periodicobanat (oktubre 17, 2008)

Makita dinhi si City Engineer Mark Reyes nga mihatag sa iyang report sa media may kalabotan sa pagatukoron nga General Santos Park nga gipondohan ug kapin sa P22 milyones. Gipamahayag usab ni Reyes nga madugangan na usab ug laing P20 milyones ang traffic lights sa Gensan sanglit karong bulana, imuntar na ang mga bag-ong traffic lights sa may national highway. Kuyog ni Reyes si Engineer Rizza Paces sa City Planning Office. (kuha ni Cris Sulit/cpio/pbanat caption)

*88888888 Garantisadong Pambata, giselebrar sa Gensan Todo suporta gyud ang dakbayan sa selebrasyon sa Garantisadong Pambata nga gipasigudahan sa Department of Health. Sa usa ka report, mismong ang City Nutritionist nga si Nanette Cabidog ang nagbutyag nga suogd niadtong Oktubre 13 hangtod karong adlawa, Oktubre 17 adunay ipahigayon ang City Health Office nga deworming o pagpurga sa mga bata lakip pa gyud ang panghatag ug mga Vitamin A supplement. Matod ni Cabidog ang ginahimo karon nga programa sa Garantisadong Pambata mao na ang ikaduhang hugna nga gisugdan kaniadto sa bulan sa Abril. Nagbitbit ug tema nga "GP8 Child Survival Package, Kids Can't Wait" ang selebrasyon sa Garantisadong Pambata. Gi-awhag ang tanan nga mga inahan nga gilayon mobisita sa mga barangay health centers, lying-in clinics, malls, Mother and Child, Nikki Louise College ug sa City Health Office nga mobisita aron mahatagan ug libre nga mga pampurga ug vitamin A ang ilang mga anak nga nag-edad ug 6-11 ka bulan, 12-59 ka bulan lakip na pod ang 60-71 ka bulan. Ang pagpurga ginahatag usab sa mga bata nga 12-24 ka bulan ang ea dug sa 24-71 ka bulan. (gikan sa report ni ping aponesto/cpio/pbanat news desk) *88888888 Laing hugna sa City Hall sa Barangay, sugdan na! Ang ika katorse nga bahin sa City Hall sa Barangay pormal na gyud nga sugdan karong Oktubre 24, 2008. Mao kini ang gibutyag ni Gensan City Administrator, Marcelino Dospueblos atol sa gipahigayon nga miting sa mga labaw sa tanang departamento sa city hall niadtong milabay nga adlaw. Sa maong panagtigom, nadesisyonan nga himuon na lamang ang City Hall sa Barangay matag Biyernes nga sukwahi kaniadto nga ginahimo gikan sa adlaw nga Miyerkules ngadto sa Biyernes. Ang mga unang barangay nga maoy sugdan sa City Hall sa barangay mao ang upat ka mga barangay nga anaa lamang sa downtown area. Pinaagi sa City Hall sa Barangay, direktang mapaabot sa mga residente sa barangay ang ilang mga mulo ug problema ngadto mismo kang Gensan City Mayor, Pedro Acharon, Jr. Ang maong programa gihimo sa administrasyon ni Acharon isip tubag sa mga mulo nga dugay na-aksyonan tungod usab sa kalayo sa ubang mga barangay sa city hall. ‘Transparency in governance’ nga usa sa mga nag-unang bisyon ni Acharon ang ginaduso sa City Hall sa Barangay nga sigurado gyud makahatag ug tsansa sa mga residente sa paglantaw sa kinahanglanon sa syudad ug sa komunidad. (cpio/pingaponesto/pbanat news desk) *888888888 HEADLINER: 73rd IB, andam molayas sa Sarangani Kung masiguro sa BAYAN nga luwas ang katawhan sa dautang elemento Andam gyud nga mopahawa ug molayas ang tropa sa 73rd Infantry Battalion sa Philippine Army nga nakabase karon sa lungsod sa Maasim, Sarangani Province base sa sugyot sa militanteng grupo nga Bagong Alyansang Makabayan (BAYAN). Matod ni Lt. Col. Boogie de Leon, wala’y problema ug dali lamang kaayong manghipos ug mamutos ang iyang tropa ug mopahawa sila sa Sarangani Province kung mismo ang grupo sa BAYAN ang mopuli ngadto kanila ug maniguro nga luwas, wala’y dautang mahitabo ug guwardiyado ang mga sibilyan sa lalawigan gikan sa mga dautang elemento partikular na ang mga sakop sa Lawless Element Groups (LMG) nga padayong nanghasi ug nagsabwag ug kagubot karon sa Sarangani. Kahinumduman, nanawagan ang tigpamaba sa BAYAN nga si Edward Flores nga kinahanglan nga molayas na sa Sarangani ang mga tropa sa 73rd IB sanglit nagbitbit matod pa ug dili maayong rekord ang maong batalyon kung ang hisgotan mao ang tawhanong katungod. Matod ni Flores, klaro kaayong gigamit lamang ang mga sundalo sa pipila ka mga dagko ug iladong negosyante sa lalawigan alang sa ilang mga kaugalingong interes. Si Flores nagbutyag pa nga klaro kaayo nga militarisasyon ang gisabwag sa mga sundalo ug gikantiyawan pa niini ang bag-ohay pa lamang nahitabo nga civic mission sa mga sundalong Amerikano sa Nomoh Maasim, diin ubay-ubay nga mga sibilyan ug biktima sa kagubot ang nahatagan gyud ug serbisyon medikal. Matod ni Flores usa lamang ka pagpanglingla sa mga Amerikano ang ginahimo nilang mga civiv actions nga klaro kaayong adunay hidden agendad sa likod sa mga ayuda. Apan, gibalewala lamang ni de Leon ang mga patutsada sa militanteng lider ug midason pa kini nga mas labing maayong himuon sa militanteng grupo mao ang pagkuyog ug pag-apil sa mga civic missions sa mga sundalo aron ilang mahibaw-an ang kamatuoran. (pbanat news desk) *888888888 Grand Little Dreamer nga si Philip Nadela, mo-uli karon sa Gensan Naka-iskedyul gyud nga mo-uli ug mahidangat sa dakbayan ang sikat kaayong bata ug pinaka-unang Grand Little Dreamer sa Pinoy Dream Academy sa ABSCBN karong adlawa. Mao kini ang gikumpirma sa City Hall ug nagbutyag nga ang 9 anyos nga si Philip Ceasar Nadela, alyas Philip Nolasco mo-uli gyud dinhi sa Gensan ug adunay engrande nga selebrasyon ang gi-andam ngadto sa bag-ong kampeon. Matod ni Gensan City Mayor, Pedro Acharon Jr., usa ka welcome motorcade gikan sa airport padulong sa mga nag-unang kadalanan sa syudad ang isugat ngadto kang Philip ug usa ka press conference sa Oval Plaza Covered Court pagkahuman. Bisan ang usa ka negosyante, may gi-andam na pod nga victory party sa batang si Philp unyang gabii. Ang kadaugan ni Philip naghatod gyud ug kalipay ngadto sa alkalde ug midason pa kini nga tinuod gyud nga ang dakbayan binhi-anan ug mga sikat ug may abilidad sa bisan unsa nga larangan. Gipasiatab pa sa mayor nga kung isports ang istoryahan, dili na ikalalis ang gihatod nga dungog ni Manny Pacquiao ug karon sa kantahan anaa pod si Philip Nolasco. Ang Exquiztyh Dancers nga gikan usab sa Gensan mao ang gideklarang national champion sa hiphop dancing contest sa ABSCBN ug mao nay morepresentar sa nasod sa World Hiphop Championship karong sunod bulan. (pbanat news desk) *888888888 Jok-Jok ug Botsoy nadakpan ra gyud! Nadakpan ra gyud ang duha ka mga suspetsado sa kasong murder didto sa Matalam niadtong milabay nga adlaw. Sa report sa Criminal Investigation and Detection Group (CIDG-12) sikop gyud ang duha ka suspek nga nailang sila Alex Sumandang alyas Jok-Jok ug Rene Sumandang alyas Botsoy sa Sitio Panipasan, Barangay Lampayan, Matalam North Cotabato human dugay-dugay nga nagtago-tago sa sabakan sa balaod. Ang duha ka mga suspek nag-atubang ug kasong murder pinasikad sa orden de aresto nga gipakanaug sa RC Branch 23 sa Kidapawan City. Matod ni PSSUPT Generoso Bonifacio, ang Regional Director sa CIDG-12, usa ka ‘intensified operation’ ang ginahimo karon sa ilang ahensya aron gukdon ang mga gipangita sa balaod ug may mga kaso. ‘OPLAN PAGTUGIS ang ginamit naming para mahuli ang mga wanted persons,’ saysay pa ni Bonifacio sa Periodico Banat. Sa kasamtangan anaa na karon sa selda sa CIDG-12 ang duha ka mga suspek samtang gihulat ang commitment order sa korte. (pbanat news desk) *888888888

Rapist nga wanted sa Rehiyon 12, sikop sa CIDG Kung ang Cotabato City PNP, naka-iskor ug bigtime nga kidnaper, wala pod magpa-ulahi ang buhatan sa Criminal Investigation and Detection Group sa Rehiyon 12. Niadtong milabay nga adlaw, malampusong nakuha gyud sa grupo sa CIDG-12 (Cotabato Ctiy) ang usa ka dugay na nga gipangita nga Most Wanted Rapist sa Rehiyon. Base sa report nga nakuha sa Periodico-Banat, naila ang suspek nga alyas Rey, 35 anyos, minyo ug residente sa Barangay Pinantao, Kidapawan City. Ang inisyal nga imbestigasyon sa mga pulis nagbutyag nga dugay na nga gipangita ang maong suspek tungod sa orden de aresto niini nga gipakanaug sa korte sa 12th Judicial Region, Branch 24 didto sa Midsayap, North Cotabo. Matod sa report, maayo gyud nga magtago-tago ang maong suspek apan tungod sa usa ka impormasyon, nakuha gyud kini ug nasikop. Matod ni CIDG-12 Regional Director, PSSUPT Generoso Bonifacio, ang pagkasikop kang alyas Rey, usa ka timailhan sa maayong koordinasyon ug relasyon sa mga pulis ug sa komunidad. Sa kasamtangan, nagtingkagol ang suspetsado sa CIDG-Cotabato samtang gihulat pa ang commitment order sa korte aron mabalhin na kini sa North Cotabato Provincial Jail. (gikan sa report ni danny bojos/pbanat news desk) *88888888 MILF, naa na pod sa T’boli Usa ka report karon ang gipagawas sa Regional PNP 12 may kalabotan sa matod pa presensya sa mga gidudahang Moro Islamic Liberation Front (MILF) combatants didto sa lungsod sa T’boli, South Cotabato niadtong milabay nga adlaw. Ang report sa PNP-12 nga gipadala dinhi sa Periodico-Banat nagbutyag nga mismo ang mga mag-uuma ang nakakita sa kapin 30 ka mga Lawless MILF Group (LMG) nga padulong sa South Kapanal, Barangay Gasi, Kiamba, Sarangani Province. Matod ni Dosin Soyan, 39 anyos ug usa sa mga nakakita sa mga armadong grupo, gitug-an niini nga ang mga suspek nagbitbit ug M14 nga mga armas de fuego. Tungod sa maong panghitabo, gilayon nga namakwet ang pamilya ni Soyan aron dili maangin sa posibleng gubot nga isabwag sa mga dautang elemento. Samtang ang usa ka mag-uuma nga si Komando Man, 37 anyos wala gyud makalingkawas sa kabangis sa mga armado human ang iyang kaugalingong sundang mao ang gigamit sa pagtigbas sa iyang kamot. Maayo na lamang kay abtik nga naka-ikyas gikan sa mga armado. Ang panghitabo sa T’boli nakapa-aghat na usab ug mga namakwet apan matod sa report sa PNP-12, dili pa matino kung pila gyud ang nahimong apektado nga mga residente. Nagpasalig hinuon ang kapulisan nga mohatag sa komprehensibong impormasyon sa mga umaabot nga adlaw. (pbanat news desk) *88888888 NPA mi-atake sa Cotabato, tanod gidis-armahan Dili lamang ang mga Lawless Element Groups (LMG) ang problema sa mga sakop sa PNP-12, kundili apil na pod ang mga sakop sa New Peoples’ Army (NPA). Sa report nga nakaabot sa Periodico-Banat kagahapon, nahibaloan nga kalit lang nahidangat sa Barangay Binoongan, Arakan, Cotabato ang kapin 13 ka mga armadong lalaki nga unang nagpaka-arong ingnon nga mga sakop sa sundalo. Pag-abot sa dapit sa usa ka Ricardo Dubria, 50 anyos usa ka mag-uuma ug barangay tanod sa maong barangay, yano lamang nga gidis-armahan ang tano ug nakuha gyud gikan sa iyang posisyon ang usa ka .357 nga revolver, tulo ka mga granada, ug usa ka cellphone. Matod ni PSUPT Jose Calimutan, Deputy Provincial Director sa Cotabato PNP, dili lamang mga armas ang nakuha sa mga gidudahang sakop sa NPA kundili apil pa gyud ang pipila ka mga cash nga kuwarta. Gitug-an pod niini nga padayon ang hot pursuit operations sa Arakan Police Station kuyog ang mga sakop sa Police Provincial Group. (pbanat news desk) *88888888 Sultan Kudarat Soils and Water Laboratory pormal nang binuksan ISULAN, Sultan Kudarat – Matagumpay na pinasinayaan ang pinakabagong Soils and Water Laboratory sa lalawigan ng Sultan Kudarat. Ang Laboratoryo na ipinatupad sa pakikipagtulungan ng SOCSKSARGEN (South Cotabato, Cotabato, Sultan Kudarat, Sarangani at General Santos) Area Development Project Office-Project Management Unit (ADPO-PMU) at ng pamahalaang panlalawigan ng Sultan Kudarat ay naglalayong matulungan ang mga magsasaka sa pagtukoy sa uri ng lupa at tubig na angkop gamitin sa pagsasaka. Isa rin ang Provincial Soils and Water laboratory ng Sultan Kudarat sa mga facilities sa ilalim ng Food Security Project ng Department of Agriculture (DA) na ipinapatupad sa iba’t ibang mga lalawigan upang matustusan ang produksiyon sa pagkain. Inihayag naman ni SOCSKSARGEN ADPO-PMU Project Manager Ginalyn Fe C. Cachuela na ang pagkakaroon ng Soils and Water Laboratory ay nangangahulugan ng kaginhawaan hindi lamang sa mga taga Sultan Kudarat kundi pati na rin ng buong Rehiyon Dose. (AndrewHornales/PPDO-Sultan Kudarat) *888888888 40 secondary schools lalahok sa Provincial Quiz bee ISULAN, Sultan Kudarat – Tinatayang apat napung (40) private at pubic secondary schools ang makikiisa sa gaganaping Provincial Quiz Bee sa ika 17 ng Oktubre. Ayon sa lokal na tanggapan ng Department of Trade and Industry (DTI) na pinamumunuan ni G. Carlito E. Nuñez, layunin ng Quiz Bee na mapataas ang consumer welfare awareness ng mga kabataan lalo na yaong may kinalaman sa karapatan at responsibilidad ng mga consumers. Aniya, 40 mga estudyante mula sa iba’t ibang pribado at pampublikong paaralan sa sekondarya ang inaasahang lalahok sa naturang kompetisyon na pangungunahan ng DTI, Sultan Kudarat Chamber of Commerce and Industry Foundation, Inc., Department of Education (DepEd) at ng provincial government ng Sultan Kudarat. Ang Provincial Consumer Quiz Bee ay bahagi ng pagdiriwang ng Consumer Welfare month ngayong Oktubre na may temang “Leading the Consumers Toward Efficient Lighting for a Brighter Future.” (AndrewHornales/PPDO-Sultan Kudarat) *888888888 Sultan Kudarat binisita ng mga Davao Sur government employees

ISULAN, Sultan Kudarat – Binisita ng mga provincial government employees mula sa Davao del Sur ang provincial capitol building ng Sultan Kudarat. Ang pagbisita ay naglalayon umanong makapagbuo ng magandang samahan upang mapabuti ang mga local initiatives na ipinapatupad sa bawat lalawigan. Bilang “planning champion,” iprinesenta ng Provincial Planning and Development Office (PPDO) na pinamumunuan ni Engr. Romeo B. Zaragoza ang socio-economic profile ng Sultan Kudarat na nagpahanga sa mga kawani ng Davao del Sur. Binanggit din ni Governor Suharto T. Mangudadatu, Al Haj ang mga pangunahing programa at proyekto ng Sultan Kudarat na nakatutok sa kapakanan ng buong mamamayan. Kaugnay nito, nagpahayag ng tiwala ang mga bisita na sa pamamagitan ng pakikipag-ugnayan sa Sultan Kudarat ay makapagbuo ang pamunuan ng Davao del Sur ng mga proyekto at programang aagapay sa pag-unlad ng mamamayan. (AndrewHornales/PPDO-Sultan Kudarat) *888888888