAYAN GIHAPON SANG ARMY

KORONADAL CITY - Nagapabilin nga nakabantay ang duha ka battalion sang militar sa massacre site sa Sitio Masalay, Brgy. Salman, Ampatuan, Maguindanao pila ka adlaw matapos ang ginpatigayon nga pagkomemorar sang una nga anibersaryo sang Maguindanao massacre.

Suno kay Col. Prudencio Asto sang 6th Infantry Division ng Philippine Army, ini ang bilang preparasyon sa pagkomemorar sang Mindanao Week of Peace 2010 nga nagsugod kahapon. Gindugang nga sini ginasiguro sang elemento sang 46th Infantry Battalion ang seguridad sa massacre site bangud sa pagahiwaton nga pagbisita sang mga peace advocates sa lugar sa palaabuton nga Nobyembre 29 bilang kabahin sang aktididad sang nasambit nga selebrasyon. Magluwas sa pagbisita sang mga peace advocates, pagabisitahon man sang mga bikers nagikan sa mga probinsiya sang Maguindanao, Cotabato kag Sultan Kudarat kag Cotabato City agud nga maghalad sang pangamuyo.

*88888888

periodico banat (nobyembre 26, 2010)

HOSPITAL, PITO KA AMBULANSYA GIBIDA NI PACMAN SA MGA SARANGAN

ALABEL, SARANGANI PROVINCE----Gibida karon ni Pound for Pound King ug Sarangani Congressman, Manny Pacquiao ang iyang mga gibitbit nga mga maayong balita alang sa mga Sarangan, atol sa pag-abot niini kagahapong adlawa gikan sa kaulohang Manila ug sa away niini batok sa Mexicanong si Antonio Margarito. Sa pag-abot ni Pacman sa Sarangani ug General Santos City, gisugat kini ug engrandeng hero’s welcome diin migamit pa ug mga helicopter ang Sarangani aron lamang ibubo ang mga confetti ug may mga gigunitan pa nga mga banderitas ang mga estudyante ug mga supporters niini nga nag-atang sa kadalanan. Si Cong. Pacman sa iyang pamahayag sa atubangan sa libo-libo ka mga Sarangan nga misugat kaniya sa Sarangani Provincial Capitol mihatod gilayon sa maayong balita nga matod pa niini usa ka katumanan sa iyang mga pasalig sa nakalabay nga eleksyon. “Binigyan po tayo ng P200 million para sa ating hospital. At sinabi po niya (Presidente Aquino) na isasali niya ito sa budget ngayong 2011,” sulti ni Pacquiao atubangan sa mga taga-Sarangani. Gidugang pa sa Pambansang Kamao ug karon representante sa Sarangani didto sa hawanan sa kongreso nga misugot kini nga mamahimong endorser sa Philippine Charity Sweepstakes Office (PCSO) nga wala’y bayad apan kinahanglan nga adunay pito ka mga bag-ong ambulansya nga ihatag alang sa iyang distrito. Ang pito ka mga ambulansya ipang apod-apod sa pito ka lungsod sa Sarangani nga mao ang Alabel, Malapatan, Glan, Malungon, Maasim, Kiamba ug Maitum. Sa pag-abot usab niini, mipadayag kini ug pasalamat ngadto sa mga Sarangan tungod sa grabe nga suporta nga gihatag kaniya dili lamang sa nakalabay nga pinili-ay kundili sa tanan nga mga engkuwentro niini ibabaw sa ring. Ang pag-abot usab ni Pacman nahitunong sa pag-abli sa 8th MunaTo Festival ug 18th Foundation Anniversary sa lalawigan sa Sarangani. Mismong sila si Gobernador Miguel Dominguez, Vice Governor Steve Solon, mga Provincial Board Members ug ang pito ka mga alkalde sa pito ka mga lungsod sa Sarangani ang personal nga misugat kang Pacquiao. Kahinumduman, sa nakalabay nga eleksyon, gibandilyo ni Pacquiao isip nag-unang plataporma de gobyerno niini nga mopatukod kini ug usa ka balay tambalanan nga bugtong moserbisyo lamang sa mga Sarangan. Matod ni Pacquiao nga kinahanglan na gyud sa Sarangani nga magbaton ug kaugalingong ospital alang sa mga kabus niini nga mga residente. Buot ni Pacquiao nga mahatagan ug igong atensyon ang panglawas sa iyang mga ginsakpan inay nga magpabilin nga sunod nga prayoridad sa mga tambalanan sa General Santos City. (pbanat news desk/jong gorgonio)

DIONESIA PACQUIAO MIHANGYO SA IGSOON NGA NAKAPUSIL NGA MOPAKITA NA

ALABEL, SARANGANI PROVINCE----Gihangyo karon sa inahan ni Pound for Pound King ug Sarangani Congressman, Manny Pacquiao nga mao si Dionesia ang igsoon niining taga-Polomolok, South Cotabato nga motahan na sa kaugalingon ug mopakita aron mahatagan ug solusyon ang matod pa pagkalambigit niini sa insidente sa pagpamusil sa maong lungsod niadtong milabay nga mga adlaw. Sa usa ka pamahayag ni Dionesia, gisulti niini nga walay kamatuoran nga ang ilang pamilya nagtago sa igsoon niining si Bernardito Dapidran nga maoy gitudlong responsable sa pagpusil-patay sa silingan niini tungod lamang sa iro. Matod ni Nanay Dionesia, bisan siya natingala nga sa iyang pag-abot gikan sa Amerika wala niini makit-i ang igsoon nga unta iyang hatagan ug pasalubong. Nanghinaut na lang hinuon ang inahan sa Pambansang Kamao nga mopakita ang igsoon niini aron mahatagan ug katin-awan ang problema nga gisag-ubang niini. (pbanat news desk/jimboy villar)


GOB MIGS, NALIPAY SA BITBIT NI PACMAN NGA HOSPITAL UG AMBULANSYA

ALABEL, SARANGANI PROVINCE----Mismong si Sarangani Governor, Miguel Rene Alcantara Dominguez mipadayag sa iyang kalipay ug pagmaya sa hatod nga maayong balita ni Pound for Pound King ug Sarangani Congressman Manny Pacquiao atol sa pag-abot niini kagahapong adlawa sa Sarangani Province. Sa pag-abot ni Pacquiao, gibida dayon niini nga ang presidenteng si Noynoy Aquino mipasalig na ngadto kaniya nga mohatag ug P200 milyones isip badyet sa itukod nga hospital sa Sarangani. Dugang pa niini, gipasi-atab usab ni Pacman ang pagdawat niini ug libreng endorsement ngadto sa Philippine Charity Sweepstakes Office (PCSO) baylo ang pito ka mga bag-ong ambulansya alang sa pito ka mga lungsod sa Sarangani. Matod ni Dominguez, dili na kinahanglan istoryahan pa ang nakalabay na sa pulitika ug kinahanglan ang tanan nga mga lideres sa Sarangani magkahi-usa alang sa kalamboan sa mga Sarangan. Si Dominguez nga iladong ka-atbang ug partido ni Peoples’ Champ, Manny Pacquiao mitug-an pa nga ang panaghi-usa maoy nag-unang ehemplo aron mahatod ngadto sa mga Sarangan ang mga nag-unang serbisyo publiko sama sa panglawas, edukasyon, hapsay ug kalinaw ug imprastraktura. (pbanat news desk/jong gorgonio) *88888888

19 ANYOS NGA BABAYE NAGHIKOG-PATAY

GENERAL SANTOS CITY---Patay ang usa ka 19-anyos nga babaye ug gituohang buntis ug duha ka bulan didto sa Lote, Calumpang ning dakbayan kagahapong adlawa. Sa report nga nakuha sa Police Station 5, naila ang biktima nga usa ka alyas Ginalyn Avenido, 19 anyos ug kalive-in partner sa usa ka Gino Santiago. Sa inisyal nga imbestigasyon, nakit-an na lamang matod pa sa live-in partner niining si Gino nga nagbitay ang iyang kapuyo sulod sa ilang lawak pipila ka mga minute nga mibiya kini sa ilang gipuy-an. Gitug-an pa ni Gino nga adunay gamay nga panaglalis nga nahitabo ngadto kanila apan migawas na lamang kini aron motrabaho. Tungod kay na-late na sa iyang trabaho, igo na lamang kining mibalik sa ilang gipuy-an ug didto iyang nadiskubre nga nagbitay na ang iyang kapuyo. Nangayo pa ug tabang sa mga silingan si alyas Gino aron madali pagdala sa balay-tambalanan ang biktima apan nakabsan gihapon kini sa iyang kinabuhi. Apan, daghan karon ang nagduda nga matod pa adunay foul play nga nahitabo sa maong insidente. Hinuon gipasalig ni PCI Elmer Yago, ang hepe sa Police Station 5 nga mopahigayon sila ug makuting imbestigasyon sa maong insidente. Pero, karon pa lamang gitin-aw na sa kapuyo niini nga wala niya gipatay o gihilibtan ang iyang kapuyo ug matod niini nga siya pa mismo ang mipatala sa kapulisan may kalabotan sa maong insidente. (pbanat news desk/vert castro) *88888888

SA TANANG MGA KOMPANYA SA MINA

SMI GITUDLONG PINAKADAGHANG KAHOY NGA GITANOM

BAGUIO CITY----Nakuha na usab sa higanteng kompanya sa mina nga nanag-iya sa Tampakan Copper-Gold Project ang prestihiyosong 2010 Best Mining Forest Program sa bag-ohay pa lamang natapos nga 57th Annual National Mine Safety and Environment Conference didto sa Baguio City. Matod ni Department of Environment and Natural Resources (DENR) Secretary, Ramon Paje, sa kinatibuk-an ang tanang mga aktibong kompanya sa mina sa nasod nakatanom na ug kapin sa 10 milyones ka mga punoan apan ang nanguna dinhi mao ang Sagittarius Mines, Inc (SMI) ang nanag-iya sa Tampakan Copper-Gold Project sa kabukiran sa Tampakan, South Cotabato. Ang SMI, base sa national steering committee gi-ila tungod sa maayong nursery management program niini nga matod pa maoy pinaka-una sa tibuok nasod sa tanang mga kompanya sa mina. Ang programa nga Male Tu Kayo (Magtanom Kita) nga gikan sa lengwahe sa tribung B’laan gi-ila usab nga usa ka malungtarong programa diin seryosong mi-implementar sa pagpananom ug mga lumad nga mga punoan sa kabukiran sa South Cotabato. Sa kasamtangan, ang SMI adunay duha ka mga dagkong plant nurseries nga nagproduksyon ug mga endemic nga mga punoan ug tag-as nga kaledad nga mga punoan sa prutas. Ang duha ka mga nurseries adunay kapasidad nga moabot ug 230,000 ka mga seedlings matag tuig. Sa usa ka pamahayag, gitug-an ni Mark Williams, ang SMI General Manager nga nahimong malampuson ang programa sa reforestation tungod usab sa suporta sa mga stakeholders ug mismong sa mga komunidad niini diin naglihokan ang maong kompanya. “Our reforestation program is a product of committed partnership between SMI and the host communities,” matod ni Williams. Sukad pa niadtong 2005, pinaagi sa suporta ug tabang sa mga community volunteers, nakapang apod-apod na ang SMI ug kapin sa 500,000 ka mga semilya sa punoan alang reforestation program niini. Aduna usab karon ginahimo nga buffer zone plan alang sa Tampakan Project nga giduyogan sa University of Queensland (UQ) School of Integrative Studies ug sa Visayas State University (VSU) College of Forestry and Natural Resources. (pbanat news desk/popoy contreras/smi pr) *8888888

MAESTRA NANUNGGAB UG BALLPEN SA MGA ESTUDYANTE?

GENERAL SANTOS CITY---Laing kontrobersya na usab karon ang mi-igo sa Department of Education human matod pa usa sa mga sakop niining magtutudlo sa Grade 4, didto sa Kindat Elementary School ang matod pa nanunggab gamit ang ballpen sa duha ka mga estudyante niini. Sa report nga nakuha sa Periodico Banat, gipatala sa Makar Police Station ang usa ka magtutudlo nga nailang si Nida Oliveros, maestra sa Grade 4 sa Kindat Elementary School sa duha ka mga estudyante nga nailang sila si Alfatah Omar ug Dante Ali, puro 12 anyos ang pangidaron. Sa maong pulis report, gisulti sa duha ka mga estudyante nga gidunggab matod pa sila gamit ang ballpen sa maong magtutudlo ug nanga-igo sa ilang mga bukton. Wala hinuon gibutyag sa report kung unsa ang rason nganong giduggab matod pa ang duha ka mga estudyante sa ilang maestra. Matod usab sa buhatan sa DepEd nga ilang ipatawag ang maong maestra aron makuha ang bahin niini sa maong isyu. Ang Periodico-Banat abli sa kanunay sa gi-akusahang maestra may kalabotan sa maong insidente aron ipasibaw ang iyang reaksyon ug komento. (pbanat news desk/vert castro) *8888888

periodico banat (nobyembre 25, 2010)

PACMAN MOABOT NA KARON GENERAL SANTOS CITY---Karong adlawa na nga gitakdang moabot si 8th time world boxing champion ug Sarangani Province congressman, Manny Pacquiao dinhi sa dakbayan ug mismong sa lalawigan sa Sarangani gikan sa pinaka-ulahing away niini batok kang Antonio Margarito, niadtong milabay nga semana. Matod sa chief of staff sa congressional office ni Pacquiao, nga si Bren Evangelio, moabot ang eroplanong Philippine Airlines nga gisakyan niini karong alas-nuebe sa buntag. Kuyog ni Pacquiao ang iyang asawa nga si Jinkee ug kamanghorang anak nga si Queen Elizabeth. Butyag pa ni Evangelio nga usa ka motorkada ang ipahigayon padulong sa Robinson’s Mall of Gensan ug didto himuon ang turn-over ceremony ni City Mayor Darlene Custodio ngadto sa mga opisyales sa Sarangani Province. Pagkahuman sa simpleng seremonyas, mosakay na sa float nga gipreparar sa lalawigan sa Sarangani si Pacman ug mopadulong na sa Kapitolyo sa Sarangani didto sa Alabel. Usa ka press conference gilayon ang himuon ug pangunahan usab sa kongresista ang mass oath taking sa mga midaug nga mga opisyales sa barangay sa lungsod sa Alabel ug Malungon. (pbanat news desk/jong gorgonio) *88888 KOMPANYA SA MINA GIPASIDUNGGAN SA TAAS NGA SAFETY RATING GENERAL SANTOS CITY—Nakadawat na usab ug laing pasidungog ang higanteng kompanya sa mina nga naglihokan sa kabukiran sa Tampakan, South Cotabato. Sa report nga nadawat, ang Tampakan Copper-Gold Project sa Sagittarius Mines, Inc (SMI), gipasidunggan sa bag-ohay pa lamang natapos nga 57th Annual National Mine Safety Conference didto sa Baguio City. Ang national steering committee sa maong panagtigom mihatag ug 96.14 nga grado ngadto sa SMI. Kahinumduman, gihakot usab sa SMI niadtong milabay nga mga semana ang usa ka pasidungog human nga nakuha niini ang 5 milyones ka oras nga walay nahitabong dautang insidente sukad pa niadtong Enero 2010 samtang kini naglihok. Ang Safety Organization of the Philippines Inc., (SOPI) mao ang mihatag sa prestihiyosong Award of Distinction ngadto sa SMI. Samtang sa mensahe ni Presidente Noynoy Aquino didto sa Baguio City nga gipaabot ni DENR Secretary, Ramon Paje, gibarugan gyud sa pamuno-nasod nga ang iyang administrasyon seryoso gyud sa pagpatunhay ug luwas nga kondisyon sa mga minerong Pinoy, ilabi na nga nahimong leksyon ang nahitabo sa mga minero didto sa nasod Chile ug Tsina. “President Aquino respects and admires the courage and industry of Filipino miner and he said his administration will ensure that our miners will have safe working conditions,” matod ni Paje samtang gibasa ang mensahe sa presidente. Gipalanog pa sa SMI ang ilang pag-uyon ug tini-nuod nga suporta sa mga tumong ni Aquino alang sa industriya sa pagmina dinhi sa nasod. “We will continue to implement and improve on various safety programs such as education and training, risk identification and prevention, contractor engagement and light vehicle safety management”, sulti ni Rogelio Quito, SMI Safety Superintendent. Si Quito nagpunting usab nga ang mga programa sa usa ka luwas nga trabahoan gidawat ug ensakto dili lamang sa tibuok nga kompanyan kundili lakip na usab ang nagpalibot nga mga komunidad niini “Our behavior-based safety programs, measures and audit systems have been widely accepted throughout the company and by the community,” panapos ni Quito. (pbanat news desk/popoy contreras) *88888888 TITSER GIPUSIL-PATAY GENERAL SANTOS CITY- Patay ang usa ka magtutudlo sa TESDA sa National School of Arts and Trade ning dakbayan sa Heneral Santos human gipusil samtang padulong sa eskuwelahan alas 7 pasado niadtong milabay nga adlaw. Matud pa sa report sakay sa iyang motorsiklo ang biktima nga si Marlon Oraes, 40-anyos ug nagpuyo sa Doña Soledad Subdivision, Labangal sa dihang gipusil sa usa ka suspek nga nakasakay usab og motorsiklo sa Leon Llido Street, Lagao. Naigo sa likod ang biktima nga milahos sa iyang dughan nga bahin hinungdan sa iyang kamatayun. Nasayran nga paspas nga gidala sa Saint Elizabeth Hospital ang biktima apan gideklarang dead on arrival sa doktor. Kasamtangan giimbestigahan pa sa kapulisan sa Lagao ang nasangpit nga insidente aron sayron ang motibo sa pagpusil patay. Matud pa 17 ka tuig nga gatudlo ang biktima ug wala matud pa kini kaaway. *8888888 MUNATO FEST SA SARANGANI SUGDAN NA KARON, HOLIDAY PA GYUD ALABEL, SARANGANI PROVINCE---Pormal na nga sugdan karong adlawa ang 8TH Muna To Festival 2010 sa lalawigan sa Sarangani duyog usab sa ika-18 ka tuig nga kasumaran sa probinsya. Ang pagbukas karong adlawa sa 8th MunaTo Festival ug 18th Founding Annivesary gideklarar usab ni Presidente Noynoy Aquino pinaagi sa Proclamation No. 68 nga usa ka non-working holiday sa tibuok sa Sarangani. “It is but fitting and proper that the people of the Province of Sarangani be given full opportunity to celebrate the occasion with appropriate ceremonies,” matod sa proklamasyon sa pamuno-nasod. Samtang si Vicente Camacho III, ang provincial administrator sa kapitolyo sa Sarangani mipamahayag nga tanan nga mga empleyado ug mga labaw niini kinahanglan nga mopartisipar sa grandiosong okasyon. “All heads of provincial department are hereby enjoined to participate in all activities as this commemorates our achievements with fitting celebration,” dason ni Camacho. Hinuon, ang mga job order nga empleyado ug mga contractual kinahanglan nga mag-time in ug moserbisyo karong adlawa. “To ensure that expected workloads are carried out as requested even during holiday, job order employees and those under contract of service shall take on official time as they render services and specific task assignment on November 25 in consideration to their daily rate.” Dugang butyag ni Camacho. Maglungtad ang MunaTo Festival sugod Nobyembre 25-27, 2010. (pbanat news desk/jimboy villar) *88888888