periodicobanat (disyembre 21, 2010)

HUMAN NGA NAHIMONG MOST BUSINESS-FRIENDLY CITY

DUGANG NGA MGA NEGOSYO SA GENSAN GILAUMAN

GENERAL SANTOS CITY—Karon pa lang daan, gi-angkon na ni Gensan City Mayor, Darlene Antonino-Custodio nga todo na ang ilang ginahimong pagpangandam sa posibleng pagdugok sa mga magpapatigayon ug kapitalista sa Tuna Capital of the Philippines huma nga gideklara sa International Finance Corporation (IFC), usa ka sangay sa World Bank nga maayong dapit gyud ang General Santos alang sa pagbubo ug mga kapital.

Gipasiatab pa sa babayeng mayora niadtong milabay nga mga adlaw nga, panahon nga moabot ang mga dagkong negosyante sa siyudad, makasiguro sila ug siguradong market ug usa ka dapit nga haruhay ang pagnegosyo

“It affirmed that we’re one of the best destinations for major investments right now. By coming here, prospective investors are not only assured of a viable market but an environment that is easy to do business in,” matod ni Custodio.

Base sa survey nga gihimo sa Asian Institute of Management (AIM) Policy Center, igo lamang sa 17 ka mga proseso ug pamaagi ug mahuman sa 22 ka mga adlaw ang pagtukd ug negosyo sa Gensan, nga layo kayo kung itandi sa 18 ka mga proseso ug pamaagi ug 33 ka mga adlaw sa national average.

Ang AIM midason pa nga pinaagi sa paspas nga proseso ug hamubo nga panahon sa pagtukod ug patigayon, sigurado gyud nga daghang mga trabaho ang mamugna diin makabenepisyo ang komunidad.

Ang pagtuon nga gi-ilang ‘Doing Business in the Philippines 2011 nagtutok sa implementasyon sa nagkadaiyang mga pamaagi ug proseso sa pagkuha ug mga business registrations sa 25 ka mga siyudad sa Pilipinas.

Gisuportahan usab sa Canadian International Development Agency, USAid, AusAID ug Investment Climate Advisory Serices sa World Bank ang maong pagtuon.

Ang dakbayan, nahimong epektibo sa pagpagawas ug mga business permits ug registrations pinaagi sa mga ‘one stop shops’ nga ginapahigayon niini panahon sa registration/renewal sa mga business permits matag unang bulan sa tuig.

Adunay mga insentibo nga ginahatag usab ang kagamhanang local ngadto sa mga patigayon sa mga nag-unang industriya sa Gensan.

Base sa Investment Code sa Gensan, ang mga posibleng imbestor puwedeng makabaton ug libreng bayad sa business sales taxes, building permit, mayor’s permit ug uban pang mga rekisitos nga kinahanglang bayaran.

Ang maong mga insentibo gi-avail gilayon sa dakong kompanya nga Robinsons’ Mall nga gipanag-iyahan sa mga Gokongwei ug Sun City Suites.

Bisan ang SM Prime Holdings sa negosyanteng si Henry Sy, siguradong mokuha gyud sa maong insentibo ilabi na nga sa pagkakaron, padayong ginatukod ang SM General Santos niini.

 We’re continually reforming our policies to help further develop a more vibrant business climate and sustain our gains in terms of new investments these past years,” dason ni Custodio. (pbanat news desk/jong gorgonio)

*8888888

PAGPANUHOL SA MGA AMPATUAN, GINBUYAGYAG SA PAMILYA SA MASSACRE VICTIMS

KORONADAL CITY - Halos tanan nga pamilya sang mga biktima sang Maguindanao massacre ang gintilawan nga suhulan sang pamilya Ampatuan agud iatras ang kaso batuk sa mga ini may kaangtanan sa nagluntad nga makasiligni nga masaker.

Ini ang ginbuyagyag ni Mrs. Myrna Reblando, vice chairman sang Justice Now Movement (JNM) makaligad nga ginkunfermar ni Maguindanao Governor Ismael "Toto" Mangudadatu nga gintilawan siya nga bayran ni anay ARMM Governor Zaldy Ampatuan agud mag-isol sa ginpasaka nga kaso.

Ginpahayag ni Reblando nga siya mismo ang pila man ka beses nga gintanyagan sang singko milyones pesos sang emisaryo sang mga Ampatuan apang wala niya ini ginbaton bangud sa ginapakigbato nga hustisya. Suno kay Reblando, wala na ini nakibot sa ginbuyagyag ni Mangudadatu bangud sila mismo nga mga pamilya sang mga biktima naka-eksperyensya man sini. (gikan sa report sa bombo radio)

*888888888

EID KABALU BALIK SPOKESMAN SANG MILF

KORONADAL CITY - Ginkalipay sang iya mga kaupdanan ang liwat nga pagdesignar Eid Kabalu bilang spokesman sang Moro Islamic Liberation Front (MILF).

Ginpahayag ni MILF outgoing spokesman Von Al-haq nga welcome para sa ila ang pagbalik ni Kabalu sa puwesto matapos ang halos anum ka bulan nga suspension sini.

Sa interview, ginpahayag ni Al-haq nga sa pagbalik ni Kabalu, nagbalik man siya bilang Chief of Staff sang Islamic Armed Forces (BIAF).

Suno kay Al-haq, madamo siya sang natun-an sang nagtal-os ini sa position ni Kabalu subong man madamo ini sang nangin abyan sa media. Kahapon pormal nga nagbalik sa puwesto si Kabalu. Nahibaluan nga ginsuspender anay ang nasambit nga opisyal bilang spokesman sang MILF sang Abril 12, 2010 makaligad nga naglagdan ini sang "covenant" nga nag-indorso kay Brother Eddie Villanueva sang Bangon Pilipinas Party (BPP) angot sa Mayo 10 presidential elections. (gikan sa report sa bombo radio)

*888888888

Eksperto sa aquatic ecology mipahigayon og baseline study alang sa Tampakan Project

Natapos na sa usa ka grupo sa lokal ug internasyunal nga eksperto nga gipanungahan ni Naniel Aragones sa AECOM ang aquatic ecology baseline study sa dapit nga nasakupan sa gisugyot nga Tampakan Copper-Gold Project sa South Cotabato. Si Aragones, kansa nakig-alayon sa Australian company nga Hydrobiology, usa ka aquatic biologist kansa gitun-an ang freshwater ug marine ecosystem sa Pilipinas sulod na sa 25 ka tuig. Ang nakolektang data isumite sa Department of Environment and Natural Resources (DENR) alang sa pagkumpirma, usa ka parte sa proseso Environmental and Social Impact Assessement (ESIA) nga gimando sa Philippine Mining Act of 1995.
“Kini nga baseline study gimando sa balaod. Ang usa ka gasugyot og proyekto sama sa Sagittarius Mines, Inc (SMI) ug ang gisugyot niini nga proyekto kinahanglang usisaon pinaagi sa proseso sa ESIA pinaagi sa usa ka independenteng third party sama sa AECOM,” pagpatin-aw ni Aragones.
Gikanayon ni Aragones nga ang baseline study sa aquatic ecology mahinungdanon alang sa pagmugna og plano sa pagdumala nga maoy mosiguro sa mga pamaagi sa pagkunhod sa epekto sa kinaiyahan sa gisugyot nga proyekto. Nalakip niini ang pagtuon sa tanum ug mananap nga makita sa kasapaan ug uban pang sistema sa tubig sulod ug duol sa project area.
“Anong gitun-an ang fresh water ug marine water ecology, lakip ang isda, pasayan, alimango, mga insekto sa tubig ug tanom ug kahoy nga makita sa river banks,” dugang niini,
Ang ESIA usa ka proseso nga galakip sa pagtagna ug pagtuon sa epekto sa gisugyot nga proyekto sa kinaiyahan ug sa komunidad atul sa pagtukod, commissioning, operasyon ug pagsirado. Galakip usab kini sa pagmugna og igong plano sa pagdumala aron malikayan o makunhuran ang negatibong epekto ug mapalambo ang positibong epekto sa proyekto.
Ang baseline study gipahigayon aron masayran ang kasamtangang kondisyon una pa sugdan ang proyekto. Ang sukaranong impormasyon nga makaylap una pa magsugod ang proyekto, nga gitawag usab og baseline data, itandi sa impormasyon nga makuha atul ug pagkahuman sa pagpatuman sa proyekto aron masayran ang kausaban ug epekto niini. 

*88888888

 

periodicobanat (disyembre 20, 2010)

‘PAGKILALA’—Ini-abot dito ni Mayor Darlene Custodio ang isang plake bilang pagkilala sa mga nagawa ni Gensan City PNP Director, PSUPT, Atty. Cedrick Train sa seguridad ng General Santos City. Kung matatandaan, mismong si Train pa ang nanguna sa mga pulis nito upang matagumpay na ma-rescue ang isang Tsinoy na negosyante sa kamay ng mga kidnappers noong nakaraang buwan. (kuha ni vert castro)

*8888888

HALAD SA SIMBAHAN GIKAWAT

GENERAL SANTOS CITY---Grabe na gyud diay kayo karon ang kapit-os sa panahon tungod kay pati ang halad sa simbahan, biktimahon naman sa mga balahibuon ug kamot.

Dili pa lang dugay, usa ka Odysseus Alagao, 63 anyos ug labaw sa General Service Department sa City Alliance Church, sa dalang Atis ning siyudad ang mihatod mismo sa usa ka suspetsadong babayeng kawatan, nga aktong nasakpan sa mga taga simbahan padulong sa Police Station 1.

Sa rekord sa kapulisan, naila ang suspek nga usa ka Jualita Cuesta, hamtong ang pangidaron ug residente sa Kablan, Maasim, Sarangani Province. Sa pagkasikop sa suspek, nabawi gihapon ang mga gipangkawat niini nga mga gamit sa simbahan apan, ang halad o offering wala na gyud makit-i. Ang babayeng suspek nagbaton usab ug tulo ka mga pangalan hinungdan nga nalibog karon ang mga pulis sa tinuod nga identipikasyon niini. Matod pa nagpaila usab kini nga usa ka Mary Jaireh Acharon ug Princess Diana Lopez.

Gibalhog na karon sa Pendatun PNP ang maong suspek samtang gi-andam ang kasong pagpangawat ngadto kaniya. (pbanat news desk/vert castro)

*88888888

KAPITAN SA ALABEL, MILYONARYO HUMAN SA BDAY NI PACMAN

GENERAL SANTOS CITY---Sadya gyud ug puno sa pagmaya ang ginabati karon sa usa ka kapitan sa Alabel, Sarangani Province human kini mao ang nakadaug sa gipahigayon nga raffle draw sa ika-32 nga birthday ni Congresman Manny Pacquiao sulod sa KCC Convention Center niadtong milabay nga adlaw.

Sa report nga nakuha, si Kapitan Elmer Alaida sa barangay Domolok, Alabel maoy nabunutan nga makadawat sa P1 milyones nga pa-raffle sa kongresista.

Pagkabunot sa pangalan sa kapitan, gilayon nga gitunol sa kongresista ang premyo niini nga nasayran gikan kang Pacquiao ug sa suod nga higala niini nga si Chavit Singson. Samtang, daghang mga pa-premyo usab ang gipanghatag sama sa duha ka mga kotse, mga motorsiklo ug mga flat screen televisions.

Ang pagsaulog sa birthday ni Pacquiao gitapokan usab ug mga dagko ug mga iladong mga bisita. Pipila sa mga mitambong mao sila si promoter Bob Arum, coach Freddie Roach, Juan Manuel Lopez, Senator Bong Revilla, Cesar Montano, Sunshine Cruz, Bayani Agbayani ug uban pa. (pbanat news desk/jun castro)

*888888

CONG. PAC,NAGPASALAMAT SA MGA BISITA SA IYANG BDAY

GENERAL SANTOS CITY---Mipaabot sa iyang kinasing-kasing nga pasalamat si Sarangani Congressman, Manny Pacquiao sa mga bisita nga mitambong sa iyang 32^nd birthday niadtong milabay nga Biyernes sulod sa KCC Convention Center.

Matod pa sa bagitong kongresista nga wala gyud kasudlan ang kalipay nga iyang gibati tungod sa mga gipakita nga suporta sa iyang mga amigo ug mismong sa mga taga-Sarangani.

Sa mensahe niini atol sa iyang birthday, gibutyag ni Pacquiao nga nasakitan kini sa mga negatibong isyu ngadto kaniya, partikular mente ang matod pa wala kini katakos nga mamahimong usa ka magbabalaod. Dugang niini, usa kini ka pagtamay sa iyang abilidad ug pagkatawo apan, giklaro sa 8^th time World Division Boxing Champion nga mamahimo kining hagit ngadto kaniya nga pamatud-an ang iyang tinuod nga pagmahal sa mga taga-Sarangani. Aminado usab ang kongresista nga dili makapahunong kaniya ang mga intriga nga moserbisyo ug todo sa mga misalig kaniya sa nakalabay nga eleksyon diin nahimo kining pinakabatang kongresista sa Sarangani Province sukad kini nahimugso, 18 ka tuig na ang nakalabay. (pbanat news desk/jong gorgonio)

*888888

3 KA MGA GRANADA NADISKUBRE SA SARANGANI JAIL 

 

GOB. MIGS DOMINGUEZ

GENERAL SANTOS CITY—Na-alerto karon ang tibuok nga lalawigan sa Sarangani human nga nadiskubrehan kagahapong adlawa ang tulo ka mga granada sulod mismo sa Sarangani Provincial Jail sa Baluntay, Alabel, Sarangani.

Mismong si Sarangani Province Governor, Migs Dominguez ang mikumpirma sa media nga aduna gyud nakaplagan sa mga sakop sa Bureau of Jail Management and Penology (BJMP) nga tulo ka mga granada sa gihimong inspeksyon sa mga selda kagahapon.

Dugang pa sa gobernador nga niadtong milabay nga adlaw pa kini nakadawat ug intelligence report nga may mga plano nga luwason ang mga high-profile inmates nga nakadetine karon sa maong presohan gamit ang mga granada.

Gi-angkon usab sa gobernador nga hangtod karon padayon pa gihapon nga gina-imbestigahan sa mga awtoridad kung kinsa ang responsable sa pagpasulod sa mga granada sa maong presohan. Nalipay hinuon ang amahan sa lalawigan nga nasakpan ug nadiskubre gilayon ang maong mga granada tungod kay napakgang ang bisan unsa man nga dautang lakang sa mga kriminal.

Tungod usab sa maong insidente, mas gipahugtan pa karon ang seguridad sa Sarangani Provincial Jail aron dili na kini ma-usab. (pbanat news desk/jong gorgonio)

*888888

periodico banat (disyembre 16, 2010)

‘NAGTAPOK’---Mga dagkong lideres sa Rehiyon 12 atol sa gihimong Seminar/Training on Crisis Management sa Sydney Hotel Gensan nga gipangunahan ni DILG Sec. Jesse Robredo. Ang maong panagtapok, mao usab ang higayon diin gibarugan sa DILG partikular mente ni Kalihim Robredo ang gipakanaug nga Memorandum niini nga nagsugo sa South Cotabato Government nga i-suspenso ang implementasyon sa kontrobersyal nga Environment Code. (kuha ni vert castro/pbanat caption)

*8888888
 
DILG SEC MISULTI NA

‘ATONG SUNDON ANG BALAOD, DILI KINI HISGUTANAN SA PRO UG ANTI-MINING’

GENERAL SANTOS CITY---Mipalanog na karon sa iyang pamahayag si Department of Interior and Local Government (DILG) Secretary, Jesse Robredo, may kalabotan sa kontrobersyal nga pagpakanaug niini ug usa ka memorandum nga nag-mando sa kagmahanang probinsyal sa South Cotabato nga i-suspenso una ang implementasyon sa Environment Code sa probinsya ug gilayon nga mohimo ug pag-review niini.

Kagahapong adlawa, si Robredo mao ang nahimong bisita sa gipahigayong Seminar and Training on Crisis Intervention and Management didto sa Sydney Hotel, diin gitambongan sa mga gobernador, mayores ug uban pang mga opisyales sa kagamhanan.

Matod ni Robredo, dili Pro-Mining ug Anti-Mining ang tinuod nga isyu sa iyang pagpakanaug sa Memorandm nga nagsugo kang Gobernador Arthur Pingoy sa South Cotabato nga ihunong ang implementasyon sa kontrobersyal nga Environment Code.

Gibutyag pa sa opisyalsa DILG nga anaa ang ilang ahensya aron lamang sa pagsiguro nga ang mga nasyunal ug lokal nga balaodnon adunay ginatawag nga ‘consistencies’ ug sigurohon usab nga dili na molapas sa ilang gahum ang mga Local Government Units (LGU).

‘DILG is not Pro-Mining or Ant-Mining…We are here just to make sure that national laws and local laws are consistent and ensure LGUs will not exceed their authority,’ butyag ni Robredo.

Gipunting pa sa Kalihim nga dili gyud isyu ang mina sa South Cotabato kundili ang paglapas sa awtoridad sa Local Government Unit sa South Cotabato—diin wala gyud kini gitugutan sa balaod sa Pilipinas.

‘Palagay ko ang issue is rule of law, hindi naman talaga mining..Hindi puwede ang batas na yan dahil lagpas na sa kapangyarihan ng LGU,’ saysay pa sa Kalihim.

Gipasabot usab ni Robredo ngadto sa mga mitambong sa maong panagtigom nga polisiya sa kagamhanang nasyunal ang pagpahigayon ug usa ka responsableng pagmina ug dili ang pagpa-undang niini.

‘Ang national policy is responsible mining hindi total mining ban…I do support the intent of the South Cotabato government that we shall protect the environment..Yung lahat ng nais niyo, yun din ang nais ko,’ punting pa sa DILG Secretary.

Gipangusgan usab ni Robredo nga trabaho niini nga ipahinumdum sa mga lokal nga kagamhanan nga basin milapas na sila sa ilang gahum nga dili man gyud kini puwede ilabi na nga tibuok nasod nagsubay sa nasyunal nga balaodnon.

Kampante pa nga gipaniguro ni Robredo nga bisan tuod nga ang panglantaw sa uban nga usa ka mining issue ang pagmando niini ngadto sa gobyerno sa South Cotabato sa pagsuspenso sa implementasyon sa Environment Code—pero sa kamatuoran usa lamang kini nga simpleng klase sa pagpatunhay sa tinuod nga balaod.

‘It may turn out a mining issue…But in our case it will be just simple case of ensuring we follow the rule of law,’ lig-on nga sulti ni Robredo.

Aminado usab ang Kalihim nga panahon nga walay panaghi-usa ang mga balaod sa nasyunal ug lokal nga mga panggamhanan, siguradong mo-angal gyud ang mga magpapatigayon ug mobatikos pa nga wala gihapon silbi ang nasyunal nga polisiya tungod wala kini makahi-usa sa mga lokal nga balaodnon.

‘Dapat yung national and local should sit down together and agree otherwise it will be contrary to both of their interest,’ dason sa maong opisyal.

Kasayuran na nga niadtong milabay nga Hunyo 29 ning tuiga, gipasa ni outgoing South Cotabato Governor, ug karon Congresswoman, Daisy Fuentes ang Environment Code of South Cotabato diin dili lamang ang mga magpapatigayon sa maong probinsya ug mga kasikbit nga dapit ang nagpadayag sa ilang pagbabag kundili lakip na usab ang mga sakop sa netibo nga misaysay pa nga gibalewala sa kagamhanan ang ilang tawhanong katungod.

Bisan ang Regional Development Council, gilantaw nga ang industriya sa mina mao gyud ang mohatag ug siguradong kalamboan ug malungtarong solusyon sa nagkapit-os nga ekonomiya sa rehiyon 12.

Ang Enviroment Code sa South Cotabato pinaagi sa usa sa mga probisyon niini, nagdumili sa pagpahigayon ug open pit mining apan mismong ang Republic Act 7942 o Philippine Mining Act of 1995 wala magsupak ug mibabag niini, ilabi na kung usa ka iladong responsable ug may katakos nga kompanya ang manguna niini.

Ang Tampakan Copper-Gold Project (TCGP) sa Sagittarius Mines, Inc (SMI) maoy naghupot karon sa Financial and Technical Assistance Agreement (FTAA) sa kabukiran sa Tampakan, South Cotabato ug mga kasikbit nga dapit niini. Gibana-bana nga moabot ngadto sa $5.9 bilyones dolyares nga pondo ang ibubo sa SMI alang sa maong proyekto nga nasuta nga maoy pinakadako ug pinakalapad nga deposito sa copper ug gold sa tibuok Southeast Asia.

‘Were not pro-mining, were not anti mining we just follow the rule of law,’ panapos ni Robredo. (pbanat news desk/jong gorgonio)

*888888

BOB ARUM UG FREDDIE ROACH MOTAMBONG SA BDAY NI PACMAN

GENERAL SANTOS CITY - Nang apud-apod ug pinaskuhan si Congressman Manny Pacquiao sa probinsya ng Sarangani.

Nasayran nga ning adlawa mihimo ug outreach program ang Manny Pacquiao Foundation kon asa nanghatag ug mga bugas, noodles ug canned goods sa tibuok probinsya. Samtang ugmang adlawa, i-turn-over ni Congressman Pacquiao ngadto sa Department of Education sa probinsya ang 40 footer nga van nga napuno ug hardbound nga libro nga gikan sa Amerika ug sa negosyanteng si Henry Sy. Samtang gikumpirma ni Leanne Omega- business manager sa Pacquiao Group of Companies nga muabot sa birthday party ni Pacman si Top Rank promoter Bob Arum ug Coach Freddie Roach lakip ang mga kongresista ug pipila ka mga artista. Gilaumang muabot sa 1500 ang mamahimong bisita kon asa ang tema sa okasyon mao ang musical pound-for-pound nga matigayon sa KCC Convention Center.

*8888888

LAING MAG-UUMA GILUTHANG PATAY

CENTRAL MINDANAO - Usa ka mag-uuma ang gipusil patay sa mga armadong grupo sa alas 8:00 sa gabii,niadtong Martes,didto sa probinsiya sa Cotabato.

Nailhan sa kapulisan ang biktima nga si Ernesto Balawig, 36, minyo og molupyo sa Barangay Pisan, Kabacan. Sa nahagpat nga taho gikan sa Cotabato Police Provincial Office, nasuta nga samtang naglingkod ang biktima atbang sa iyang pinuy-anan, kalit lamang mibutho ang mga armadong kalalakin-an og gipusil siya gamit ang kalibre .45 nga pistola. Patay gilayon si Balawig nga naigo sa iyang ulo ug dughan nga parte sa lawas samtang ang mga suspetsado ang dali nga misibat paingon sa wala matino nga direksyon. Si Kabacan chief of police Supt Joseph Samellano, nagsulti nga bag-o gitipi ang mag-uuma dunay naka-away kining grupo gumikan lamang sa bingkil sa yuta nga ilang gi-ugmad. Apan ang pamilya sa biktima namugos nga mga rebelde ang mipatay sa biktima gumikan naalaan siya nga asset sa militar gumikan dunay mga barkada kining sundalo sa ilang dapit. Padayon pa ang imbestigasyon sa kapulisan aron ika-istablisar ang tinuod nga hinungdan sa kamatayon sa biktima. (gikan sa report sa bombo radyo)

*8888888

SEKYU GIBUGHA PATAY

CENTRAL MINDANAO - Patay ang usa ka security officer human kini gipusil mga alas 7:40 sa gabii, niadtong Martes, didto sa probinsiya sa Maguindanao.

Giila ang biktima nga mao si Bajunaid Salindato, 44, minyo, liason Officer sa Tiger Security Agency og molupyo sa Barangay Salimbao, Sultan Kudarat. Base sa taho gikan sa Maguindanao Police Provincial Office,nga samtang sakay ang biktima sa iyahang XRM nga motorsiklo, bag-uhay lamang naghatud sa iyang asawa sa bay niini pabalik na unta siya sa siyudad sa Cotabato. Sa diha nga giatngan kini sa wala mailhing suspetsado og gipusil gamit ang kalibre .45 nga pistola. Dali sab nga miiskapo ang mga mamumuno sakay sa usa ka motorsiklo paingon sa wala matino nga direksyon. Ang biktima ang dali nga gisapupo sa mga sakop sa 38th IB ug Philippine marines og gidala sa Notre Dame Hospital apan gidiklara sa mga attending physician nga dead on arrival gumikan sa grabeng samad pinusilan sa iyang tangkogo ug kili-kili nga parte sa lawas. Gikanayon ni Maguindanao police provincial director S/Supt. Marcelo Pintac, nga duha ka anggulo ang ilang gisundan sa ilang imbestigasyon sa pagpatay sa biktima, una silos sa posisyon ug personal nga atraso. (gikan sa report sa bombo radyo)

*8888888