DISGRASYA--Mao kini ang nahitabo sa tulo ka mga biktima nga nagsakay sa usa ka motorsiklo ug mibangga sa usa ka bus de pasahero nga iya sa Yellow Bus Lines didto sa Malungon, Sarangani Province niadtong milabay nga adlaw. Gidimalas gyud kay nakabsan sa ilang mga kinabuhi ang tulo ka mga biktima. (kuha ni jojo gocotano/malungon info office/pbanat caption)
*8888888
3 KA KOMPANYANG LANGYAW MAG-NEGOSYO SA REHIYON 12
GENERALSANTOSCITY---Tulo ka mga langyaw nga kompanya ang nagpadayag karon sa ilang dakong interes nga mobubo ug puhunan sa rehiyon 12.
Kini matod ni Muslim Affairs Executive Director ug Undersecretary, Datu Ali Sangki sa pakighinabi sa lokal nga media niadtong milabay nga adlaw. Matod ni Sangki, mibisita bag-ohay pa lamang sa rehiyon ang tulo ka mga kompanya ug mibutyag nga may intensyon sila nga mobubo ug puhunan sa Mindanao. Nasayran pa nga gibisita sa mga negosyante ang lalawigan sa Sultan Kudarat ug gitan-aw ang dakong posibilidad sa pagtukod sa ilang mga negosyo. Ang mga kompanya sa Royal Family sa nasod Kuwait, Sami Labs Ltd ug laing usa pa ang mibisita sa rehiyon nga nagpadayag nga magtukod ug mga pharmaceutical ug nutritional industries sa rehiyon 12 panahon nga ila na kining madesisyonan. (pbanat news desk/jimboy villar)
*8888888
DUHA KA MGA SUSPEK SA KIDNAPPING SA COTABATO DAKPAN
GENERALSANTOSCITY—Duha ka mga suspek nga mag-amahan ang gidakop niadtong milabay nga adlaw sa mga elemento sa CotabatoCity PNP human nga gitudlong mga suspek sa nahitabong pagdagit sa usa ka dalagita nga estudyante sa STI-Cotabato.
Sa report nga gipaabot sa PNP 12 nganhi sa Periodico-Banat, naila ang mga suspek nga usa ka Ahmad Dibaratun, 44 anyos, minyo ug residente sa Barangay Katuli, Sultan Kudarat, MaguindanaoProvince ug ang anak niini nga usa ka JOmali Dibaratun.
Sa inisyal nga imbestigasyon sa kapulisan, nadakpan ang tigulang nga Dibaratun human sa gipahigayong entrapment operations sa usa ka kan-anan sa Cotabato. Nakigkita matod pa ang suspek sa inahan sa biktimang si Joyce Bag-ao aron papirmahon sa usa ka dokumento nga nagbutyag nga wala gidagit ug gikidnap ang anak niining si Joyce kundili igo lamang nakigtaban sai yang anak nga si Jomali.
Apan, ang laing imbestigasyon sa mga pulis nagtug-an nga giti-onan ug armas ang babayeng biktima ug gipugos nga pagpasakay sa usa ka sakyanan human gidala didto sa Sultan Naga, Dimaporo, Lanao del Norte.
Tungod sa mga impormasyong nahipos gikan sa pamilya sa biktima, gidakop si Ahmad sa maong kan-anan ug didto nakuha kaniya ang impormasyon kung asa gitago-an ang dalagang si Joyce.
Malampusong nakuha sa mga awtoridad ang biktima samtang ang duha ka mga suspek ang gipasakaan na karon ug kasong kidnapping with serious illegal detention sa korte sa Cotabato. (pbanat news desk/jimboy villar)
*8888888
BALAOD SA TRAPIKO SA GENSAN APRUBADO NA
GENERALSANTOSCITY---Aprubado na gyud ug andam ng ipatuman ang usa ka balaodnon nga napanday sa Sangguniang Panlungsod sa syudad may kalabotan sa trapiko ug mga bag-ong muntar nga mga traffic light systems sa Gensan.
Mao kini ang gibutyag ni Gensan City Mayor Pedro Acharon Jr., sa lokal nga media niadtong milabay nga adlaw. Matod ni Acharon, panahon nga ma-implementar na ang City Ordinance No. 7, ang balaodnon nga nagtumong sa pagpatunhay sa maayong dagan sa trapiko ug mga bayolasyon sa mga katawhan panahon nga molapas niini.
Kung kaniadto, wala’y igong silot ang mga nag-jay walking nga mga pedestrian apan pinaagi sa maong ordinansa may mga ipahamtang na kini nga mga silot.
Sa maong balaodnon usab nasayran nga adunay P100 nga multa ngadto sa mga tawo nga molapas sa jay walking nga bayolasyon ug ipailawom kini sa seminar. May multa usab ang kontrobersyal nga No Right Turn on Red Light nga nagkantidad ug P1,000 alang ngadto sa mga motorista.
Hinuon, aminado ang alkalde nga dili kini mahingpit nga mapatuman panahon nga dili kini mamantala sa mga lokal nga pamantalaan sa syudad. (pbanat news desk/boni santillan)
*88888888
8 ANYOS PATAY HUMAN GIBUNGGO SA TRAK ANG GISAKYANG MOTOR
GENERALSANTOSCITY---Nakabsan sa iyang hinulamang kinabuhi ang usa ka otso anyos nga batang babaye niadtong milabay nga adlaw lakip na usab ang nagmaneho ug usa ka backride niini human nga gibanggaan sa usa ka trak de karga niadtong milabay nga adlaw.
Sa report nga nakuha, naila ang biktima nga usa ka Diana Rose Vertuso, residente sa San LorenzoVillage, Apopong ning dakbayan.
Matod ni SPO4 Wilfredo Santaniez sa Traffic Control Division, gibanggaan sa usa ka trak nga gimaneho sa usa ka Mario Booc nga residente sa South Cotabato ang gisakyang motorsiklo sa biktima. Gidali pa ug hatod sa Doctors’ Hospital ang mga biktima apan ang batang otso anyos, gideklarang dead on arrival.
Kasamtangan karong gikustodiya sa Pendatun PNP ang drayber sa maong trak samtang ang mga kaubanan sa batang biktima anaa pa gihapon sa kritikal nga kondisyon. (pbanat news desk/rare colas)
*888888
11TH TUNA CONGRESS KARONG AGOSTO NA
GENERALSANTOSCITY---Karong katapusang semana na sa bulan sa Agosto ang 11th Tuna Congress nga ipahigayon dinhi sa syudad.
Kini ang gibutyag ni Marfenio Tan, presidente sa SOCSARGEN Federation of Fishing and Allied Industries Inc (SFFAII) sa lokal nga media niadtong milabay nga adlaw. Matod ni Tan, himuon ang Tuna Congress karong umaabot nga Agosto 27-29, 2009 didto sa Lagao Gymnasium.
Batbat pa sa iladong negosyante sa tuna nga ang maong panagtigom sa mga nalambigit sa industriya sa tuna adunay mahinungdanong tumong nga mao usab ang maghisgot sa kasamtangang problemang gisag-ubang sa tuna industry.
Ang Tuna Congress mao usab ang mohan-ay sa himuon nga solusyon sa mga negosyante sa tuna may kalabotan sa ilang mga problema ilabi na ang pagdumili sa nasod Indonesia nga makakuha ang Pilipinas sa mga isda niini. Usa usab nga hisgutan mao ang territorial waters boundary sa mga nasod sa Pilipinas, Indonesia, China, Vietnam, Singapore, Malaysia ug uban pa.
Nagbitbit ug temang, “Changing Mindsets to Sustainable Fisheries,” ang umaabot nga panagtigom sa mga nagpaluyo sa tuna industry. (pbanat news desk/popoy contreras)
*8888888888
TUNGOD SA DAGHANG NOBYO, DALAGITA NAGPAKAMATAY
GENERAL SANTOS CITY---Patay na nga nahidangat ang usa ka 16 anyos nga dalagita nga residente sa barangay Dalisay, Tampakan, South Cotabato niadtong milabay nga adlaw human nga matod pa mi-inom kini ug herbicide tungod sa problema sa mga nobyo niini.
Sa report nga nahipatik sa Bombo Radyo South Cotabato, usa ka alyas Inday, 16 anyos ang gidala pa sa iyang mga kabanay sa balay tambalanan apan wala na kini maka-abot pa ug nakabsan sa iyang kinabuhi. Sa usa ka pamahayag sa amahan niini, naglibog matod pa ang iyang anak kung kinsa ang pili-on sa lima ka mga nobyo niini nga hurot nagmahal ngadto kaniya.
Dason pa sa kabanay sa biktima nga gikapoy na kini nga mopili kinsa gyud ang pinakatimbang sa iyang dughan. Hangtod sa pagsulat ning maong balita, ang patay nga lawas sa biktima anaa pa gihapon sa SouthCotabatoProvincialHospital. (pbanat news desk/popoy contreras)
*8888888
22 GIPATAY SA MGA PAGBAHA SA REHIYON 12
GENERALSANTOSCITY—Mi-abot ngadto sa 22 ka mga tawo ang nakabsan sa ilang mga kinabuhi human nga kalit nga gi-atake sa mga pagbaha ang tibuok rehiyon 12 niadtong milabay nga semana.
Sa report gikan sa Department of Social Welfare and Development Office (DSWD) Regional Office 12, unom ang namatay sa lalawigan sa Sarangani, duha sa North Cotabato ug laing onse pa sa probinsya sa Maguindanao.
Ang buhatan usab sa National Disaster Coordinating Council (NDCC) nagbutyag nga sa singkuwenta ka mga lungsod ug upat ka mga syudad, miabot sa 505,102 ka mga indibidwal ang naapektohan o 106,635 ka mga pamilya ang apektado sa mga pagbaha.
Nasuta usab nga mi-abot ngadto sa P1.146 bilyones ang kinatibuk-ang danyos sa mga pagbaha diin P299.5 milyones niini ang naguba sa mga imprastraktura ug laing P846.32 milyones sa natad sa agrikultura.
Hangtod karon may mga pamilyang apektado pa gihapon sa baha nga nagpabilin sa mga evacuation centers sa Sultan Kudarat ug Cotabato nga miabot ngadto sa 3,204 ka mga pamilya. (pbanat news desk/jong gorgonio)
*888888888
MAG-UUMA NGA ASSET SA MILITAR GIPUSIL-PATAY
GENERALSANTOSCITY---Patay ang usa ka mag-uuma sa probinsya sa Sultan Kudarat niadtong milabay nga adlaw human nga gipusil-patay gamit ang usa ka M1 Garrand Rifle sa mga wala pa mailhing mga suspek.
Matod sa report sa Sultan Kudarat Police Provincial Office, ang biktima nailang usa ka Humberto Tacan, 40 anyos, minyo ug residente sa barangay Tran, Lebak, Sultan Kudarat. Dugang sa report, igo lamang mikuha si Tacan sa iyang buhing karabaw ug mopauli na unta apan kalit na lamang kining gibabagan sa mga armado. Matod sa usa ka Alvino Rojales, nga kuyog sa biktima niadtong tungora paspas kaayo ang panghitabo hinungdan nga wala niya maila ang mga hitsura sa mga mamumuno. Maayong pagka-igo sa iyang ulo ang biktima nga mingresulta sa iyang kamatayon.
May mga balita pa nga miabot nga si Tacan matod pa usa sa mga asset sa mga sundalo hinungdan nga gibalikan kini ug gipatay. Hangtod sa pagsulat ning maong balita, padayon pa gihapon ang ginahimong imbestigasyon ning maong insidente. (pbanat news desk/rare colas)
*888888
BFP-12 MOBALHIN NA SA KORONADALCITY
GENERALSANTOSCITY—Ibalhin na ang Regional Office sa Bureau of Fire Protection gikan sa GeneralSantosCity padulong sa KoronadalCity, South Cotabato.
Mao kini ang migawas nga report gikan sa maong buhatan ug nasayran usab nga karong petsa kinse sa Agosto, pormal na nga imuntar ang Regional Office sa mga bumbero didto sa Rendon Street, Barrio 1, Koronadal City.
Ang pagbalhin sa regional office sa BFP-12 nahisubay sa kamandoan ni presidente Gloria Arroyo nga ang tanan nga mga regional offices angayan nga mobalhin sa Seat of Regional Center sa rehiyon 12, pinasikad sa Executive Order304.
Pipila sa mga ahensya nga mibalhin na sa Koronadal ang DepEd, NBI, DSWD, PAG-IBIG, SSS, LTO ug uban pa. (pbanat news desk/boni santillan)
DUGO ALAY NI MAYOR JUN--Usa ka volunteer ang mipakuha sa iyang dugo alang sa blood letting project atol sa ika-51 nga adlaw'ng natawhan ni Gensan City Mayor, Jun Acharon niadtong milabay nga Biyernes. Ang maong okasyon mao usab nga pagkahimugso sa Red Cross 143 Sarangani-Gensan Chapter (SARGEN) didto sa Lagao Gym. (kuha ni cocoy sexcion/pbanat caption)
*8888888
MOTOR SA MALUNGON GIDARO SA YELLOW BUS, 3 PATAY
MALUNGON,SARANGANIPROVINCE---Tulo ang kumpirmadong patay samtang nagsakay ug motorsiklo human nga gidaro kini sa usa ka bus de pasahero nga iya sa Yellow Bus Lines, Inc (YBL) kagahapon sa hapon.Sa report gikan sa Malungon PNP, na-ila ang mga biktima nga sila Fermin Plantinos (drayber sa motorsiklo), residente sa Surallah South Cotabato ug usa ka guwardiya sa National Agri-Business Corporation (NABCOR), Gigi Mangila, residente sa barangay Tamban ug Eddie Ange taga-Poblacion Malungon.
Sa inisyal nga imbestigasyon sa kapulisan sa Malungon ubos ni PCI Leo Sua, nahitabo ang maong insidente duol sa Petron Gas Station diin kalit na lamang nga midagan ang Honda XRM nga gisakyan sa mga biktima nga may plaka LE 5717 ug wala namatikdi niini nga adunay nagdagan nga YBL nga may body number A-98 ug may plakang LVZ-393 ug gimaneho sa usa ka Edwin Lapong. Maayong pagkadasmag ug pagkadaro gyud ang nahitabo sa motorsiklo nga gisakyan sa mga biktima nga gikan pa sa Gensan aron lamang mokuha ug kuwarta aron ibayad unta sa motorsiklo.Hangtod sa pagsulat ning balita, padayon pa gihapon nga gi-imbestigahan ang maong insidente ug anaa na sa kustodiya sa Malungon PNP ang drayber sa maong bus de pasahero. Samtang ang mga patay nga lawas sa biktima gipahiluna una sa Palmes Funeral Homes sa barangay Malalag Cogon. (pbanat news desk/dexter delfin)
*888888
PUWERSA SA MGA NPA SA SARANGANI HINAY NA
GENERAL SANTOS CITY---Gipasiatab karon sa labaw sa Joint Task Force Gensan sa Philippine Army nga nakabase sa dakbayan nga nagkahuyang ug nagkahinay na gyud ang puwersa sa mga sakop sa New Peoples’ Army (NPA) sa probinsya sa Sarangani.Matod ni Colonel Leo Cresante Ferrer, Commanding Officer sa JTF-Gensan, mihinay na ang puwersa sa mga rebelde tungod sa nahitabong sunod-sunod nga pagbalik sa sabakan sa balaod sa mga miyembro sa Front Committee 71 sa Far South Mindanao Region.
Kahibaloan niadtong milabay nga semana lamang, duha ka matod pa aktibong mga miyembro sa NPA ang mi-surinder sa mga sundalo nga nailang sila si Gaga Londong alyas Ka Blakson, 26 anyos ug residente sa Sapu Masla, Malapatan Sarangani, diin mitunol usab sai yang .38 nga revolver.Usa pod ka Dante Tiwado nga taga-Pag asa, Alabel, Sarangani ang mibalik usab sa sabakan sa balaod diin nagbitbit pa kini sa iyang armas.Karong adlawa, gilauman nga ang duha ka mga misurinder mo-atubang kang Sarangani Governor, Miguel Rene Dominguez alang sa pagpanumpa nga dili na mobalik sa kalihokan. (pbanat news desk/jimboy villar)
*88888888
ARON MALUWAS SA INSIDENTE SA SUNOG
MGA DORMITORYO UG BOARDING HOUSE SA DAKBAYAN SUSIHON—BFP
GENERAL SANTOS CITY---Gimando karon ni Bureau of Fire Protection 12, Regional Director, FCSUPT Samuel Perez ngadto sa tanang mga ginsakpan niini nga mopahigayon ug mga pagsusi ug inspeksyon ngadto sa mga balay-paabangan partikular na ang mga dormitoryo ug boarding houses nga maoy ginapuy-an sa mga estudyante.
Sa usa ka ekslusibong pakighinabi sa Periodico-Banat ngadto kang Perez, gisulti niini nga kinahanglan nga mamahimong luwas ug nagsubay sa balaod ang tanan nga mga dormitoryo ug boarding houses aron masiguro nga walay dautang mahitabo ngadto sa mga boarders ug tenants niini tungod sa sunog.
‘Everyday is fire prevention day. Kailangan nating maingat lagi at siguruhin na ligtas at gumagana ang ating mga fire extinguishers at fire exits,’ matod ni Perez.
Bisan tuod wala’y nahitabong mga insidente sa sunog sa mga boarding houses ug mga dormitoryo dinhi sa syudad, mas labing maayo na matod pa ni Perez nga unahan na ang trahedya aron dili kini mahinayon. ‘Kelan pa tayo kikilos, kung huli na at may namatay. Hindi puwede ‘yon,’ pintok nga pamahayag sa labaw sa BFP-12.
Posibleng kanselahon ang mga business permit sa mga establisyemento sama sa boarding houses ug mga dormitoryo ug mag-atubang pa ug mga kasong kriminal ang mga tag-iya niini panahon nga mapamatud-an nga wala misubay sa balaod ang maong mga negosyo. (pbanat news desk/jong gorgonio)
*88888
SATUR OCAMPO UG TEDDY CASIÑO NAHIDANGAT SA GENSAN
GENERALSANTOSCITY---Mi-abot kagahapong adlawa ang duha ka mga iladong kongresista sa Bayan Muna Partylist aron mopadayag sa ilang interes nga mopapili isip mga senador sa umaabot nga May 2010 elections.
Sa pag-atubang nila Bayan Muna Partylist Representatives, Satur Ocampo ug Teddy Casiño sa lokal nga media kagahapon, gisulti sa duha ka mga kongresista nga andam na sila sa laing hagit sa ilang pulitikal nga pakigbisog pinaagi sa pagpapili isip mga senador.
Kagahapong adlawa, pormal nga gipa-ila nila Casiño ug Ocampo ang Makabayan Party, usa ka partidong pulitikal nga gimugna sa mga progresibong partylists sa Gabriela Womens’ Party, Bayan Muna, Kabataan Partylist, Anakpawis, Courage, Migrante ug uban pa.
Si Ocampo ug Casiño nagbutyag pa nga panahon na nga ilang dalhon sa senado ang mga isyu ug yangongo sa ordinaryong Juan dela Cruz nga dugay na nga gihikawan sa tinuod nga reporma sa ekonomiya, agrikultura, komersyo, pangempleyo ug uban pa. Buot pa sa duha ka mga kongresista nga moduyog ang katawhan sa ilang kawsa aron mas mokusog pa ang boses sa ordinaryong tawo ngadto sa gobyerno. (pbanat news desk/boni santillan)
*8888888
KAMPANYA BATOK DROGA SA MGA ESTUDYANTE GIPAKUSGAN PA
GENERALSANTOSCITY---Mas gipakusgan pa ug gipalig-on ang kampanya batok sa illegal nga droga ngadto sa mga estudyante sa dakbayan.
Niadtong milabay nga mga adlaw, gibisita sa mga elemento sa Philippine Drug Enforcement Agency (PDEA-12) ang Ireneo National Highschool aron sa pagpasabot ug pagtudlo sa mga estudyantesa high school may kalabotan sa kadaut ug kalisang nga ilang matagamtaman panahon nga mogamit sila ug droga. Matod sa PDEA-12, sagad nga mamahimong biktima sa mga illegal nga droga mao ang mga estudyante ilabi na nga sa ilang mga edad, kusog kaayo ang ginatawag nga curiosity ug peer pressure. Naghangyo karon ang PDEA dili lamang sa mga estudyante kundili lakip na ang mga magtutudlo ug mismo ang mga ginikanan nga hatagan ug igong giya ug pagtagad ang ilang mga anak aron mahilayo sa droga. (pbanat news desk/rare colas)
*88888888
VERA CAUSA
Ni: jong gorgonio
BENTAHA NI PACMAN ANG MALUNGON, SA GLAN KAHA?
Karon pa lang daan nagsugod na ang mainit nga klima sa pulitika sa lalawigan sa Sarangani human ang sikat nga boksingerong si Manny Pacquiao, mibuhi na sa iyang dakong interes nga mopapili isip kongresista batok sa lig-on nga pamilyang Chiongbian, nga mao usab ang kasamtangang naghawid sa renda sa panggamhanan sa kongreso.
Si Manny Pacquiao, usa ka iladong bilyonaryo, sikat nga boksingero ug respetadong indibidwal dili lamang sa nasod kundili sa tibuok kalibutan nagsugod na usab sa pagpadayag sa iyang interes ug ambisyon nga mahimong kongresman pinaagi sa daghang mga medical, dental missions lakip pa gyud ang pag-ayuda niini sa matang sa edukasyon sa mga batan-ong Sarangan.
Sa akong paglibot sa Sarangani Province, dili gyud naku mawagtang nga magkumpara sa mga lungsod diin ilado nga may dakong natabang si Pacquiao. Didto sa Malungon, Sarangani diin ang amahan sa lungsod nga si Mayor Reynaldo Constantino, iladong ka-alyado, suod nga higala ug adviser ni Pacquiao mihunat gyud ug todo pinaagi sa mga aktibidades nga iyang gimugna aron lamang nga si Pacman, mas mailhan sa katawhan nga usa ka maayo, may kapasidad ug angayan nga mamahimong kongresista. Tinuod man, epektibo kaayo kini sa akong panglantaw sanglit daghang mga residente didto ang nagkanayon nga ilang sulayan si Pacman karong umaabot nga pinili-ay. Sa bag-ohay pa lamang natapos nga kapiyestahan sa Malungon, mismong ang mga katawhan sa maong dapit, nagmaya ug nalipay tungod sa suporta ni Peoples’ Champ. Buot pasabot, direktang nabati sa katawhan ang sinseredad ni Pacquiao nga andam moserbisyo sa tanang panahon niini.
Kasayuran naman nga ang Malungon mao ang ginakonsidera nga pinakalapad ug pinakadakong lungsod sa Sarangani nga nagbaton ug pinakadaghang ihap sa mga botante. Ug karon, atong sulayan pagsusi ang lungsod sa Glan, ang ikaduhang pinakalapad ug pinakadakong lungsod sa Sarangani.
Anaa sa Glan ang iladong pamilya sa mga Yap, diin ang alkalde mao si Mayor Enrique Yap, ang karibal sa pulitika sa kaugalingong mga igsoon niini nga sila si Provincial Board Member Victor James ug Dra. Vivien Yap. Si Board Tata ug si FABC Dra. Vivien naghi-usa ug puwersa aron ilogon karong umaabot nga 2010 elections ang renda sa munisipyo sa Glan gikan sa ilang igsoong si Mayor Yoyong.
Si Mayor Yoyong, usa ka iladong alyado sa pamilyang Chiongbian ug ni Gobernador Migs Dominguez, mga lider sa lig-on nga partidong Sarangani Reformation and Reconciliation Organization (SARRO), ang hugpong nga nagsipa sa kanhing administrasyon ni Gobernador Mike Esobar.
Susama kang Malungon Mayor Bong Constantino, si Board Member Tata ug igsoon niining si Kapitana, Vivien mao ang gitahasan sa sikat nga boksingerong si Pacquiao nga maoy mobitbit sa iyang bando ug magpadayag ngadto sa katawhan sa tini-nuod nga tumong niini ngadto sa mga taga-Glan. May mga dental, medical missions usab nga gipahigayon sa Glan ug nanghatag pa ug suportang pang edukasyon.
Apan, ang pangutana, midulot ba kaha sa katawhan sa Glan ang ginahimo sa grupo nila Board Tata ug Dra Vivien alang sa kawsa ni Pacman? Nakahatag ba kini ug dugang nga pagsalig ngadto kang Pacquiao gikan sa katawhan sa Glan? Nihumot ba kaha ang imahe ni Pacman isip usa ka pulitiko ngadto sa mga taga-Glan? Kumbinsido ba kaha ang katawhan sa Glan sa plano ni Pacman ngadto kanila? Makapasalig ba kaha ug kadaugan sila Board Tata ug Dra. Vivien para kang Pacman sa ilang teritoryo?
Tinuod man nga maayong mga tawo sila Dra. Vivien ug Board Tata. Maayong mga lider ug adunay pondo nga katawhan nga andam mobotar ngadto kanila. Wala kita’y dautang tumong ug tuyo sa mga pangutana nga atong gibato ngadto kang Board Member Tata ug Dra Vivien. Nasayod ako nga grabe na ang ginahimong pagpaningkamot sa duha ka magsoon aron lamang makab-ot ang tumong nga si Pacman maoy mamahimong istar pag-abot sa pinili-ay. Pero, akong nakita nga daw kulang ang impormasyon ug pahibalo ngadto sa katawhan may kalabotan sa mga aktibidades ni Pacquiao ngadto sa Glan. Unta, adunay himuon nga lakang si Board Tata ug Dra. Vivien aron mas molapad pa ang kahibalo sa katawhan sa ginahimo ni Pacquiao ug sa grupo niini.
Wala kita’y gidapigan kung si Pacquiao ba o si Chiongbian ang atong kongresman. Buot lamang nako ipaabot ngadto sa bando sa duha ka magka-atbang nga partido nga na-edukar na ang mga botante sa Sarangani ug nagkinahanglan ug tinu-od dili ‘scripted’ nga mga paglihok. Aminado kita nga ang mga Chiongbian kuyog ang kampo ni Gob Dominguez, mas may lapad na nga kasinatian sa pamulitika sa Sarangani. Apan, si Pacman bisan pa man nga aduna na kini ekperyensya sa pulitika sa Gensan, kinahanglan nga magkugi gyud. Matag adlaw, importante kaayo sa duha ka mga grupo.
Alang kanako, may bentaha si Pacman sa Malungon, sa Glan kaha? Katawhan kamo ang nasayod niini.
SKIN DEEP BEAUTY?/ BUTI NA LANG AT MAY MARFIN & COMPANY
Nitong nag daang araw nalathala sa font page ng Periodico Banat ang larawan ng isang bahagi ng Barangay City Heights ng Lunsod ng Heneral Santos ang sandamukal na basura na uma-alingasaw sa sama ng amoy.
Ang naturang tambak ng basura ay nasa hindi kalayuan sa Aparente Ave. ang pangunahing lansangan ng nasabing Barangay.
Taas noo pa naman ang pagmamayabang ng Punong Barangay Na si Dating City Kagawad Lourdes Casabuena, at ngayon ay ABC President.
Malaki na rin ang nagasto ng ating pamahalaan, sa mga lakbay aral ng mga kagawad para sa solid waste management, at iba pa. subalit malinaw ang pagiging inutil n gating pamahalaan sa pagtuturo sa ating mamamayan ng tamang pananaw sa nasabing programa.
Sa aking paniwala, ang pinakamatinding basura sa ating lipunan, ay karamihan nasa ating pamahalaan, minsan ang tawag din sa kanila ay TRAPO, ang malungkot nito sila ay nagpapanggap na HONORABLE.
RESPECT IS BEING EARNED; IT COULD NEVER BE IMPOSED, kung sa basura lang e hindi kayo mapagkakatiwalaan na ayosin, iba pa kayang problema.
-0-0-0-0-0-0-
Sa mga pinaka huling mga ulat may kinalaman sa batas at regulasyon sa Fishing, maganda dahil may roon nang dalawang buwan na close season para sa pangingisda ng ilang uri ng species, at fishing pamamaraan sa pandaigdigang fishing grounds.
Ito ay upang bigyan ng pagkakataon na muling magparami ang isda sa karagatan, ang tanong ng ilang makikitid ang utak, paano na kami? Paano kakain an gaming pamilya? Ang hindi nila naisip ay PAANO ANG LAHAT PAG NAUBOS ANG ISDA SA DAGAT?
Mapalad ang General Santos Sa pagkakaroon ng mamamayan na Katulad ni Ginoong Marfin Tan, isang dating ordinaryong mangingisda ng lunsod ng Heneral Santos at ngayon ay isa nang world class ng Fishing magnate.
Sa kabila ng kanyang kasalukuyang kalagayan sa buhay, hindi nito nakakalimutan ang pagbibigay protection sa kalikasan, para sa kapakinabangan ng lahat.
Kung walang Marfin Tan at kanyang mga kasamahan na gumagasto ng sarili nilang panahon at pundo upang makadalo sa mga pandaigdigang usapin sa pangingisda, ewan ko kung ano ang mangyayari sa industriya ng pangingisda ng Gensan at Pilipinas.
MABUHAY KAYO… KEEP UP THE GOOD WORK.
-0-0-0-0-0-0-
Nadinig ko si Congresswoman Darlene Antonino Custudiosa isang radio interview, about her plan to run as Mayor of Gensan, samantalang ang kapartido nitong si Vice Mayor Florentina Congson ay may plano ding tumakbo bilang alkalde, sa paliwanag ng Kongresista, ang pagpili daw ng kandidato ng partido ay sa pamamagitan ng convention… ganito rin ang pahayag ng dating alkalde at pangulo ng partidong AIM, na Achievers daw with Integrity Movement, na dating tinatawag na ANTONINO INDEPENDENT MOVEMENT.
Ang mga nasabing pahayag ay mahirap paniwalaan ng kagaya kong dating kasama ng partido, sabi nga ng matandang kasabihang binisaya “naa na na sa akong pahak” na halos ibig sabihin sa wihang englis na “tell that to the marines”. Sabagay sa malayang bansa lahat ay may karapatan, at magkatapat ang karapatang mamgbola at magpabola. Kung ayaw nyo sa naunang dalawang karapatan… dito tayo sa pangatlo, ang ayaw magpabola.
Mahirap paniwalaan na lalabas sa isang malayang convention na kagaya ng AIM ang tunay na damdamin ng mga kasapi ng nasabing partido.
Tanong ko lang nasaan na nga pala ang mga dating kasapi ng naturang partido na sumuporta ng husto ng walang perang pinag-uusapan? May natira pa ba?
Good luck nalang sa kay VM, sana mabago mo ang takbo ng syudad kung sakali.
Until here again.. for comments, suggestions and reactions email us at brodkaster585@yahoo.com. (0919)804-4956.
*888888888
Wednesday, March 4, 2009
PANAGBULAG?--Si Bise Mayora Flor Congson (wala) ug Kongresista Darlene Antonino-Custodio (tuo) parehong nagpadayag nga mopapili gyud isip alkalde sa dakbayan sa Gensan karong umaabot nga 2010 elections..Ang problema pareho sila ug partido ug ilado na kaayo nga dugay na nga suod nga maghigala ug kapamilya sa partidong Achievement With Integrity Movement (AIM)..Unsa kaha ang mahitabo? Adunay PANAGBULAG ba o adunay nangluod lang? (pbanat file photo)*888888888
BISE MAYOR CONGSON MODAGAN GYUD UG MAYOR, ANDAM ATBANGAN SI DARLENE
Bisan tuod nga halayo pa ang eleksyon, daghang mga pulitiko dinhi sa dakbayan ang nagpanikad na nga mopahibalo sa ilang mga interes nga modagan pag-usab sa umaabot nga 2010 National and Local elections.
Sa pakisusi sa Periodico-Banat, nahibalo-an nga mismong si last-termer congresswoman, Darlene Antonino-Custodio nagpadayag na gyud sa iyang dakong interes nga mopapili isip mayor sa dakbayan hulip kang last termer Gensan City Mayor Pedro Acharon, Jr. Matod sa mga balita, andam gyud nga atubangon ni kongresista Antonino-Custodio ang responsibilidad nga mahimong mayora sa Gensan panahon nga moabot ang pinili-ay.
Apan, luyo sa tinguha ni kongresista Darlene Antonino-Custodio nga magpapili isip alkalde sa syudad, nagpahibalo usab sa iyang dakong pangandoy ug interes ang last-termer nga bise mayor sa dakbayan nga si Florentina Congson. Sa pakighinabi sa lokal nga media ngadto kang Congson, gisulti gyud niini nga andam siyang modagan ug mohulip sa mabakanteng posisyon ni Mayor Jun Acharon karong 2010.
Matod ni Congson, isip usa ka pulitiko nga hanas na kaayo sa eksperensya sa pagpadagan sa syudad, may katakos gyud kini nga mamahimong inahan sa dakbayan.
Kahibaloan nga si Congson ug si Antonino-Custodio dugay na nga magka-alyado ug magka-uban sa partido nga Achievement With Integrity Movement (AIM) diin ang amahan sa kongresista mao ang nagtukod nga si former Gensan City Mayor, Adelbert Antonio nga karon sakop na usab sa bag-ong peace panel sa Mindanao nga maoy nangita ug solusyon nga ma-undang ang kagubot sa Mindanao tali sa mga sundalo ug rebeldeng Moro Islamic Liberation Front (MILF).
Sa pamahayag ni Congson, gisulti niini nga adunay mahitabo nga caucus sa grupo sa AIM nga maoy mamahimong basehan sa pagpili kung kinsa ang mamahimong standard bearer sa AIM alang sa posisyon nga mayor sa Gensan. Pero, gipunting na sa babayeng bise mayor nga andam kining modagan bisan tuod nga dili makadaug sa konsultasyon ug caucus sa ilang partido. Ang AIM Convention nga sagad maoy sungbanan sa mga miyembro niini kung kinsa ang ituboy sa ilang partido sa usa ka partikular nga posisyon sa gobyerno mao usab ang basehan kung aduna ba gyud katakos ang usa ka kandidato nga mopilde ug mohatod ug kadaugan batok sa mga kaatbang niini.
Wala hinuon gisulti sa bise mayora kung andam ba kining mopapugong kung isugyot kaniya sa partido sa AIM ug sa liderato sa AIM nga gipangulohan ni Adel Antonino ug Darlene Antonino-Custodio nga dili na lamang ipadayon ang iyang interes nga magmayor.
Apan, sa paglibot sa Periodico-Banat sa dakbayan kagahapong adlawa, daghang mga lokal nga residente ang nagpadayag sa ilang mga opinsyon ug komento may kalabotan sa posibleng pagbangga-anay sa mga miyembro sa partido sa AIM karong 2010 elections. Matod sa mga nahinabi sa Periodico-Banat, nabalaka sila tungod posibleng maapektohan gyud ang klima sa pulitika ug kalambo-an sa syudad panahon nga magbulag-bulag ang mga dagkong lider sa AIM.
Una na pod nga migawas ang mga hungihong nga matod pa andam mo-atbang ang pipila ka mga iladong personalidad sa pamilyang Acharon batok sa mga Antonino. (pbanat news desk/jong gorgonio)
*8888888888
MAYOR FALGUI GISIGURO DILI MOBIYA ISIP MAYOR SA KIAMBA
Gipaniguro ni Mayor Rommel Falgui sa lungsod sa Kiamba, Sarangani Province nga dili gyud kini mobiya isip alkalde sa maong lungsod sa umaabot nga piniliay karong 2010.
Sa usa ka pamahayag ni Falgui sa lokal nga media, gibutyag niini nga dili pa kini mobiya isip mayor sanglit anaa pa lamang kini sa unang termino. Gisulti usab ni Falgui nga pag-abot sa 2010 elections, mayor lamang gihapon ang iyang daganan bisan kinsa pa man ang mamahimo niining kaatbang.
Sa pagmonitor sa Periodico-Banat, migawas ang pangalan sa kanhing bokal sa lalawigan sa Sarangani ug lumad nga taga-Kiamba nga si board member Danny Martinez ang posibleng mamahimong kontra ni Mayor Falgui sa umaabot nga 2010 elections. Si Martinez nga iladong ka-alyado ug suod nga higala ni WBC Lightweight Champion ug Pound for Pound King, Manny Pacquiao, mao usab ang gihugun-hugonan nga i-atbang sa kasamtangang mayor nga si Falgui.
Si Falgui nga iladong amigo ug kaalyado usab ni Sarangani Province, Governor Miguel Rene Dominguez ug Congressman Erwin Chiongbian una ng nagkanayon nga ipadayon gyud niini ang mga programa nga iyang nasugdan sa iyang administrasyon sa pagpangalagad sa Kiamba.
Kasamtangan karon nga gimugna ang usa ka Municipal Fishport Complex sa Kiamba isip tubag sa nagkataas nga sugyot sa kadaghanan nga Kiambans nga makabaton ug unay nga fishport complex.
Wala pa hinuon mibungat ug mihatag sa iyang pamahayag si former board member Danny Martinez may kalabotan sa sugyot ni Falgui. (pbanat news desk/jong gorgonio)
*8888888888
MGA RESIDENTE SA MAITUM, NAGREKLAMO SA DTI-SARANGANI
Mi-alma ug nagreklamo karon ang mga residente sa lungsod sa Maitum, Sarangani Province human matod pa wala’y aksyon nga gihimo ang ahensya sa Department of Trade and Industry-Sarangani (DTI-Sarangani) may kalabotan sa grabeng pagpatuyang sa pagsaka sa presyo sa mga pamaliton sama sa bugas ug uban pa sa maong dapit.
Sa usa ka text message nga nahiabot sa Periodico-Banat SOCSKSARGEN kagahapong adlawa, usa ka texter ang nagbutyag nga hangtod karon wala pa gihapon gilantaw sa DTI-Sarangani ang kahimtang sa taas nga mga presyo sa pamaliton sa ilang dapit ilabi na sa Maitum ug Kiamba. Matod sa maong texter nga mihangyo nga itago lamang ang iyang cellphone number, dili gyud maayo ug dili makatarungan nga dili mahatagan ug igong pagtagad sa maong ahensya sa kagamhanan ang ilang mga mulo sanglit dako ang ilang kabalaka nga basin pag-abot sa panahon grabeng pag-antos ug kalisod na ang matagamtaman sa katawhan sa Maitum ug Kiamba tungod sa way puas nga pagsaka sa presyo sa mga nag-unang palaliton.
‘Good pm po sir..Wala pong aksyon na ginawa ang mga DTI dito sa Sarangani. Lalong-lalo na dito sa Maitum.Kailan po ba sila gagawa ng aksyon kung may mamamatay na ng dahil sa gutom? Mahal pa rin po ang presyo ng mga bilihin,’ matod sa text message nga gipa-abot nganhi sa Periodico-Banat.
Ang maong mulo sa mga taga-Maitum paningkamutan nga ipaabot sa Periodico-Banat ngadto sa ahensya sa DTI-Sarangani aron mahatagan ug solusyon ug kasulbaran ang maong problema. Sunod adlaw, atong ipatubag ug ipatik ang tubag sa DTI-Sarangani alang sa tanan nga mga residente sa Maitum ug Kiamba, SaranganiProvince. Hatagan usab sa Periodico-Banat ang DTI ug tsansa aron matubag ang mga pasangil nga matod pa walay aksyon nga ginahimo ang ilang ahensya sa pagbantay ug pagsusi sa presyo sa mga palaliton sa SaranganiProvince. (pbanat news desk/jong gorgonio)
BAKWIT SA TUPI--Mao kini ang mga apektadong residente sa Brgy. New Cebuano sa lungsod sa Tupi, South Cotabato nga nahimong mga bakwit human nga mikalit ug ulbo ang kagubot sa ilang dapit tali sa mga netibong B’laan ug mga Kristiyano tungod sa away sa yuta. (kuha ni boni santillan, jr/pbanat caption)
*8888888
PERIODICO BANAT (MARSO 04, 2009)
ESKWELAHAN SA GENSAN GIREKLAMO SA GINIKANAN?
Usa ka pribadong eskwelahan sa dakbayan ang gireklamo karon sa usa ka ginikanan sa usa sa mga estudyante niini tungod matod pa naapektohan ang pag-tungha sa iyang anak gumikan sa wala matod pa paghatag ug suweldo sa maong tulunghaan ngadto sa mga maestro ug maestra niini lakip pa gyud ang 13th month pay sa mga magtutudlo.
Sa usa ka text message sa maong ginikanan nga gipaabot nganhi sa Periodico-Banat, gisulti gyud niini nga dako kaayo ang iyang kabalaka sa maong sitwasyon hinungdan nga nangayo kini ug pakitabang sa media.
‘Concern parent ako ng Nikki Louise College sa may Capareda St., Lagao..Mahal binabayad namin, tapos dipa nasahuran ang mga teachers almost two months, tapos wala pa sila 13th month,’ matod sa maong texter.
Nagsugyot pa ang maong texter sa Periodico-Banat nga mas labing maayo nga mahimo-an ug usa ka makuting imbestigasyon ang maong mga panghitabo. Giduso pa niini nga tungod sa maong sitwasyon naapektohan na ang pagtungha sa iyang bata.
‘Sana maaksyunan agad. Don’t publish my number,’ dugang sa maong texter.
Tungod niini, usa ka pagsusi ang himuon sa Periodico-Banat ngadto sa mga nagdumala sa maong tunghaan ug buot ipadayag sa Periodico-Banat nga abli gyud kini sa bisan unsa man nga reaksyon sa maong tunghaan. Ipadayon gihapon sa Periodico-Banat ang pagpangita ug ensaktong pamaagi aron makatubag ang gireklamo nga eskwelahan. Hangtod sa pagsulat ning maong balita, wala pa makahatag sa ilang komento ug reaksyon ang Nikki Louise College apan, andam ang Periodico-Banat nga imantala ang ilang mga tubag may kalabotan sa maong isyu. (pbanat news desk)
*8888888
RAID SA LAGAO ADUNAY PALPAK?
Usa ka reklamo karon ang nadawat sa mga sakop sa Intelligence Division and Management Section sa General Santos City PNP human kini mihimo ug usa ka raid sa usa ka panimalay niadtong milabay nga adlaw sa Purok 23, Sunrise Subdivision, Barangay Lagao ning dakbayan.
Sa report nga nakuha, gi-sulod sa mga elemento sa IDMS ang panimalay sa usa ka Rubelito Pandi pinaagi sa usa ka Search Warrant No. 09-11 tungod sa kalapasan sa Presidential Decree 1866 o paghupot ug illegal ug dili lisensyadong mga pusil.
Migawas ang reklamo human nadiskubrehan nga ang search warrant nga pirmado ni RTC Executive Judge Oscal Noel Jr., iya sa usa ka Roberto Pandi alyas Tatay ug ang raid gihimo sa panimalay sa tawo nga nagngalan nga usa ka Rubelito.
Abtik hinuon nga mitubag ang IDMS nga tinuod nga ang impormasyon sa pangalan sa gi-raid adunay sayop, apan walay kalapasan nga nahitabo sa proseso sa raid.
Gidepensa pa ni IDMS Chief, PCI Roland Allan Peñaverde nga ang ilang gihuptan nga search warrant ensakto sa alyas, apelyido sa tawo ug address sa panimalay. Bugtong ang sipyat lamang mao ang pangalan nga Rubelito ug Roberto. Gidugang ni Peñaverder nga dili gyud malikayan ang susamang mga sipyat apan, wala sila nabalaka sanglit aduna sila’y mga basehan nga legal. (pbanat news desk/brendo castro)
*88888888
SEKYU GITIGBAS TUNGOD SA IYANG ITLOG
Usa ka sekyu ang gidali ug dala sa balay tambalanan human nakahiagom kini ug samad-tinigbasan sa iyang dughan niadtong milabay nga adlaw, sa barangay Mabuhay ning dakbayan.
Sa report nga nakuha sa Periodico-Banat, naila ang biktima nga usa ka Larry Arca, 40 anyos, residente sa barangay Mabuhay ug usa ka security guard. Ang inisyal nga imbestigasyon sa kapulisan nagbutyag nga ang biktimang si Arca mi-adto sa panimalay sa usa ka alyas Hub nga mao usab ang gitudlong suspetsado sa maong insidente aron unta maningil sa usa ka dosenang itlog nga gi-utang sa suspek. Apan, kalit na lamang nga nasuko ang maong suspek sa sekyu nga igo lang naningil sa iyang itlog nga gipa-utang ug way duha-duha nga gitigbas kini sa dughan nga bahin hinungdan nakahiagom kini ug dako nga samad sa iyang dughan. Pag-abot sa mga elemento sa San Isidro PNP, narekober pa ang gigamit nga sundang sa suspek nga adunay gitas-on nga 14 pulgada. Nahibalo-an usab nga usa ka alyas Buki Tusoy, ang gi-imbestigahan usab sa mga pulis tungod sa matod pa mi-apil kini sa paglabay ug bato sa sekyu nga namaligya sa iyang itlog. Padayon pa karon nga gi-tambalan ang maong biktima sulod sa balay-tamabalan ug nag-andam na pod ang kapulisan sa pagpasaka ug kasong kriminal ngadto sa suspetsado. (pbanat news desk/jong gorgonio)
*8888888
EX-ARMY NANGIHI GIPUSIL-PATAY
Patay diha-diha dayon ang usa ka kanhing sakop sa Philippine Army (PA) human kini gipusil-patay samtang nangihi didto sa lungsod sa Sto. Niño, South Cotabato niadtong milabay nga adlaw.
Sa taho nga nakuha sa Periodico-Banat, naila ang biktima nga usa ka Corporal Rian Bandala, 35 anyos ug residente sa Bagumbayan, SultanKudaratProvince.
Ang inisyal nga imbestigasyon sa South Cotabato PNP nagbutyag pa nga bandang alas 2:40 sa hapon samtang nagsakay sa iyang motorsiklo nga Honda XRM, kalit na lamang kining mihunong sa POblacion, Sto. Niño aron mangihi sa daplin sa kalsada. Wa gyud damha sa ig-agaw sa biktima nga usa ka alyas Aldrin nga adunay moduol sa biktima dayon way duha duha nga gipusil kini punting sa ulo niini. Nahibaloan usab sa report sa pulis nga gigamit sa suspek ang usa ka .45 nga pistola ug yanong misakay lamang kini sa usa ka motorsiklo nga Honda TMX 155 padulong sa wala pa matino nga direksyon.
Samtang ang biktima, gideklarang dead on the spot tungod sa grabeng igo sa ulohang bahin niini.
Dako ang pagtuo karon sa mga elemento sa South Cotabato PNP nga posibleng love triangle o dili ba kaha personal nga dumot ang motibo sa maong krimen. Gitin-aw pod sa ig-agaw niini nga wala niya mahitsura-I ang suspek tungod nagsul-ob kini sa iyang helmet apan giklaro niini nga adunay gitas-on nga 5’5 ang suspetsado.
Sa usa ka pamahayag sa tigpamaba sa 6th Infantry Division nga si Colonel Jonathan Ponce, gitin-aw niini nga dugay ng nataktak sa iyang serbisyo ang biktima tungod wala na mopakita sa yunit diin kini nadestino.
Gipunting hinuon ni Sto. Niño PNP Chief, PSI Larry Salcedo nga padayon pa nilang gi-imbestigaran ang kaso sa sundalong nangihi apan gipusil-patay. (pbanat news desk/popoy contreras)
*88888888
PAGPANGUHA UG TUNA SA INDONESIA, PUWEDE NA!
Maayong balita!
Mao kini karon ang gisugyot sa palasyo sa Malakanyang pinaagi ni Press Secretary Cerge Remonde human nga nagkasinabot na ug misugot ang gobyerno sa Indonesia nga mohimo ug usa ka fisheries consortium tali sa nasod Pilipinas. Ang maong kasabotan maoy maghimo ug dalan diin ang mga nakabase nga Philippine tuna vessels mamahimo ng managat ug mosulod sa mga tuna fishing ground sa Indonesia diin kaniadto, gidili kini tungod napaso na ang bilateral agreement sa duha ka nasod niadtong 2005.
Dugang ni Remonde, si Indonesian President, Susilo Bambang Yudhoyono abli nga midawat sa tanyag ni presidente Gloria Arroyo atol sa gihimong 5th Brunei, Indonesia, Malaysia, Philippines-East Asian Growth Area (BIMP-EAGA) Leaders’ Summit nga gipahigayon sa Dusit Thani hotel sa Thailand.
Saysay ni Remonde, gilayon nga nagkasinabot si Presidente Arroyo ug Presidente Yudhoyono nga mohimo ug usa ka joint technical working group nga langkuban sa mga opisyal sa fisheries sa Indonesia ug Pilipinas.
“This is a significant breakthrough because in effect, the proposal will expand the fishing grounds of our tuna fishing companies,” matod ni Remonde ngadto sa mga sakop sa media.
Gitin-aw pa sa press secretary nga ang makagahin ug dakong benepisyo mao gyud ang industriya sa tuna dinhi sa dakbayan sa Gensan.
Sa kasamtangan, ang syudad sa General Santos mao karon ang naghupot sa unom sa walo ka mga dagkong tuna canneries sa nasod nga nag-empleyo ug kapin sa 120,000 ka mga trabahante.
Base usab sa report sa Bureau of Fisheries and Aquatic Resources (BFAR) ang Indonesia nagahatag ug suplay nga 80,000 metriko tonelada nga mga dagkong tuna matag tuig dinhi sa nasod.
Pinaagi sa bag-ong fisheries consortium sa Pilipinas ug Indonesia, gihatagan na ug pagtugot ang mga mananagat sa nasod nga makakuha ug mga tuna ug uban pang klase sa isda sulod sa Indonesian Exclusive Economic Zone.
May mga espesyal nga lisensya usab ang gihatag sa Indonesia ngadto sa mga panagatan niini. Gitugotan sa Indonesia ang 75 ka mga catcher ships, 150 ka mga fish carries, 20 ka long liners, 300 ka mga light boats ug napulo ka mga single purse seiners. Ang consortium mitugot usab sa Pilipinas nga makasulod sa Pacific ug Indian Ocean diin sakop usab sa Indonesian EEZ.
Kahibaloan, nga nagpadayag ug dakong kabalaka ang mga negosyante sa tuna dinhi sa dakbayan human nga daghang mga panagatan ug mga mananagat niini ang natanggong ug gipangdakop sa Indonesian authorities tungod usab sa paglapas sa bilateral agreement sa duha ka nasod nga dugay nang nahuman sukad pa niadtong 2005. (pbanat news desk/jong gorgonio kuyog si popoy contreras)
*88888888
SOCSARGEN, NAG-UNANG SUPPLIER NA KARON SA KARNENG BABOY
Nag-una na gyud ang rehiyon sa South Cotabato, Sarangani, GeneralSantosCity (SOCSARGEN) isip supplier sa mga karneng baboy dinhi sa nasod.Mao kini ang gikumpirma karon ni Doctor Emelio Escobillo, ang presidente sa SOCSKSARGEN HOGRAISERS’ ASSOCIATION OF SOUTH COTABATO sa lokal nga media. Matod Ni Escobillo, ang mga silingang dapit sa SOCSARGEN dinhi sa Mindanao sama sa mga syudad sa Davao ug Cagayan de Oro nagkuhaan na sa ilang mga suplay sa karneng baboy sa rehiyon tungod matod pa sa barato ug wala misaka ang presyo niini.
Mga dapit usab sa Cebu, Manila ug Tacoloban, nag-angkat usab sa ilang mga karneng baboy gikan sa SOCSARGEN sanglit nasuta nga wala gyud malambigit sa mga sakit ang mga baboy nga produkto sa SOCSARGEN. Una ng gisulti ni Escobillo nga luwas ug layo sa sakit ang mga baboy sa SOCSARGEN tungod sa istriktong pagsusi ug pag-monitor sa daghang mga ahensya aron masiguro ang kaluwasan sa katawhan nga mokunsumo niini. (pbanat news desk/popoy contreras)
*88888888
GENSAN, EBOLA-FREE GYUD!
Gikumpirma karon ni City Veterinarian, Dr. Ephraim Marin sa Cit Veterinary Office (CVO) sa dakbayan nga hangtod karong mga panahona, nagpabilin gihapon nga luwas ug wala’y namatikdan nga natapnan ug sakit nga Ebola Reston Virus ngadto sa mga binuhing hayop ilabi na sa mga baboy.Matod ni Marin, dili lamang ang dakbayan ang nagpabilin nga luwas sa makamatay nga sakit sa mga baboy apan apil na usab ang mga kasikbit ug silingang mga lungsod niini. Apan, gisulti sa maong opisyal nga kinahanglan gyud nga magbinantayon ang tanan nga mga residente ug gilayon moreport ngadto sa ilang buhatan kung aduna man masuta nga baboy nga kalit lamang nga namatay.
Ang deklarasyon nga luwas ug limpyo ang mga baboy sa Gensan migawas human nga nahitabo ang halapad nga pagsusi sa mga piggery farms sa Gensan sa mga personahe City Vet Office dili pa lang dugay. (pbanat news desk/boni santillan)
*888888888
2 BATA, PATAY SA KURYENTE NG 46TH IB
MAGUINDANAO-Patay ang dalawang mga bata habang sakay ng pinapastol na baka matapos maapakan ng baka ang kuryenteng malapit sa gilid ng detachment ng 46th Infantry Battalion ng Philippine Army.Ayun sa ulat, ang mga biktima ay nakilalang sina Mohammad Bayan, 11 taong gulang at Mindato Mamalinta, 9 na taong gulang mga residente ng Barangay Kampo Muslim sa bayan ng Guindulungan, Maguindanao.
Sa report ng bomboradyo.com, aksidenteng naapakan ng bakang sinasakyan ng mga biktima ang isang live wire na malapit sa detachment ng mga sundalo. Dahil sa kuryente, biglang napatalon ang nasabing hayop na ikinahulog naman ng mga batang sakay nito. Dead on the spot ang mga bata kasali na ang hayop na nasakyan nila.
Ayun kay Bai Libai, ang tiyahin ng mga biktima, kasama sila sa mga bakwit noong nakaraang buwan dahil biglang nagsagupa ang puwersa ng gobyerno at mga miyembro ng Lawless MILF Groups (LMGs’). Dahil sa takot, napilitan silang lumikas sa kanilang mga tirahan at napadpad sa evacuation center na malapit sa detachement ng 46TH IB. Dagdag pa nito na kitang-kita niya ang lahat ng mga pangyayari habang nangingisay ang kanyang mga pamangkin kanyang pinagmasdan na lamang dahil hindi malaman ang gagawin.
Sa isang pahayag, sinabi ni 6th Infantry Division spokesman, Colonel Jonathan Ponce, handing tumulong ang militar sa sinapit ng mga batang biktima. Mariin ding sinabi nito na higit na pinagbabawal ang paglapit ng mga sibilyan sa kampo ng sundalo. (pbanat news desk/popoy contreras)
DISGRASYA--Mao kini ang nahitabo sa tulo ka mga biktima nga nagsakay sa usa ka motorsiklo ug mibangga sa usa ka bus de pasahero nga iya sa Yellow Bus Lines didto sa Malungon, Sarangani Province niadtong milabay nga adlaw. Gidimalas gyud kay nakabsan sa ilang mga kinabuhi ang tulo ka mga biktima. (kuha ni jojo gocotano/malungon info office/pbanat caption)
*8888888
