‘SI PACMAN UG MIGS’---Makita dinhi ang duha ka mga lideres sa probinsya sa Sarangani nga sila Cong. Manny Pacquiao (wala) ug Gob. Migs Dominguez (tuo) samtang nag-istoryahanay alang sa kalamboan sa probinsya. Tapad usab ni Pacquiao si Malapatan Mayor, Alfonso Singcoy. (pbanat caption/kuha ni Ipalma)
*888888
82 KA PAMILYA NGA GIBAHA SA KORONADAL, NATABANGAN
GENERAL SANTOS CITY---Nakadawat ug daw sayo nga pinaskohan ang kapin sa 82 ka mga pamilya nga nahimong biktima sa nahitabong pagbaha sa siyudad sa Koronadal City kagahapong adlawa.
Miabot ngadto sa P134,500 ang gihatag sa buhatan sa Department of Social Welfare and Development Regional Office 12 nga gitunol usab ngadto sa buhatan sa Koronadal City Social Welfare Office.
Matod ni CSWD Officer, Mary Jane Gabucan, ang mga pamilya mga residete sa Sitio Upper Acub, barangay San Isidro. Base sa CSWD, ang matag pamilya makadawat ug P5,000 kung totally damage na gyud ang ilang puy-anan, samtang P1,500 usab ngadto sa mga partially damaged nga panimalay.
Kahinumduman, niadtong milabay nga Septembre 10, kalit na lamang nga midagasdas ang kusog nga tubig nga mingresulta usab sa kamatayon sa lima ka mga biktima. (pbanat news desk/vert castro)
*888888
BALAY SA DIRECTOR SA BFAR-12 BIKTIMA SA KAWAT
GENERAL SANTOS CITY---Mi-atake na usab ang mga balahibuon ug kamot sa siyudad kagahapong adlawa diin nahimong pinaka-ulahing biktima ang panimalay mismo sa Regional Director sa Bureau of Fisheries and Aquatic Resources (BFAR) sa Rehiyon 12.
Sa report nga nakuha sa Lagao PNP, nasuta nga ang panimalay ni BFAR Regional Director, Sonny Macabalang nga nahimutang sa Susana Homes, barangay Lagao ang kalit na lamang gisulod sa wala pa mailang mga suspek pinaagi sa pagsulod didto sa bintana sa banyo niini.
Ang inisyal nga imbestigasyon nagtug-an pa nga malampusong nakuha sa mga kawatan ang usa ka laptop, telepono, refrigerator ug uban pang mga gamit nga gibana-banang mobalor ug P100,000. May nakita matod pa nga usa ka bata nga mikaratil ug dagan gikan sa panimalay sa maong opisyal. Dako ang duda sa mga awtoridad nga igo lamang nga gigamit ang maong bata aron makasulod sa panimalay ni Director Macabalang. Hangtod karon, padayon pang gina-imbestigahan ang maong insidente diin aminado ang kapulisan nga basta panahon sa Pasko daghang mga krimen sama sa kawat, tulis ug kidnapping ang mosaka. Igo na lamang nagpahimangno si PCI Richie Bucol nga kinahanglan dili gyud mokompiyansa aron dili mamahimong biktima sa mga dautang elemento. (pbanat news desk/vert castro)
*888888
MATOD SA CITY HALL
MGA PABUTO ATOL SA PASKO UG BAG-ONG TUIG BAWAL NA!
GENERAL SANTOS CITY---Bawal na gyud ug dili puwede ang pag-gamit ug mga pabuto panahon sa Pasko ug sa Bag-ong tuig.
Mao kini karon ang gipalanog ni Gensan City Administrator, Jose Mariano Gonzales sa lokal nga media. Matod ni Gonzales, nga dugay na adunay ordinansa ang siyudad may kalabotan sa pagdili ug mga pabuto panahon sa Kapaskohan ug Bag-ong Tuig, apan wala gihapon kini mosaler tungod kay may mga silingang dapit ang Gensan nga wala mopatuman ug bawal sa mga pabuto.
Ang maong opisyal hugot pa nga nagpahimangno nga kung si kinsa man ang masakpan ug madakpan, sigurado gyud nga masilotan pinaagi sa napanday na nga ordinansa. Hinuon, ang mga pyrotechnic materials wala gihapon gibawal ang pagpamaligya dinhi sa siyudad. Pero, gikinahanglan nga ang ilang mga puwesto nga baligyaan, duol lamang kaayo sa buhatan sa Bureau of Fire and Protection (BFP).
Kahinumduman, niadtong milabay nga tuig lamang, kalit nga nasunog ang usa ka puwesto sa pabuto diin usa ka kinabuhi ang nakalas didto sa Oval Plaza sa siyudad. Ang panahon sa Kapaskohan, gitan-aw usab sa mga bumbero nga usa ka kritikal nga panahon tungod kay dili gyud kapugngan ang mga Pinoy nga mogamit ug mga pabuto ug uban pang mga pyrotechnic devices aron lamang mamahimong sadya ang Pasko ug Bag-ong Tuig. (pbanat news desk/jonggorgonio)
*8888888
NOTORYUS NGA LIDER SA MGA BANDIDO MISURENDER KANG PACMAN
GENERAL SANTOS CITY---Usa ka iladong notoryus nga lider sa mga bandido nga naglihokan sa mga lungsod sa Glan ug Malapatan, Sarangani Province ang pormal na nga mibalik sa sabakan sa balaod human nga personal kining mitahan sa iyang kaugalingon ngadto kang Sarangani Congressman, Manny Pacquiao kagahapong adlawa.
Sa report nga nakuha sa Periodico-Banat, naila ang lider sa mga banadido nga mao si Armando Bansalao. Unang gikabalita nga ang maong lider sa mga bandido una ng misurender ngadto kang Glan Mayor, Victor James Yap ug gipresenta na lamang ngadto sa kongresista.
Sa bahin ni Pacman, gikumpirma niini nga ayudahan gyud sa kagamhanan si Bansalao pinaagi sa paghatag ug disenteng trabaho ug lain pang pagkakitaan aron mahibalik sa normal ang iyang panginabuhian kuyog ang iyang pamilya.
Gidason pa ni Pacquiao nga iyang gihangyo si Bansalao nga tambagan ang uban pang mga kaubanan niini nga mobalik na ngadto sa gobyerno ug undangon na ang pagpanghatag ug purwisyo ngadto sa mga residente sa kabukiran sa Glan ug Malapatan. Si Bansalao gitudlo nga maoy responsable sa pagpangawat ug mga kahayopan sama sa kabaw ug baka sa kabukiran sa duha ka mga lungsod. Sa pagtahan ni Bansalao, gihatag usab niini ang iyang armas nga usa ka M-14 rifle. (pbanat news desk/danny bojos)
*888888888
LUGAR SA MASAKER, TAMNAN SANG AGRI CROPS
KORONADAL CITY - Bilang kabahin sa pag-develop sa massacre site sa Sitio Masalay, Brgy. Salman, Ampatuan, Maguindanao, plano subong sang provincial government nga tamnan ini sang mga agricultural crops.
Suno kay Gov. Ismael Toto Mangudadatu, ginmanduan na sini ang provincial agriculture office nga magtanom sang palay, mais, saging kag iban pa nga root crops ukon high value crops sa bakante nga duta sa massacre site. Ginpahayag ni Mangudadatu nga plano sini nga himuon agricultural land ang tatlo ka kilometro sang nasambit nga area agud nga mapuslan sang mga residente sa probinsiya. Nagapati ang gobernador nga sa paagi sini, amat-amat nga madula ang malain nga imahe sang Sitio Masalay sa Bgry. Salman nga tuga sang makasiligni nga massacre nga nagpatay sa 58 katawo sang Nobyembre 23, 2009.
*8888888
No comments:
Post a Comment